Нелоски: Граѓаните мора да излезат на претседателски избори, не смееме да дозволиме Македонија да стане Заевистан

Катерина Бојаџиева — Tue, 26 Feb 2019 21:02:57 +0000

Членот на Извршниот комитет на ВМРО-ДПМНЕ Владимир Нелоски, во вечерашното гостување во дебатната емисија „И што сега“ на МРТ, посочи дека граѓаните мора да излезат на претседателските избори доколку не сакаат наместо во Македонија да живеат во Заевистан. Имено тој посочи дека кандидатот за претседател на СДСМ ќе биде избран директно од Зоран Заев, недемократски со што Македонија целосно ќе биде узурпирана од Заев кој покрај Владата и судството, сега под целосна контрола ќе го има и претседателот. -Во однос на состојбата во државата, токму поради ова што го кажав. Јас не би го искористил зборот монархија, јас би го искористил зборот Заевистан. Се со цел Македонија да не стане Заевистан и да немаме комплетно узурпирање на Зоран Заев покрај Владата, судството и претседателот на државата кој што ќе биде под негова контрола, граѓаните е потребно да излезат на претседателските избори, да ја поддржат Гордана Силјановска, ако сакаат во оваа држава да почне конечно да се почитува Уставот и законите, а не како што го прави тоа секојдневно СДСМ. Значи не може да кажете вие дека ќе биде кандидат на сите граѓаните, односно претседател нивниот избор кога гледаме дека премиерот за едни е мајка за други е маќеа, за едни кои се согласуваат со него судството е независно и имаме за жал судски одлуки во нивна корист, како случајно се погодува сите кои што немаат исто мислење со Зоран Заев или да се осудени или да имаат многу процеси против нив, потенцираше Нелоски.

Втор ден од претседателските избори во Чешка

Тале Кристо — Sat, 13 Jan 2018 12:47:23 +0000

Втор ден од претседателските избори во Чешка. Девет се кандидатите за оваа позиција. Фаворит е Милош Земан, кој стана првиот директно избран претседател на Чешката Република во 2013 година. Сепак, неговата можна победа е далеку од сигурна. Експертите веруваат дека е можно да изгуби во вториот круг. Неговиот најсериозен противник е Јиржи Драхош, поранешен претседател на Чешката академија на науките. Платформата на 73-годишниот Земан се противи на имиграцијата и организирање на референдум за членство на земјата во Европската унија, иако тој самиот го поддржува членството на Чешка во ЕУ. 68-годишниот Драхош објави дека неговиот главен приоритет е да престане поделбата на чешкото општество.

претседателки избори – Kurir.mk

Нелоски: Граѓаните мора да излезат на претседателски избори, не смееме да дозволиме Македонија да стане Заевистан

Втор ден од претседателските избори во Чешка