претседателски кандидат – Kurir.mk

ВИДЕО: Еквадорски претседателски кандидат убиен за време на кампања

Ивона Петрова — Thu, 10 Aug 2023 05:37:15 +0000

Еквадорскиот претседателски кандидат Фернандо Вилависенсио беше застрелан на крајот од предизборниот митинг синоќа во Кито, а извршителот на убиството набрзо беше идентификуван, но им подлегна на повредите при апсењето. На видеата од предизборниот митинг, објавени на социјалните мрежи, се гледа како луѓе трчаат и врескаат додека се слушаат пукотници во кои е убиен 59-годишниот претседателски кандидат. Осомничениот сторител починал од повредите здобиени при апсењето, соопштија од Канцеларијата на главниот државен обвинител на платформата Икс. Партијата Movimiento Construye Villavicencio објави на Икс дека вооружени лица ги нападнале нејзините канцеларии во Кито. „Во спомен на неговата борба, ве уверувам дека ова злосторство нема да остане неказнето“, напиша претседателот Гиљермо Ласо на социјалната мрежа. Тој додаде дека организираниот криминал во земјата „отишол предалеку“ и им порача на сторителите дека „целата тежина на законот ќе падне врз нив“.

Црногорската опозиција се уште без договор за заеднички кандидат за претседателските избори

Тале Кристо — Thu, 02 Feb 2023 07:49:02 +0000

Лидерите на црногорските опозициски партии вчера во Подгорица разговараа за претседателските избори закажани за 19 март и заедничкиот опозициски кандидат за нов претседател на Црна Гора. Најголем дел од учесниците на средбата сметаа дека опозицијата мора да претстави заеднички кандидат за претседателските избори. Порталот РТЦГ јавува дека на средбата присуствувале претставници на парламентарната опозиција - Демократската партија на социјалистите (ДПС), Социјалдемократската партија (СДП), Социјалдемократите (СД), Либералната партија и малцинските партии. „Вјести“ меѓутоа јави дека не бил постигнат договор опозицијата да учествува на изборите со заеднички кандидат, а за неколку дена треба да се одржи нова средба. Предлозите може да се поднесуваат до 26 февруари, а ДИК листата со претседателски кандидати ќе ја објави најдоцна до 3 март. Засега своите кандидатури ги објавија Милојко Спајиќ (Движење Европа сега) и Дејан Вукшиќ (Христијанско демократско движење).

Бајден официјално ја прифати претседателската номинација на демократите во САД

Ивона Петрова — Fri, 21 Aug 2020 05:37:54 +0000

На последниот ден од четиридневната конвенција на Демократската партија Џо Бајден и официјално ја прифати претседателската номинација на демократите, пренесува Си-Ен-Ен. Во говорот во Делавер, Бајден кажа дека „обединети можеме и ќе го надминеме овој мрачен период во Америка“. -Актуелниот претседател одамна ги втурна САД во темнина, кажа претседателскиот кандидат во своето воведно обраќање, осврнувајќи се на политиките на Доналд Трамп. Според него, во политиките на Трамп имало премногу гнев, премногу страв, премногу поделба. -Еве и сега тука ви го давам мојот збор- ако ми го доверите лидеерството ќе Ве водам во најдоброто од нас, а не до најлошото. Јас ќе бидам сојузник на светлината, а не на темнината. Време е да се обединиме, додаде тој, истакнувајќи дека ако Трамп биде реизбран, „тоа ќе биде истото тоа што го доживеавме во изминатите четири години“, и притоа ги запраша Американците дали го сакаат тоа за своите деца. Според Бајден, Трамп не презема никаква одговорност и го запали пламенот на омразата и поделбата. -Дали ова се САД што ги сакате вие, за вашето семејство, за вашите деца?, праша Бајден. Ги гледам поинаку: дарежлив и силен, несебичен и смирен. Заедно можеме да ја обновиме Америка, додаде тој. Бајден подоцна, во еден дел од својот говор за прифаќање на кандидатурата, му се заблагодари на поранешниот претседател Барак Обама. -Вие бевте одличен претседател, кажа претседателскиот кандидатот. Бајден, кој помина два термина со Обама, рече дека децата можат да му се восхитуваат, додавајќи дека не можеле да го сторат тоа со Трамп. -Претседател на кој нашите деца можеа и му се восхитуваа. Никој нема да го каже тоа за сегашниот окупатор на Белата куќа, рече тој. На говорот на Бајден му претходеше видео со кое се разгледуваше животот и кариерата на поранешниот потпретседател, истакнувајќи ја неговата улога како татко, сопруг и политички лидер.

Демократите и официјално го номинираа Џо Бајден за претседателски кандидат

Ивона Петрова — Wed, 19 Aug 2020 06:07:16 +0000

На вториот ден од националната конвенција на Демократската партија Џо Бајден и официјално беше номиниран за претседателски кандидат за изборите во ноември, кој за влез во Белата куќа ќе се трка со актуелниот американски претседател Доналд Трамп, јави ДПА За Бајден, поранешен сенатор и потпретседател на земјата, номинацијата доаѓа по повеќе од три децении откако првпат се обиде да стане претседател. Билетот за влез во Белата куќа Бајден ќе го сподели со Камала Харис (55), сенаторка од Калифорнија и првата црнкиња која се кандидира за потпретседател. -Многу ви благодарам. Од дното на моето срце. Ви благодарам на сите, тоа значи целиот свет за мене и за моето семејство, рече 77-годишниот политичар преку видео-врска по завршувањето на пребројувањето на делегатите. Чест ми е да ја прифатам номинацијата на Демократската партија за претседател на САД“, напиша Бајден на Твитер. Својот официјален говор за прифаќање на номинацијата Бајден ќе го оддржи утре, на последниот ден од четиридневната главно онлајн демократската национална конвенција. Вториот ден од конвенцијата, инаку, продолжи со темата од првиот, нагласувајќи ги пораките за прифаќање на различностите, вклучително и презентирање на широк спектар на етникуми, раси и сексуални идентитети кои ја поддржуваат партијата, додаде ДПА.

Елизабет Ворен се повлекува од трката за претседателски кандидат

Тале Кристо — Thu, 05 Mar 2020 16:34:05 +0000

Елизабет Ворен се откажува од трката за демократски кандидат на претседателските избори во САД по нејзиното лошо претставување во неколку американски сојузни држави оваа недела. Седумдесет годишната сенаторка од Масачусетс ќе разговара денеска со својот тим во кампањата, објавија американските медиуми. Ворен имаше предност во неколку национални анкети на јавното мислење минатото лето, но не успеа да изгради широка коалиција што ќе ја доведе до успех во „супер вторникот“ на 3 март, завршувајќи зад своите колеги Берни Сандерс и умерениот Џо Бајден во 14 држави.

Алсат-М: Беса и Алијансата го поддржуваат Река како претседателски кандидат

Дарко Андоновски — Thu, 28 Feb 2019 12:43:40 +0000

Откако професорот Блерим Река денеска преку социјалната мрежа Фејсбук ја потврди својата кандидатура како независен кандидат за претстојните претседателски избори во Република Северна Македонија, Движењето Беса и Алијансата за Албанците соопштија дека ја поддржуваат кандидатурата на проф. Д-р Блерим Река за претседател на државата. Според нив, неговото богато академско и дипломатско искуство само ќе ја зајакне функцијата на претседател на државата. -Како опозициски партии, сметаме дека претседателските избори во земјата немаат значење без албански кандидат, бидејќи во спротивно Албанците би биле сведени само на гласачи кои гласаат, но не и субјект за кој треба да се гласа. Од принципиелни причини, ја поддржуваме кандидатурата за претседател на професорот Река, се вели во соопштението на Движењето Беса.

Заедничкиот претседателски кандидат на Заев и Ахмети ќе биде откриен во петок

Катерина Бојаџиева — Wed, 27 Feb 2019 18:13:33 +0000

Лидерот на ДУИ Али Ахмети по средбата попладнево со премиерот и лидер на СДСМ Зоран Заев во Собранието истакна дека се договориле на претседателските избори да учествуваат со заеднички кандидат. Името ќе го соопштат вo петок. – Се договоривме на овие избори да излеземе со заеднички кандидат. Имавме значително содржински состанок, направивме суштинска анализа, одлучивме дека треба да воспостравиме еден стандард во нашата земја. Иако за тоа имаше обиди и порано, но не беа успешни, нагласи Ахмети за медиумите по едночасовната средба со Заев. Тој посочи дека сака на граѓаните да им упатат порака дека во земјата, како што рече, „имаме доволно зрели политички партии, но и општество за да може да се донесе заедничка одлука за претседател на државата“. Во следните денови, рече Ахмети, ќе продолжат консултациите со останатите албански политички партии во однос на заеднички кандидат за претседател.