прибор за јадење – Kurir.mk

Британија забранува пластичен прибор за јадење и чинии за еднократна употреба

Ивона Петрова — Mon, 09 Jan 2023 09:49:47 +0000

Употребата на пластични прибор за јадење и чинии за еднократна употреба ќе биде забранета во Велика Британија за да се намали загадувањето на животната средина, објави денеска „Гардијан“. Британската министерка за животна средина Тереза Кофи ќе ја забрани употребата на пластични предмети за еднократна употреба врз основа на извештаите направени минатиот месец, објави британски весник. Овој потег ќе следи по консултациите за ова прашање, кои беа спроведени од страна на Одделот за животна средина, храна и рурални прашања, а кои траеја од ноември 2021 година до февруари 2022 година. Кофи рече дека се потребни до 200 години за да се распадне пластичната вилушка. Според официјалните податоци, Англија користи околу 1,1 милијарди чинии за еднократна употреба и 4,25 милијарди парчиња таков прибор за јадење годишно, од кои само 10 отсто се рециклираат по употреба. Според истражувањето, пластичната храна и предметите за носење, вклучително и контејнери за храна и прибор за јадење, го сочинуваат најголемиот дел од отпадоците во светските океани.

Ковачевски вели дека ќе го проверел тендерот на угостителски прибор и ако е несоодветен ќе го поништел

Магдалена Андонова — Tue, 11 Jan 2022 14:11:50 +0000

На новинарско прашање за јавната набавка за угостителски прибор, за којашто одредени медиуми информираа дека е несоодветна, мандатарот и претседател на СДСМ, Димитар Ковачевски рече дека откако ќе биде избран за премиер ќе ја провери и доколку е во обем и постапка која е несоодветна ќе ја поништи. - Јас немам детали за таа набавка бидејќи се уште не сум на премиерската позиција во Владата којашто може да има увид во таков вид на јавни набавки. Меѓутоа од кога ќе станам претседател на Владата ќе се информирам за таа набавка којашто беше предмет на интерес на јавноста, доколку јавната набавка е во обем и во постапка којашто не е соодветна на очекувањата, јас таа одлука ќе ја поништам, рече претседателот Ковачевски.

Поставила обично прашање на Фејсбук и направила хаос: Сега сите се прашуваат кој е во право?

Магдалена Андонова — Wed, 10 Mar 2021 15:29:21 +0000

Кога го распоредувавте приборот за јадење во преградите наменети за тоа, веројатно не сте размислувале премногу за редоследот по кој тој бидат распореден, бидејќи тоа се подразбирало. Сите го земаме тоа здраво за готово, но излегува дека сите ја немаме истата логика! Една жена објавила фотографија со фиока од својот прибор за јадење на Фејсбук и прашала како другите ја средуваат и се шокирала кога многумина и рекле дека „не е во право“. Во нејзината фиока, ножевите стојат лево, вилушките на средина, а лажиците десно. „На сите прибор за јадење им нареден вака, нели?“, праша таа покрај фотографијата. Верувале или не, на ова едноставно прашање одговорија повеќе од 21.000 луѓе и токму таму започна вистинската дебата за тоа кој е во право. Додека некои тврделе дека го подредиле приборот за јадење во ист редослед како нив, многумина исто така се спротивставија, тврдејќи дека е логично ножевите да бидат на десната страна бидејќи се држат со десната рака. - Неее. Вилушките треба да бидат на левата страна затоа што повеќето луѓе ја држат вилушката со левата рака и ножот со десната. Вие ме изложувате на стрес, рече една жена. „Вилушки, ножеви, лажици, твојот редослед ме полудува“, е еден од коментарите.