преживеани патници – Kurir.mk

Седумте преживеани од автобусот ќе бидат етапно отпуштани од болницата

Дарко Андоновски — Fri, 26 Nov 2021 09:51:13 +0000

Стабилна и непроменета е состојбата на сите лица сместени во болницата Пирогов од инцидентот со автобусот на автопатот Струма. Професорот Николај Габровски, раководител на Клиниката за неврохирургија, вчерашната операција ја оценува како нормална со непречен постоперативен период. На повредените од денот на приемот до денес им се обезбедува потребната медицинска нега. Нивната состојба секојдневно се проценува и се преземаат потребните медицински мерки, уверуваат од болницата. Пациентите ќе бидат отпуштени во фази во зависност од нивната состојба.

Нова дилема: Осмиот преживеан патник во автобуската несреќа е со арапско потекло?

Магдалена Андонова — Thu, 25 Nov 2021 16:42:51 +0000

Се појави дилема дали осмиот патник кој ја преживеал автобуската несреќа во Бугарија која се случи завчера е извесен 36- Шади Науф ал Салех, од Обединетите Арапски Емирати. Оваа забуна се појави откако на денешната прес конференција на бугарското јавно обвинителство, е кажано дека од автобусот се извлечени 44 тела, а 8 од патниците преживеале. Претходно се сметаше дека загинале 45 патници. Името на ал Салех произлегува од списокот кој го добиле роднините на преживеаните во болницата во Софија. Истото го тврди и синот на едниот возач, кој пак вели дека од официјалниот список кој го објави македонското МНР ова лице недостасува. Случајот се истражува.

Сите преживеани патници се во стабилна состојба: Извршени им се неопходните итни оперативни зафати

Катерина Бојаџиева — Wed, 24 Nov 2021 08:37:24 +0000

Сите преживеани патници од автобуската несреќа во Бугарија, кои беа хоспитализирани во болницата „Пирогов“ се во стабилна состојба, пренесува бугарската новинска агенција БГнес. -Сите пациенти во стабилна состојба и не се во животозагрозувачка ситуација. Извршени им се неопходните итни оперативни зафати, а постоперативната состојба е добра, велат од болницата откако вччера 7 патници беа примени за хоспитализација. Денеска претстојат две дополнителни оперативни интервении. На едно од настраданите лица ќе му бидат извршени дополнителни медицинско-дијагностички процедури кои треба да покажат како понатаму ќе се лекува овој пациент, велат од болничката установа за БГнес.