приход – Kurir.mk

ФИФА очекува за над една милијарда евра поголем приход по СП 2022

Ивона Петрова — Mon, 21 Nov 2022 09:57:58 +0000

ФИФА во новиот четиригодишен период, што ќе заврши со Светското првенство во Катар, очекува приход од околу 7,5 милијарди евра, што е за речиси една милијарда евра повеќе отколку во претходниот период кој заврши во Мундијалот 2018 во Русија. Како што се дознава од извори внатре во ФИФА, 5,4 милијарди евра ќе бидат издвоени за поддршка на фудбалски активности ширум светот, вклучувајќи и средства за националните и континенталните фудбалски федерации. Со тие средства, исто така, ќе се покријат загубите од некои други натпреварувања во организација на ФИФА, како Светското клупско првенство, натпреварувањата во младинските категории и женското Светско првенство во 2019 година. Зголемениот приход во касата на ФИФА се должи на зголемите спонзорски договори и поголемата заработка од СП во Катар. Претседателот на ФИФА, Џани Инфантино, во саботата изјави на конференција за новинари дека Мундијалот во Катар ќе донесе околу 700 милиони евра поголем приход во споредба со Светското првенство пред четири години во Русија.

Угостителски објекти во Грција затаиле приход од над пет милиони евра

Ивона Петрова — Fri, 19 Aug 2022 08:54:07 +0000

Независната управата за јавни приходи на Грција открила 14 угостителски објекти кои преку платформите за достава на храна и неиздавањето фискални сметки затаиле приход од над пет милиони евра, објави грчката новинска агенција АНА-МПА, јави дописничката на МИА од Атина. Поконкретно, угостителските објекти не издале 449.000 сметки за нарачки во висина од 5,15 милиони евра, а со тоа на даночните служби не им исплатиле 592.000 евра за ДДВ. Најголем приход од откриените бизнис, имало кафуле на Крит, кое од 2019 до 2020 година, не доставило даночни пријави и ДДВ, со што прикрило приход во вкупна вредност од 1.440.000 евра. Слична била праксата и во ресторани, пицерии, кафулиња и слично во повеќе делови на Грција во периодот меѓу 2017 и 2020 година.

Овој фудбалски клуб имал најголем приход за 2019/20

Магдалена Андонова — Tue, 26 Jan 2021 09:58:59 +0000

Меѓународната консултантска компанија „Делоит“ ги сумираше финансиските резултати од сезоната 2019/20 во светскиот фудбал. Најголем приход е забележан во Барселона (715,1 милиони евра). На второ место е Реал Мадрид (714,9 милиони евра), на трето – Баерн Минхен (634,1 милиони евра). Во ТОП 10 на оваа листа се и: Манчестер Јунајтед 580,4; Ливерпул 558,6; Манчестер сити 549,2; ПСЖ 540,6; Челзи 469,7; Тотенхем 445,7 и Јувентус 397,9. Сите екипи имаа помал приход во споредба со сезоната 2018/19. Ова се должи на пандемијата со коронавирус и забраната за присуство на публика на натпреварите. (МИА)

Реал Мадрид забележа рекордни приходи

Ристе Здравков — Fri, 07 Sep 2018 08:03:53 +0000

Реал Мадрид оствари рекордни приходи од 750,9 милиони евра за периодот 2017-18. Ова е за 11,3 отсто повеќе од претходната година, што значи зголемување на приходите од 76,3 милиони евра, што е највисока сума постигната од клубот за една година од 2000 година. Реал Мадрид ја заврши годината со профит од 43 милиони евра пред оданочување. Откако ќе се платат даноците, нето-добивката на „кралевите“ е 31,2 милиони евра, што е за 45,9 отсто повеќе од претходната година. Долгот, сепак, се зголемува веќе трета година по ред, иако Реал Мадрид ги намали своите обврски за 96,7 милиони евра, што е најголемото намалување на долгот, постигнато за една година од клубот во последниве 15 години. Покрај тоа, придонесот на Реал Мадрид за даноци и социјално осигурување изнесува 285,4 милиони евра.