претседателска кампања – Kurir.mk

Обвинителство предложи судење на Трамп на 4 март, во ек на претседателската кампања

Ивона Петрова — Thu, 17 Aug 2023 06:40:46 +0000

Обвинител во Џорџија предложи судењето на Доналд Трамп за обид да се смени изборниот пораз, да почне на 4 март 2024 година, во ек на кампањата за републиканска номинација на кандидатот за следните претседателски избори. Обвинителката Фани Вилис отвори кривична постапка против поранешниот американски претседател Доналд Трамп и предложи датум за судење кој е еден ден пред Супер вторник, кога гласачите во повеќе од десет американски држави ќе го изберат републиканскиот претседателски кандидат. Обвинителката на округот Фултон, Фани Вилис, исто така предложи обвинетите да бидат изведени и да се изјаснат во првата недела од септември. Вилис го поднесе својот предлог во форма на судска пријава, но досега ниту лично Трамп ниту неговите адвокати не објавија ништо за тоа.

Хакирана веб страницата на претседателската кампања на Трамп

Магдалена Андонова — Wed, 28 Oct 2020 08:52:31 +0000

Официјалната веб страница на претседателската кампања на Доналд Трамп била накратко хакирана, една недела пред изборите во САД на 3 ноември. На сајтот неколку минути стоела порака дека „оваа веб локација е запленета“. – Светот е заситен од лажни информации кои претседателот секојдневно ги шири, пишувало на интернет страницата. Авторите на пораката тврделе дека имаат доверливи информации за Трамп и неговата Влада, и барале плаќање во криптовалута за да се открие нејзината содржина. Меѓутоа, хакерите не приложиле никакви докази за таквите тврдења. Портпаролот на кампањата Трамп 2020, Тим Мурто го потврди хакирањето на сајтот, истакнувајќи дека се соработува со полицијата за да се најде изворот на нападот и додаде дека страницата повторно е во функција. (МИА))