пријател – Kurir.mk

Експертите советуваат: 4 љубовни проблеми кои не треба да ги споделувате со пријателите

Ристе Здравков — Mon, 25 Oct 2021 05:30:53 +0000

Многумина од нас имаат потреба да им ги кажат своите проблеми на пријателите, но сепак експертите советуваат дека овие работи не треба да ги споделувате со никого. Без оглед на тоа каква природа има проблемот, се чувствуваме подобро кога ќе го кажеме пред оние коишто нè разбираат, а најчесто со пријателите разговараме за љубовните проблеми. Меѓутоа, експертите сметаат дека некои детали од врската сепак не треба да ги споделуваме со останатите. 1. Кавга со семејството на вашиот партнер Сите понекогаш имаме некаква замерка на однесувањето на семејството од нашиот партнер, но таквите замерки сепак треба да ги задржиме за себе. На луѓето во природа им е да заземат став кога станува збор за нивното семејство, но вие никогаш не може да знаете дали коментарот којшто сте му го кажале некому ќе стигне до вашиот партнер или неговото семејство и ќе предизвика конфликт. 2. Сексуалните фантазии на партнерот Фантазиите треба да претставуваат тајна поради тоа што станува збор за најинтимниот дел од вашиот сексуален живот. Понекогаш на партнерите потребни им се повеќе години за меѓусебно да си ги кажат сексуалните фантазии, а потоа тие очекуваат тоа да остане нивна заедничка тајна. 3. Приватни информации „Те молам ова да остане меѓу нас“, е реченицата која што сите нè обврзува на чувањето тајни. Без оглед на тоа за што станува збор, доколку партнерот ве замоли за дискреција, тогаш сте должни да ја испочитувате неговата желба. 4. Лична непријатност Коментарите за лошиот здив или пак непријатен мирис на нозете – задржете ги за себе. Поточно, на пристоен начин кажете му на партнерот што ви пречи поради тоа што тоа треба да го слушне само тој, а не и вашите пријатели. Станува збор за проблеми коишто можат да се решат и нема потреба за создавање непријатни ситуации, особено доколку станува збор за работи поради кои вашиот партнер се чувствува непријатно.

Му дала 500 долари бидејќи ѝ рекол дека е син на нејзин пријател

Магдалена Андонова — Mon, 17 Aug 2020 14:48:17 +0000

На 16.08.2020 во 13.00 часот, Љ.П.(79) од Скопје пријавила дека околу 10.00 часот едно лице ја измамило за сума од 500 долари. Според пријавеното, лицето дошло во нејзиниот дом и се претставило како дете на нивен познаник и ѝ ги побарало парите, по што пријавителката му поверувала и му ги дала. Се работи на расчистување на случајот.

Трамп со критики до обвинителите кои бараат висока казна затвор за неговиот пријател Стоун

Тале Кристо — Tue, 11 Feb 2020 20:49:41 +0000

Доналд Трамп ја критикуваше одлуката на американските обвинители да побараат до девет години затвор за Роџер Стоун, поранешен советник на претседателот во изборната кампања од 2016 година. Стоун се товари за кривични дела поврзани со изборите во САД. – Ужасна и не фер ситуација. Вистинскииот криминал е кај другата страна, но со нив ништо не се случува. Нема да дозволам да се случи такво погазување на правдата, напиша денеска Трамп на Твитер. Стоун се занимавал со политички лобирања и махинации во интерес на Републиканската партија уште од 1960-те. Лани во ноември тој беше прогласен за виновен по сите седум точки од обвинението, вкклучувајќи лажно сведочење пред Конгресот за неговите напори да добие инфомации за електронски пораки на демократите, украдени од хакери, а со цел да се компромитира ривалот на Трамп, поранешната државна секретарка Хилари Клинтон. Материјалите од обвинениото го товарат и за попречување на истрагата на Конгресот за руската вмешаност во изборите во 2016 година, за влјание и заплашување сведоци, за лажење под заклетва и „демонстрација на непочитување на судот и законот“. Обвинителство, врз основа на федерални директиви, бара седум до девет години затворска казна за 67 годишниот Стоун, и тоа, како што наведуваат „е сооодветно на сериозноста на неговите незаконски дела“. Адвокатите пак повикуваат судот да пресуди условна казна, со оглед на неговата возраст и отсусто на минат кривичен прогон. Пресудата треба да биде изречена неделава. Сеуште не се знае дали Трамп ќе го помилува Стоун, откако лани во декември не исклучи таква можност а обвинителите ги нарече „валкани цајкани“ и „лоши луѓе“.

Нашето пријателство веќе нема да биде исто: Најдобриот пријател на Шумахер откри шокантни детали за возачот од кои ќе ви се распука срцето

Дарко Андоновски — Wed, 24 Jul 2019 12:14:51 +0000

Возачот на Формула 1 Михаел Шумахер пред една година излезе од кома и е префрлен на понатамошно лекување во својот дом. Од тогаш па до денес фановите многу малку информации добиваат за него, но овој пат неговиот близок пријател Жан Тод во јавноста изнесе детали во врска со неговата здравствена состојба. Тод кој е еден од најдобрите пријатели на возачот и е еден од малкумината кои имаат пристап до него во оваа здравствена состојба ги шокираше слушателите на „Радио Монте Карло“ каде открива дека Михаел со бори со поддршка на своето семејство, но и дека неговото пријателство со возачот повеќе нема да биде исто како претходно. -Нашето пријателство не може да биде исто како што беше некогаш, тоа е така исклучиво затоа што не може возачот да комуницира како претходно. За Михаил се грижат многу добро и живее со семејството измеѓу Женева и Лозана. Во оваа борба со животот него му помага само позитивната мисла, а неговото семејство во секое време од денот е достапно за него, вели тој. Инаку за возачот се снима и документарен филм кој јавноста го очекува со нетрпение како би се откриле повеќе детали од неговата здравствена состојба.

Пријателот на Шумахер ја откри неговата состојба на неговиот 50-ти роденден: „Гледавме многу трки заедно…“

Дарко Андоновски — Thu, 03 Jan 2019 20:44:13 +0000

Жан Тод, поранешниот шеф на Ферари и најдобар пријател на Михаел Шумахер, откри каква е состојбата на легенарниот возач од Формула 1.

Шумахер денеска слави 50. роденден и неговата сопруга се огласи во јавност, но не откри повеќе детали за неговата состојба и колку оздравел по несреќата, која ја доживеа пред пет години. Меѓутоа, неговиот пријател не беше толку внимателен и откри некои детали, според кои може да се заклучи дека здравствената состојба на Шумахер очигледно е подобрена. Тод призна дека кај Шумахер неодамна ја гледале заедно трката за Големата награда на Бразил, а тоа не би се случило, доколку легендарниот возач бил приклучен на апарати и лежел во кревет. „Со него гледав многу трки пред и по несреќата. Гледавме многу трки заедно и ќе гледаме уште многу во иднина“, кажа Тод.