приходи – Kurir.mk

Фајзер со рекорден приход во 2022 година

Ивона Петрова — Wed, 01 Feb 2023 13:41:14 +0000

Американската фармацевтска компанија Фајзер објави дека ја завршил 2022 година со најголем приход досега, благодарение на вакцината и лековите за Ковид-19, предупредувајќи истовремено дека очекува послаб резултат оваа година поради намалените случаи на инфекција со вирусот и резервите. Приходите на Фајзер минатата година зголемени се за 23 отсто на 100,3 милијарди долари. Додека Нето добивката е зголемена за 43 проценти на 31,4 милијарди долари, соопшти компанијата. Со исклучок на вакцината против Ковид-19 и лекот Пакскловид, приходите на Фајзер минатата година беа два отсто повисоки во споредба со 2021 година. Приходите од вакцините против коронавирусот и лекот Пакскловид беа 56,7 милијарди долари. Во 2023 година, компанијата очекува значително помал приход од 67 до 71 милијарда долари, бидејќи се намалува заразата со коронавирусот, а голем број имаат резерви на вакцини и лекови.

Бугарија е на дното во ЕУ според приходи по глава на жител

Ивона Петрова — Thu, 22 Dec 2022 19:31:33 +0000

Бугарија е на последно место по просечен годишен приход по човек во Европската унија, јавија бугарските медиуми повикувајќи се на податоци од Евростат. Бугарија е на дното на рангирањето – за 12 месеци работникот во таа држава добива во просек по 10.300 евра. Просечниот годишен приход по лице во Европската унија за 2021 година е околу 33.000 евра. Лидер во рангирањето е Луксембург, каде просечниот годишен приход е 72 илјади евра. Првата тројка ја комплетираат Данска – 63.000 евра и Ирска – 50.000 евра годишен приход. Романија е пред Унгарија по овој показател. Во Романија приходите од плати годишно се во просек по 13 илјади евра, а во Унгарија – 12.600 евра. Според Евростат, останатите цифри се – Полска (14.431 евра), Грција (15.879 евра), Словачка (16.162 евра) и Хрватска (16.169 евра).

Зголемени вкупните приходи во државниот буџет на Грција

Тале Кристо — Tue, 16 Aug 2022 12:06:21 +0000

Во првите седум месеци од годинава, вкупните приходи во грчкиот државен буџет изнесуваат 36.846 милиони евра, зголемени за 5.556 милиони евра, односно за 17,8 отсто повеќе од поставената цел, според привремените податоци за извршување на државниот буџет, кои денеска ги соопшти Министерството за финансии на Грција, јави дописничката на МИА од Атина. За периодот јануари – јули 2022 година даночните приходи изнесуваат 31.094 милиони евра, што е зголемување за 5.167 милиони евра или 19,9 проценти во однос на целта вклучена во извештајот за Буџетот за 2022 година, додека пак дефицитот изнесува 4.591 милиони евра наспроти целта за дефицит од 9.180 милиони евра. Алтернативниот министер за финансии на Грција Теодорос Скилакакис рече дека добриот тек на јавните приходи продолжува и во месец јули.

Компанијата Мета што ги поседува Фејсбук и Инстаграм соопшти за пад на приходите

Ристе Здравков — Thu, 28 Jul 2022 06:58:31 +0000

Американската компанија „Мета“ првпат од основањето соопшти за пад на приходите, што веднаш по објавувањето на податоците резултираше со поевтинување на акциите на компанијата за околу 1,4 отсто. Приходите на компанијата што остварува добивка воглавно преку рекламирање, во вториот квартал на годинава опаднале на 28,8 милијарди долари, што е помалку за еден процент од 29,1 милијарди долари остварени за истиот период лани. Од почетокот на април до крајот на јуни „Мета” објави профит од 6,69 милијарди долари или 2,46 долари по акција, што е пад од 36 отсто во однос на истиот период минатата година (10,39 милијарди долари или 3,61 долари по акција). Првиот пад на приходите за компанијата што ги поседува социјалните мрежи „Фејсбук” и „Инстаграм” доаѓа во услови на очекувана рецесија, а притисок има и поради зајакнувањето на доларот оттаму што продажбата на реклами во странски валути генерира помал приход во долари.

Фајзер за 2022 година очекува приход од 54 милијарди долари

Тале Кристо — Thu, 10 Feb 2022 11:08:05 +0000

Американската фармацевтска компанија Фајзер деновиве ја зголеми прогнозата за приходите од продажбата на вакцината против Ковид за цела 2022 година на околу 32 милијарди долари, додавајќи дека очекува уште 22 милијарди долари од продажбата на таблети за орална употреба против коронавирус. „Фајзер“ планира да произведе четири милијарди дози од вакцината против корона оваа година, развиена на технологијата mRNA на која се базира конкурентната вакцина „Модерна“, што е за една милијарда дози повеќе од минатата година, пренесува „Ројтерс“. Вакцината Фајзер се користи во повеќе од 160 земји, вклучувајќи ги и САД. Антивирусната пилула Paxlovid, произведена од оваа компанија, покажа ветувачки резултати во однос на намалените хоспитализации и смртни случаи кај пациенти со висок ризик, а Фајзер очекува да произведе најмалку 120 милиони од овие таблети оваа година.

Приходите на Фајзер во третиот квартал се зголемија за 134 проценти

Ивона Петрова — Tue, 02 Nov 2021 12:50:20 +0000

Американската фармацевтска компанија Фајзер денеска соопшти дека нејзините приходи пораснале за 134 отсто на годишно ниво на 24,1 милијарди долари во третиот квартал од фискалната 2021 година. Приходите од вакцините на компанијата беа 14,6 милијарди американски долари во третиот квартал, што е за 749 проценти повеќе во споредба со истиот период од претходната година, кога вакцината против Ковид-19, развиена заедно со германската компанија Бионтек, се уште не беше достапна. Заработката по акција на Фајзер беше 1,42 долари, што е за 446 отсто повеќе од третиот квартал во 2020 година, додека нето приходот на компанијата се зголеми за 455 проценти на годишно ниво на 8,1 милијарди долари.

На Барселона не и се допаѓа начинот на кој УЕФА и ФИФА ги делат приходите

Тале Кристо — Wed, 21 Apr 2021 12:56:48 +0000

Претседателот на Барселона, Жоан Лапорта се состана со главниот тренер Роналд Куман и четворицата капитени на каталонскиот клуб за да ја разјасни позицијата на клубот во Супер лигата на Европа. Според „Мундо Депортиво“, синоќа Лапорта разговарал со Куман, а утрово со капитените на Барселона. Тој кажал дека Барса мора да ги брани своите интереси при создавањето на Супер лигата. Со оглед на сериозната економска криза што ја доживуваат фудбалските клубови поради пандемијата на коронавирусот, потребно е да се бара начин да се остварат дополнителни приходи. Според Лапорта, клубовите добиваат премалку пари од распределбата на приходите од УЕФА и ФИФА, особено од Лигата на шампионите. Лапорта одржува контакти со сите страни во оваа ситуација – со клубовите основачи на Супер лигата, со националните фудбалски федерации и со меѓународните фудбалски организации. Куман и капитените на Барселона изразиле разбирање за ставот на Лапорта и ги прифатија неговите објаснувања. Барселона е еден од четирите клубови основачи на Супер лигата кои допрва треба да го соопштат повлекувањето од турнирот. Осум тимови веќе го напуштија проектот.

Американскиот гигант Амазон со најголеми приходи досега

Тале Кристо — Wed, 03 Feb 2021 08:53:41 +0000

Американскиот гигант во онлајн трговијата Амазон оствари во четвртото тромесечие минатата година најголем квартален приход досега, кој првпат ја надмина границата од 100 милијарди долари. Компанијата во својот извештај од работењето наведува дека во периодот од октомври до декември 2020 година забележала приходи од 125,56 милијарди долари, благодарејќи на празничните пазарења и онлајн нарачки поради пандемиските мерки за ограничено движење на луѓето. Кварталната добивка е двојно поголема од прогнозата на аналитичарите и изнесува 14,09 долари по акција. Компанијата Рефинитив, која се занимава со собирање и продажба на финансиски информации, предвиде дека добивката ќе изнесува 7,23 долари по акција.

УЈП: Најстариот македонски милионер има 101 година, најмладиот само шест

Магдалена Андонова — Thu, 24 Dec 2020 10:44:00 +0000

Битолчанец е најбогатиот граѓанин кој лани заработил 3,5 милиони евра. Највисоката плата пак, била исплатена на лице од Струга, од индустријата со метали - кој годишно пријавил бруто доход од 1,9 милиони евра или месечната плата му била 156 илјади евра. Според Управата за јавни приходи, во споредба со 2018 та година има значително намалување на оставрените приходи по сите основи, а прво рангираниот, со овој доход, тогаш би бил 9 рангиран. Највисокото лично примање по друг основ за привремено вршење услуги кон градежна компанија пријавило лице од Скопје, во вредност од 789 илјади евра. Највисока капитална добивка од речиси 1,5 милион евра е остварена од скопјанец од продажба на сопственички удел во странска компанија, додека највисоката дивиденда од 3,4 милиони евра е исплатена на битолчанец, сопственик на бизнис од градежништвото. Најмладиот милионер има 6 години, додека највозрасниот 101 година.

Нетфликс објави најниски приходи за последните четири години

Ивона Петрова — Wed, 21 Oct 2020 06:54:42 +0000

Американската стрим-платформа Нетфликс објави дека во ова тримесечје има најниски приходи од уплата од претплатниците во последниве четири години. Нетфликс доби 2,2 милиона нови претплатници во ова тримесечје, заклучно со 30 септември. Според претходни проценки на самата компанија и на Волстрит, тој број требаше да достигне 3,4 милиони. Слабите приходи се предизвикани од зголемената конкуренција, олеснувањето на мерките против пандемијата на коронавирусот и враќањето на спортските настани на телевизиските екрани, коментираат познавачи. Акциите на Нетфликс паднаа на берзите во вторникот, откако во првото полугодие компанијата беше една од најуспешните за оваа година по големиот прилив на претплатници, поради глобалните мерки против коронавирусот, кои ги принудија луѓето да останат во своите домови. Падот изнесуваше скоро шест отсто, на 494 американски долари по акција. Нетфликс претходно и ги предупреди инвеститорите дека е можен пад на приходите во втората половина на годината, со очекуваното олеснување на мерките против пандемијата.