претседателски избори 2019 – Kurir.mk

ОБСЕ/ОДИХР констатираше купување на гласови

Дарко Андоновски — Mon, 06 May 2019 16:59:31 +0000

Знаци на купување на гласови и проблеми со Изборниот законик, ова се едни од забелешките на мисијата на ОБСЕ/ОДИХР за вториот круг од гласањето. Кои покажуваат дека изборниот ден не поминал во најфер атмосфера како што се обидува да интерпретира власта. -Како и во првиот круг, некои гласачи со право на глас не можеа да се најдат на избирачките списоци. Во неколку случаи, меѓународната набљудувачка мисијазабележа знаци на купување гласови. Набљудувачите на кандидатите или граѓанските набљудувачи беа присутни во повеќето гласачки места и општинските изборни комисии што беа набљудувани и можеа да ги следат сите фази од процесот, се вели во првичниот извештај. Мисијата забележува „недостатоците во правилата за кампањата беа повторно видливи во вториот круг, што одразува поопсежни недостатоци во изборниот законик“. -Транспарентноста на финансирањето на кампањата беше намалена поради нецелосното известување. Денот на изборите се одвиваше непречено, со почитување на клучните постапки на транспарентен начин. Законската рамка е соодветна за спроведување демократски избори, но не ги регулира сите аспекти за одржување на вториот круг, особено во поглед на водењето на кампањата, финансирањето на кампањата и регистрацијата на гласачи. Регулаторните недоследности евидентни во првиот круг останаа неодговорени. Ова ја намали правната сигурност и дополнително ја истакна важноста на законодавната реформа, се вели во прелиминарните заклучоци на набљудувачката мисија. Според мисијата видливоста на материјалите за информирање на гласачите остана ограничена. Мисијата укажува дека „избирачкиот список не беше ажуриран меѓу двата круга, за да ги отслика промените во податоците за регистрација на граѓаните, што ги лиши од можноста да го остварат своето право на глас гласачите кои инаку го имаат, што не е во согласност со меѓународните обврски“. Според набљудувачката мисија констатира и дека „ДИК постапуваше по приговорите поврзани со неправилностите во првиот круг отворено и делотворно. Резултатите од гласањето од првиот круг беа поништени на осум избирачки места, а нивните избирачки одбори беа заменети“. На изборни нерегуларности се пожали и опозициската ВМРО-ДПМНЕ, од каде најавија и претставки до ДИК, но и кривични пријави против сите прекршители на законите.

ДИК ги објави резултатите од претседателските избори- еве што велат конечните бројки

Дарко Андоновски — Mon, 06 May 2019 16:13:40 +0000

Државната изборна комисија на денешната седница го усвои заклучокот за објавување на првични резултати од вториот круг на претседателските избори, според кој за претседател на Република Северна Македонија е избран Стево Пендаровски. По донесувањето на заклучокот течат роковите за поднесување приговори за изборниот процес. Според податоците на ДИК од обработени 100 отсто од гласовите, од вкупно запишаните 1.808.131 избирач, на гласање излегле 844.360 граѓани, или 46,7 отсто. Од нив за Пендаровски гласале 436.212 граѓани, а за Силјановска Давкова 377.713. -Според ова, согласно член 121 од Изборниот законик за претседател на Републиката е избран Стево Пендаровски кој доби мнозинство гласови од граѓаните кои гласале, рече на прес-конференција. претседателот на Државната изборна комисија Оливер Дерковски. По усвојувањето на овој заклучок, појасни Дерковски, тече рокот од 48 часа во кој учесниците во изборната трка имаат право да поднесат приговори.

РЕЗУЛТАТИ: Силјановска недостижна во македонските општини

Катерина Бојаџиева — Sun, 05 May 2019 18:44:50 +0000

Во општините кои се со мнозинско македонско население, убедливо е водството на ВМРО-ДПМНЕ и нивниот кандидат за претседател Гордана Силјановска Давкова. Скопски општини Гази Баба од 50% обработени Гордана Силјановска 9769 Стево Пендаровски 6383 Ѓорче Петров од 80% обработени Гордана Силјановска 9033 Стево Пендаровски 7177 Кисела Вода од 30% обработени Гордана Силјановска 4676 Стево Пендаровски 2518 Зелениково од 100% обработени Гордана Силјановска 1010 Стево Пендаровски 940 Петровец од 95% обработени Гордана Силјановска 2361 Стево Пендаровски 1634 Сопиште од 85% обработени Гордана Силјановска 1138 Стево Пендаровски 910 Од 100% обработени Росоман Гордана Силјановска 1295 Стево Пендаровски 924 Македонска Каменица Гордана Силјановска 2142 Стево Пендаровски 1522 Кривогаштани Гордана Силјановска 1725 Стево Пендаровски 1275 Зелениково Гордана Силјановска 1010 Стево Пендаровски 940 Вевчани Гордана Силјановска 755 Стево Пендаровски 564 Валандово Гордана Силјановска 3195 Стево Пендаровски 2831 Од над 50% обработени Кратово од 90% обработени Гордана Силјановска 2693 Стево Пендаровски 1824 Битола од 80% обработени Гордана Силјановска 18951 Стево Пендаровски 18077 Демир Капија од 75% обработени Гордана Силјановска 862 Стево Пендаровски 659 Зрновци од 75% обработени Гордана Силјановска 552 Стево Пендаровски 259 Македонски Брод од 97% обработени Гордана Силјановска 1889 Стево Пендаровски 1618 Неготино од 82% обработени Гордана Силјановска 4545 Стево Пендаровски 775 Пробиштип од 90% обработени Гордана Силјановска 3605 Стево Пендаровски 2747 Свети Николе од 60% обработени Гордана Силјановска 3302 Стево Пендаровски 2052 Штип од 53% обработени Гордана Силјановска 7057 Стево Пендаровски 5865 Велес од 63% Гордана Силјановска 9587 Стево Пендаровски 7054.

ДУИ му донела на Пендаровски над 90 илјади гласови

Дарко Андоновски — Sun, 05 May 2019 18:12:46 +0000

Демократската Унија за Интеграција го поздравува одвивањето на изборниот процес, како во првиот така и во вториот круг и оценува дека изборниот процес е успешно завршен и е во согласност со европските стандарди, ова денеска преку соопштение го истакнаа од ДУИ. -На 21 април и денес на 5 мај, Северна Македонија покажа демократска зрелост за организирање и спроведување на европски избори, а најголеми победници се граѓаните и државата. Ние во Демократската унија за интеграција сме исклучително задоволни од одлучувачкиот придонес на ДУИ во двата изборни круга, што го овозможија цензусот и предноста на нашиот концепт. Ќе ги чекаме официјалните резултати подоцна во текот на ноќта, но секако дека успешниот процес е извонреден резултат. Нашите првични и неофицијални проценки се дека околу 90.000 наши албански гласови го поддржаа концептот на консензус, но секако ќе направиме детална анализа на секое избирачко место во наредните денови. Сакам да изразам длабока загриженост во врска со информациите на теренот за тивок но активен и организиран бојкот од страна на експоненти на албанската опозиција, кој значително се приметува во општините со кои управуваат како Желино, Боговиње, Врапчиште и Гостивар. Но, и покрај овие деструктивни напори, прогресивните сили на граѓаните не дозволија кризни и злонамерни сценарија за државата и за Албанците. За среќа, движењето на земјата кон НАТО и ЕУ нема сила која може да ја спречи, а ние во ДУИ сме старатели и гарантот на ова патување, стои во соопштението на ДУИ.

ВО ЖИВО: Следете ги резултатите од претседателските избори

Дарко Андоновски — Sun, 05 May 2019 17:46:02 +0000

Република Македонија денеска го избира петтиот претседател. Гласачките места се затворени, а пребројувањето на гласовите само што започна. Резултатите може да ги следите во живо на веб-страницата на Државната изборна комисија ТУКА.

Мицкоски: Излезете и гласајте, да им кажеме дека народот управува со Македонија!

Катерина Бојаџиева — Sun, 05 May 2019 16:20:19 +0000

Во последните минути од гласањето сакам да истакнам неколку работи. Колку тие удираат и притискаат ниско, ние ќе ги победиме повисоко. Сега е моментот кога треба да се биде гласен, да се има став и да се казнат оние кои потценуваат, се препелкаат, притискаат и манипулираат. Тие мислат дека управуваат со животите, да им кажеме дека народот управува со државата. Излезете и гласајте за Македонија, за татковината, за вас, вашите најмили, за заедничката иднина. Ова го напиша лидерот на ВМРО-ДПМНЕ Христијан Мицкоски на Фејсбук. -Вие сте сами позади параванот, господар на вашиот глас. Не ја пропуштајте оваа можност да кажете што мислите. Гласајте со чест, која сакаат да ни ја земаат, со достоинство кое пробаа да ни го нарушат, со пркост кој сакаат да ни го стишат. Сега и требате на нашата земја, и требате на Македонија. Не делат милиметри од победа, заеднички да ги изодиме. И по години од сега со гордост заеднички да се потсетуваме, 5 мај беше денот кога народот и го зададе најголемиот удар на власта, и се избори за правда. За Македонија!, додава Мицкоски.

ВМРО-ДПМНЕ повикува: Победата е на прагот, сега е времето кога вашиот глас одлучува

Дарко Андоновски — Sun, 05 May 2019 15:34:52 +0000

Генералниот секретар на ВМРО-ДПМНЕ Игор Јанушев преку својот Фејсбук профил вели дека добро е што на овие претседателски избори цензусот ќе биде исполнет. -Добро е што на овие избори цензусот ќе е исполнет. Народот свесно и со желба за промени и правда излегува и гласа. Останува запишано дека покрај сите притисоци, закани, нерегуларности, народот излегува, народот доаѓа по своето и со сигурност ќе ја порази оваа власт. Колку тие притискаат, толку повеќе народот се спротивставува. Повикувам секој еден човек да излезе и гласа, да покажеме масовност. Да се одбере правда, овој пат се работи за нашата Татковина, за нашата Македонија, за иднината и новата реалност во кои оваа власт ќе биде делегитимирана. Ајде да им покажеме дека Македонија е горда, достоинствена, со кренета глава. Победата е на прагот. Сега е времето кога вашиот глас одлучува, сега е времето кога треба да кажеме доста е, Македонија заслужува многу повеќе и многу подобро. Одлучуваш за Македонија, за твојата иднина, стои во неговиот пост на Фејсбук.

ИЗЛЕЗИ И ГЛАСАЈ: Дека цензусот ќе биде постигнат веќе е сигурно

Дарко Андоновски — Sun, 05 May 2019 15:18:07 +0000

Дека цензусот ќе биде постигнат веќе е сигурно. Ако имаш проблем со тоа што го доживува #Македонија и не сакаш #Стево да ја дотолчи, време е да идеш да го дадеш својот глас за #Силјановска @gogamkd. pic.twitter.com/98h5Y49nNo
— Darko (@OtecDare) May 5, 2019

Вака се гласа во Шутка: Организирано се собираат луѓе и се носат на гласање (ФОТО)

Дарко Андоновски — Sun, 05 May 2019 13:53:07 +0000

Огромни изборни нерегуларности во скопската општина Шуто Оризари, активисти на владејачката партија организирани во агитираат крај избирачките места. Во исто време, преку социјалните межи активистите на СДСМ организираат земање од дома на гласачи. – Од кај автобуската станица 19-ка има таксисти за носење луѓе да гласаат. Пишете ми во месенџер ќе дојдеме да ве земеме ако не можете да излезете да гласате поради дождот – пишува активист на СДСМ на фејсбук.

Медиумите на албански објавуваат фотографирани гласачки ливчиња- презема ли некој мерки во избирачките места? (ФОТО)

Дарко Андоновски — Sun, 05 May 2019 13:45:46 +0000

Албанскиот портал Медиал.мк објави фотографирано гласачко ливче на кое двајцата кандидати се пречкртани, а додаден е и заокружен непостоечкиот кандидат Албин Курти. Ова доведува до поставување на прашањето дали некој презема мерки во избирачките места каде мнозинството се Албанци?