превоз на патници – Kurir.mk

Вршел јавен превоз без да поседува лиценца- полицијата го фатила, си заработи кривична

Катерина Бојаџиева — Fri, 13 Jan 2023 16:47:47 +0000

Надворешната канцеларија за криминалистички работи Дебар поднесе кривична пријава против Џ.С.(64) од с.Падалиште, гостиварско, поради постоење основи на сомнение за сторено кривично дело „вршење јавен превоз без поседување лиценца“. На 23.12.2022, пријавениот бил затекнат како со патничко возило „фолксваген пасат“ со гостиварски регистарски ознаки врши јавен превоз на патници без да поседува лиценца издадена од надлежен орган.

Вршел превоз на патници без лиценца, кривична за жител на Врапчиште

Ивана Ефремовски — Thu, 10 Mar 2022 15:55:50 +0000

ОВР Гостивар поднесе кривична пријава против С.Е.(65) од с.Врапчиште, поради постоење основано сомнение за сторено кривично дело „вршење на јавен превоз без поседување лиценца“. На 27.12.2021 на ул.„Никола Парапунов“ во Гостивар, при контрола на патничко возило „форд транзит“, сопственост на А.А., а управувано од пријавениот како такси превозник, било констатирано дека врши јавен превоз на патници без поседување на соодветна лиценца за вршење на дејноста издадена од надлежна институција.

Четири автобуси и две патнички возила вршеле меѓународен превоз на патници без соодветна документација

Магдалена Андонова — Sun, 20 Feb 2022 09:06:42 +0000

На 19.02.2022, од страна на полициски службеници од Полициската станица за Граничен премин Табановце и од Одделението за прекуграничен криминал Скопје при Регионалниот центар за гранични работи Север била извршена контрола на четири автобуси и две патнички возила кои вршеле меѓународен превоз на патници. При контрола на автобус со гостиварски регистарски ознаки, управуван од С.Б.(43) од Прилеп, автобус со тетовски регистарски ознаки, управуван од А.Л. од с.Челопек, тетовско, автобус со скопски регистарски ознаки, управуван од С.Д.(63) од Скопје и С.Т.(52) од с.Горно Косоврасти, дебарско и автобус со данска национална ознака, управуван од Р.С.(42) и Ш.И.(52), двајцата од с.Нераште, општина Теарце, било констатирано дека вршеле меѓународен превоз на патници без поседување на соодветна документација. Исто така, при контрола во патничко возило „мерцедес“ со струмички регистарски ознаки, управувано од Б.М.(25) од Струмица и патничко возило - комби „цитроен“ со скопски регистарски ознаки, управувано од Б.М.(37) од Скопје било констатирано дека вршат меѓународен превоз на патници без поседување соодветна документација. Од страна на Државниот инспекторат за транспорт изречени се соодветни санкции за возачите и возилата.

СВР Струмица: Откриени возила што вршеле превоз на патници без соодветна документација

Магдалена Андонова — Wed, 02 Feb 2022 10:32:07 +0000

На 01.02.2022 во периодот од 20.30 до 22.30 часот, полициски службеници од Полициската станица за безбедност во патниот сообраќај Струмица извршиле контрола во автобус со струмички регистарски ознаки, сопственост на правно лице од Струмица и три патнички возила со струмички регистарски ознаки. При контролата во автобус на булевар „Гоце Делчев“ во Струмица, управуван од Н.Б.(37) од с.Велуса, струмичко, било утврдено дека автобусот вршел јавен превоз на патници без соодветна документација. Исто така, биле затекнати и повеќе патници од дозволениот број на патници кои може да се превезуваат. Додека, при контрола на патничките возила на магистралниот пат Струмица – Радовиш било утврдено дека Н.В.(27) од Струмица, А.Д.(38) од село Дабиле, струмичко и И.Ц.(42) од Струмица со возилата вршат јавен превоз на патници без соодветна документација. За настаните биле запознаени Јавен обвинител од Основно јавно обвинителство Струмица и сообраќаен инспектор од општина Струмица. По целосно документирање на случаите ќе бидат поднесени соодветни пријави.

За една година СВР Тетово има откриено 59 технички неисправни возила за превоз на патници

Тале Кристо — Thu, 25 Nov 2021 14:02:30 +0000

Во период од ноември 2020 година досега СВР Тетово на поширокото тетовско подрачје има вкупно поднесено санкции за 59 технички неисправни возила кои вршеле превоз на патници. Најмногу мерки (12) биле изречени во текот на овој месец, потоа девет санкции во март, седум во мај и така натаму. Според евиденцијата на полицијата, најчеста неисправност констатирана кај санкционираните возила биле неисправни сопирачки, како и неисправни уреди за управување, додека кај неколку од нив недостигала и потребната опрема што требале да ја поседуваат. – Секторот за внатрешни работи Тетово во континуитет врши контроли на возилата кои вршат јавен превоз на патници, пред сé, на автобуси и комбиња кои секојдневно или транзитно сообраќаат на подрачјето. Упатуваме апел до возачите на автобуси и комбиња редовно да ја проверуваат техничката исправност, со што ќе придонесат за сопствената и за безбедноста на патниците кои ги превезуваат и за што се најодговорни. Истото се однесува и на фирмите-превозници, чија законска обврска е да обезбедат максимални услови за нормално и безбедно превезување на патниците, без разлика дали организираат локални, национални или меѓународни дестинации, вели Марјан Јосифоски, портпарол на СВР Тетово. Законски предвидените поднесоци и парични глоби согласно Законот за возила за физички лица изнесуваат 400 евра во денарска противвредност, a за правните лица 2000 евра во денарска противвредност и дополнително 500 евра за одговорното лице.

Превозот на патници со задолжително растојание од два метри и 50 проценти од вкупниот број на седишта

Ивона Петрова — Fri, 17 Apr 2020 09:23:34 +0000

Министерството за транспорт и врски во континуитет презема мерки и активности за одвивање на превозот на стока и патници во внатрешниот сообраќај, како и транспорт на стока во меѓународниот сообраќај во услови на вонредната состојба. Заради заштита на јавното здравје на граѓаните, а како резултат на преземање на мерки за спречување на ширење на коронавирусот, на предлог на Министерството за транспорт и врски, Владата на Република Македонија на последната седница донесе Уредба со законска сила за примена на Законот за превоз во патниот сообраќај за време на вонредна состојба. – Со оваа Уредба со законска сила, прецизно се уредува начинот на превоз на патници во внатрешниот сообраќај во услови на траење на вонредната состојба и истата гласи: При вршење на јавниот превоз на патници, за време на траење на вонредната состојба, превозникот во возилото е должен да го организира превозот со задолжително одржување на растојание од најмалку два метри меѓу патниците и може да има најмногу 50 проценти патници од вкупниот број на седишта, несметајќи го седиштето на возачоот, се појаснува во соопштението од Министерството за транспорт и врски. Претходно, оваа мерка беше во вид на препорака за сите кои вршат превоз на патници. Во наредниот период, се до траење на вонредната состојба, се подвлекува, Уредбата за организација на начинот на превозот има сила на Закон и сите кои вршат превоз на патници мора да го организираат превозот на начин кој е пропишан во споменатата Уредба. – Потенцираме дека носењето на оваа Уредба има за цел да се заштити здравјето на граѓаните и да се влијае на спречување на ширење на коронавирусот. Министерството за транспорт и врски и другите надлежни институции се во постојана комуникација и координација со транспортните здруженија и навремено се преземаат мерки и препораки за да се обезбеди непречено фукционирање на транспортот на стока и превозот на патници, стои во соопштението од Министерството за транспорт и врски.