претставници – Kurir.mk

Мицкоски оствари средба со претставници на германското МНР

Тале Кристо — Fri, 25 Mar 2022 12:01:01 +0000

Претседателот на ВМРО-ДПМНЕ, Христијан Мицкоски саедно со високи функционери од партијата се сретна со претставници на германското министерство. -Се сретнав со претставниците на германското Министерство за надворешни работи, Сузане Шутц, Директор за југо-источна Европа и Сабине Штохр, одговорна за ЕУ проширување. На средбата се заблагодарив за поддршката на Германија кон македонските евроинтеграции, и потенцирав дека заслужуваме да ги отпочнеме преговорите за пристапување кон ЕУ, независно од сите неуспеси на сегашната Влада, објави на социјалнат мрежа на Фејсбук Мицкоски.

Арсовска оствари средба со претставници на проектот на УСАИД за зајакнување на капацитетите на општините

Тале Кристо — Wed, 23 Feb 2022 16:57:03 +0000

Градоначалничката Арсовска денес се сретна со претставниците на проектот на УСАИД за зајакнување на капацитетите за искористување на ресурсите на локално ниво, Бардул Марку, Наташа Николовска Станковиќ и Гинка Капитанова, информираат од Град Скопје. Арсовска и претставниците од СРМА разговараа за потенцијална соработка за засилување на капацитетите на градската администрација и за можностите за зголемување на фискалниот капацитет на општините. На средбата се разговараше и за можностите за системско поврзување меѓу општините и други институции со цел размена на информации за даночните обврзници, а претставниците на проектот изразија и интерес за соработка со ЗЕЛС за учество во измените на националната регулатива, се вели во соопштението од градот.

Италијанските претставници на Евровизија 2022 позираа голи – на жените џабе им се крева притисокот од глетката, останаа разочарани (ФОТО)

Дарко Андоновски — Wed, 23 Feb 2022 09:02:20 +0000

Пејачите Махмуд и Бланко, кои годинава ќе ја претставуваат Италија на Евровизија, позираа за новата насловна страница на италијанскиот Vanity Fair. Тие позираа целосно голи, покривајќи ги со рацете најинтимните делови од телото. Махмуд и Бланко споделија фотографија од насловната страница на списанието на Инстаграм, а нивната објава собра 350.000 лајкови за помалку од еден час.

View this post on Instagram

A post shared by Mahmood (@mahmood)

Потсетуваме, италијански пејачи победија на 72. издание на култниот италијански музички натпревар Festival di Sanremo со песната Бривиди. Набргу по објавувањето, Махмуд и Бланко на прес-конференција потврдија дека ќе ги бранат боите на Италија на овогодинешниот Евросонг во Торино, каде што во мај ќе се одржи Евровизија, благодарение на победата на Манескин минатата година. Махмуд веќе им е познат на евровизиските фанови. Имено, тој ја претставуваше Италија на Евровизија во 2019 година со песната Солди, кога го освои второто место.

Пендаровски се сретна со претставници на ОМО „Илинден“ и здруженија на граѓани од Република Бугарија

Тале Кристо — Fri, 28 Jan 2022 13:11:41 +0000

Претседателот Стево Пендаровски денеска прими претставници на ОМО „Илинден“ и претставници на неколку други здруженија на граѓани од Република Бугарија. Претставниците на здруженијата го информираа претседателот Пендаровски за нивната работа и активности во областа на човековите права, промовирање на толеранција и градење на граѓанско општество. Во однос на дијалогот со Бугарија, претседателот Пендаровски оцени дека почнува нова фаза, а двете страни искажуваат волја во насока на напредок на процесот. Претседателот Пендаровски смета дека е значајно секоја политичка институција во двете држави да даде свој придонес за решавање на отворените прашања. На средбата претседателот Пендаровски информираше дека наскоро ќе оствари официјална посета на Република Бугарија, каде ќе има разговори со претседателот Румен Радев. Претседателот Пендаровски истакна дека Република Северна Македонија е насочена кон развивање на добрососедски и пријателски односи со Република Бугарија, во духот на Договорот за пријателство, добрососедство и соработка меѓу двете држави од 2017 година.

Мицкоски и Милошоски се сретнаа со претставници на Советот на амбасадори

Тале Кристо — Tue, 11 Jan 2022 18:11:55 +0000

Денес претседателот на ВМРО-ДПМНЕ проф. д-р. Христијан Мицкоски и членот на ИК на ВМРО-ДПМНЕ г. Антонијо Милошоски остварија средба претставници на Советот на амбасадори, информираат од ВМРО-ДПМНЕ. На средбата Мицкоски ги објасни позициите на ВМРО-ДПМНЕ во однос на надворешните предизвици со кои се соочува Македонија. Беше потенцирана потребата од одблокирање на европските интеграции со зачувување на државните и национални интереси, особено во поглед на прашањето со Бугарија. Воедно беше посочено дека потребна е усогласена и заедничка државна позиција во однос на преговорите за ова прашање која е изразена во црвените линии кои се дел од Резолуцијата усвоена во Собранието, а која беше предложена од ВМРО-ДПМНЕ. Исто така беше истакната потребата од реформи и промени кои ќе обезбедат посигурна иднина, се вели во соопштението на ВМРО-ДПМНЕ.

Кина не дозволи влез на претставниците на СЗО за истрага на потеклото на Ковид-19

Тале Кристо — Wed, 06 Jan 2021 12:46:27 +0000

На претставниците на Светска здравствена организација, кои треба да го истражи потеклото на Ковид-19 во кинескиот град Вухан, им беше забранет влез во Кина. Според СЗО проблемот настанал при издавање на визите за претставниците на СЗО. Додека кинеските власти соопштија дека се уште се договараат деталите за посетата, вклучително и датумите.

Претставници на институтот „Сариса“ положија свежо цвеќе пред споменикот на основачите на ВМРО

Тале Кристо — Fri, 23 Oct 2020 10:22:19 +0000

Делегација на Институт за конзервативни политики предводена од директорот м-р Сашо Марковски по повод денешниот голем македонски празник, положи свежо цвеќе на споменикот на основачите на ВМРО. Нека ни е честит Денот на македонската револуционерна борба, 23ти Октомври!, велат во нивнта Фејсбук објава. Инаку, институтот за конзервативни политики САРИСА е политички институт чија цел е промоција на конзервативни вредности во Република Македонија и креирање и развој на конзервативни политики. Институтот врши истражувања и анализи, организира обуки и конференции и одржува јавни расправи и дебати, во насока на приближување и елаборација на конзервативната мисла во Република Македонија. https://www.facebook.com/InstituteForConservativePoliticsSARISSA/posts/295497295209796

Мизрахи на средба со претставници на здруженија со инвалидитет: За овие лица потребен е бенефициран стаж, бидејќи инвалидитетот го зема данокот со годините

Тале Кристо — Sun, 02 Feb 2020 16:58:25 +0000

Министерката за труд и социјална политика, Рашела Мизрахи при денешната нејзина посета на Гевгелија оствари средби со претставници на повеќе здруженија. Денеска во Гевгелија се сретнав со претставници од повеќе здруженија, и тоа од Здружението на слепи, Здружението на глуви и наглуви и Здружението на телесни инвалиди ,,Мобилност”, објави на својата Фејсбук страница Мизрахи. -Целта на средбата беше запознавање на проблемите коишто ги имаат овие целни групи како најранливи во општеството. Тие ги истакнаа проблемите со кои се соочуваат пред сѐ ограничувањето на додатокот за попреченост со годините. Велат дека инвалидитетот не прашува доба, тој најчесто е траен и со текот на годините се влошува, а не се подобрува. Додека пак за деинституционализација без пристапност не може ни да се зборува, а не да се применува, пишува министерката Мизрахи. -Во оваа насока, активно ќе се заложам за системско решавање на пристапноста заедно со сите надлежни институции. Нашата цел со Министерството мора да биде изнаоѓање системски решенија за унапредување на социјалната сигурност за оваа група сограѓани во Македонија. Неопходно е да им се овозможи на овие лица активно да учествуваат на пазарот на труд и да придонесат во општеството. Потребно е за лицата со телесен инвалидитет да има бенефициран стаж, затоа што инвалидитетот го зема данокот со годините, вели министерката за труд и социјална политика Рашела Мизрахи.