пријатели – Kurir.mk

ВИДЕО: Емотивна сцена од „Пријатели“ го преплави интернетот по смртта на Метју Пери

Ивона Петрова — Sun, 29 Oct 2023 16:18:21 +0000

По веста за смртта на Метју Пери, на интернет се шират бројни објави поврзани со познатиот актер и неговата најпозната улога. Низ социјалните мрежи се шират бројни најави и снимки од серијата каде Чендлер редовно ги засмејуваше обожавателите на серијата, а бројни колеги и пријатели се простуваат од актерот кој прерано почина. Сцената која привлече најмногу внимание е онаа кога Џои седи сам во фотелја, гледа телевизија и гласно се смее, а потоа несвесно гледа во фотелјата до него и повторно се смее. Тогаш сфаќа дека фотелјата е празна, односно никој не седи на неа. Џои го крева телефонот, но на крајот се откажува од повикот. Во исто време, неговиот пријател Чендлер исто така поминува време сам. Многумина оваа сцена веќе ја нарекоа „една од најемотивните во целата серија“, а сега повторно се шири на социјалните мрежи.

За или против: Колку е паметно да останете пријатели со бившиот?

Ристе Здравков — Sun, 30 Apr 2023 14:01:51 +0000

По тешка расправија и можеби неколку пролеани солзи, вашата врска заврши, а вие сте исправени пред дилемата дали да останете пријатели со бившиот или целосно да го исфрлите од вашиот живот? Во потрага по одговорот, постојано барате од своите пријателки да ви понудат решение, но тие не знаат што да ви одговорат. Всушност, само вие знаете како е најдобро да ги продолжите односите со него. Понекогаш е подобро да ги раскинете сите контакти со поранешниот партнер, но понекогаш вреди да го зачувате неговото пријателство. Аргументите „за“ и „против“ пријателството со бившиот можеби нема да ја разрешат вашата дилема, но сигурно многу ќе ви помогнат. АРГУМЕНТИ „ПРОТИВ“ ПРИЈАТЕЛСТВО СО БИВШИОТ Ниту една љубовна разделба не е лесна, бидејќи со раскинувањето вие губите и љубовен партнер и пријател. Но, тоа не значи да продолжите да живеете во минатото. Еве неколку аргументи зошто пријателството со бившиот е лоша идеја: Едниот секогаш ќе биде жртва. Крајот на врската не значи и крај на чувствата. Голема е веројатноста барем кај едниот тие и понатаму да постојат. А, кога еден од вас сè уште има романтични чувства, тој лесно може да биде повреден. Моментот кога некој ќе ја пронајде својата нова љубов и ќе реши да продолжи со својот живот, ќе биде пресуден за тоа пријателство. Ќе постои лажна надеж дека врската може да се обнови. „Колку поблиску сум до него/неа, толку поголеми ми се шансите да си го/ја вратам“ – оваа мисла често поминува низ главата на едниот од двајцата партнери. Таа личност постојано ќе живее со лажна надеж дека еден ден врската повторно ќе се обнови. Ваквото „пријателство“ може да биде само едно големо разочарување. Како да препознаете дека бившиот сака да му се вратите? Постои ризик да станете „пријатели со бенефиции“. Не се чудете ако некое утро се разбудите до вашиот „пријател“. Не се изненадувајте и ако тоа утро се повтори повеќепати. Многу често се случува бившите двојки, во обид да останат пријатели, да не успеат да му одолеат на искушението, па да станат „пријатели со бенефиции“. На крајот на краиштата, тешко е да останете пријател со некој со кого сте биле интимни. Има опасност да станете „златна резерва“. Тој продолжи со својот живот, а вие сè уште имате чувства кон него? Внимавајте, постои опасност да станете негова „златна резерва“. Мажите сакаат да имаат алтернативи, па кога неговата „нова љубов“ не му е на располагање, тој ќе знае дека може да смета на вас. Тоа значи дека вие сте заглавиле со него, а не тој со вас. Колку побрзо ќе го сфатите тоа, толку побрзо ќе го раскинете таквото „пријателство“ и ќе продолжите со својот живот. Нема да можете да разговарате како пријатели. Не очекувајте бившиот да ви стане пријател со кого ќе можете да разговарате отворено. За вас секогаш ќе постојат „табу“ теми. На пример, нема да можете да му кажувате детали за вашата нова љубов или за вашето ново сексуално искуство, без да предизвикате негативни чувства кај него. Па, ако не можете да разговарате како пријатели, тогаш не ни можете да бидете пријатели во вистинска смисла на зборот. Нема да можете да се однесувате како пријатели. Ниту вие, ниту вашиот партнер нема да останете вечно сингл. А самиот факт што постои друга која го зазема вашето некогашно место во неговиот живот, може да ве претвори во љубоморна „пријателка“. Лошата вест е што и најмалата доза на љубомора може да има сериозни последици – или ќе го уништи вашето пријателство или неговата нова љубовна врска. И во двата случаја исходот нема да биде добар. Можно е да си создадете проблеми со новиот партнер. Ако имате нов партнер, не очекувајте од него да остане рамнодушен на вашето пријателство со бившиот. Колку и да ве разбира, кај него секогаш ќе постои одредена доза љубомора. Можеби вие навистина сте изградиле пријателски односи со бившиот, но без да сакате тоа може да ви ја уништи новата врска. Затоа, добро размислете. Можеби е најдобро да ѝ се посветите на сегашната врска, наместо да губите време со минатата, која завршила, и тоа со причина. АРГУМЕНТИ „ЗА“ ПРИЈАТЕЛСТВО СО БИВШИОТ Крајот на љубовната врска не мора да значи и крај на пријателството со личноста која долго време била покрај вас и со која сте споделиле прекрасни мигови. Па, доколку сте уверени дека и двајцата сте ја преболеле вашата врска, не е лоша идеја да го зачувате бившиот покрај себе како ваш пријател. Еве неколку аргументи „за“ пријателството со бившиот: Нема да изгубите личност која ви значи. Крајот на врската е поболен поради помислата дека важна личност го напушта вашиот живот засекогаш. Но, тоа не мора да биде така. Доколку успеете да изградите здраво пријателство, оваа личност може засекогаш да остане покрај вас и да ја добие етикетата „пријател“, а не „бивши“. Тој не ги изгубил добрите карактеристики. За некому да му посветите дел од својот живот, тој треба да поседува добри карактеристики. Можеби сте се заљубиле во вашиот бивши поради неговата смисла за хумор, можеби ве освоил со тоа што е грижлив и внимателен, можеби сте „паднале“ на неговата искреност… Раскин увањето не ги менува неговите добри особини. Тој е на листата на луѓе кои ве познаваат најдобро. Можеби дури ни вашите пријатели или семејството да не ве познаваат толку добро колку што ве знае тој. Голема е веројатноста тој да знае буквално како дишете, да ги знае сите ваши добри и лоши страни. Па, тој ќе ве разбира во моментите кога чувствувате дека сите околу вас не ве сфаќаат. Од него ќе добивате совети од машка перспектива. Пријателите од посилниот пол се драгоцени, затоа што можат да ви дадат совет од машка гледна точка. Можат да ви кажат дали фустанот кој сте го избрале е премногу провокативен и дали добро ви стои без ниту малку да се влијаат од љубомора, можат добро да проценат кога некој ве „јаде“ со поглед и сл. Нема да има потреба да си ги „делите“ пријателите. Се движевте во исто друштво или ги обожавате неговите пријатели? Раскинувањето со партнерот обично значи и раскинување со неговото семејство и поделба на пријателите. Но, ако меѓу вас двајцата успеете да изградите пријателски односи, вие нема да ги поставите пријателите во непријатна ситуација да треба да избираат меѓу вас. И што е уште поважно – ќе можете да ги задржите неговите пријатели. Сепак, ако сте станале пријатели со бившиот, не си мислете дека тоа ќе трае вечно и дека не може да се промени. Постојано набљудувајте ги сигналите кои ви ги испраќа и доколку забележите дека тој сака да му бидете нешто повеќе од пријателка, а вие не го сакате тоа, за жал, на вашето пријателство му доаѓа крај.

Метју Пери конечно проговори: Имав 2 отсто шанси да преживеам

Ивона Петрова — Thu, 20 Oct 2022 08:46:30 +0000

Актерот Метју Пери со години се бореше со пороците, а неодамна призна дека неговата битка со зависноста од алкохол и дрога во еден момент станала толку тешка што „речиси умрел“. На 49-годишна возраст тој бил во многу тешка состојба кога му пукнало дебелото црево поради прекумерна употреба на наркотици. Актерот кој сите го знаат по улогата на легендарниот Чендлер Бинг во серијата „Пријатели“ сега призна дека поминал две недели во кома, а вкупно пет месеци во болница, како и дека девет месеци по операцијата морал да користи стома.

-Лекарите му рекоа на моето семејство дека имам 2 отсто шанси за преживување. Ме ставија на уред наречен ECMO машина, кој дише наместо вашите бели дробови. Никој не го преживува тоа, изјави актерот за Пипл. Пери реши искрено да зборува за тоа како зависностите од дрога и алкохол му го уништиле животот во неговите мемоари Пријатели, љубовници и големата страшна работа, кои ќе бидат објавени на 1 ноември. -Сега сум прилично здрав. Веќе не ми е дозволено да одам во теретана бидејќи не сакам само да играм суперхерој. Но, јас сум прилично здраво момче во моментов, рече Пери, кој не откри колку долго е трезен, но рече „секој ден се брои“. Додаде дека 14-те лузни на стомакот му служат како потсетник никогаш повеќе да не се дрогира.

ФАНОВИТЕ НА ПРИЈАТЕЛИ ВО СОЛЗИ –почина актерот кој важеше за посебна и топла личност (ФОТО)

Дарко Андоновски — Fri, 06 May 2022 19:34:51 +0000

Актерот Мајк Хејгерти, познат на домашната јавност по епизодната улога во серијата „Пријатели“, почина денеска на 67-годишна возраст. Тажната вест на социјалните мрежи ја сподели неговата добра пријателка Бриџит Еверет со која глумеше во шоуто „Somebody Somewhere“. „Со голема тага семејството на Мајкл Хагерти објави дека тој почина денеска во Лос Анџелес. Неговата љубов кон родното Чикаго и неговото семејство беа темелите на неговиот живот“, се вели во соопштението.

View this post on Instagram

A post shared by Bridget Everett (@bridgeteverett)

„Го засакав Мајк од моментот кога го запознав, тој беше посебен, топол човек, духовит“, додава неговата колешка во објавата. Потсетуваме дека во популарната серија „Пријатели“ се појави во втората сезона во улогата на господин Тригер, задолжен за одржување на зградата во која живееја Моника, Рејчел, Џои и Чендлер. Последен пат во оваа хит серија се појави во осмата сезона, кога ги насмеа сите со своите сцени во кои вежба танц со Џои.

Луѓето од ОВОЈ хороскопски знак се најдобри пријатели, ако ги имате покрај вас треба да бидете среќни

Ивана Ефремовски — Sat, 16 Apr 2022 10:46:06 +0000

Имате пријател во знакот на Водолија? Вие сте среќни и благословени! Секогаш се подготвени да помогнат. Тие се отворени, сакаат забава и дружење. Нивната интелегенција ги надминува границите, но често немаат волја да ја искористат, затоа што помалку се мрзеливи. Не сакаат ограничувања и подготвени се да кажат – јас имам сопствен живот, немој да се мешаш. Тие не трпат здодевност, не можат да се скрасат на едно место, а нивната љубопитност и интелегенција никогаш не им даваат мир. Водолиите се големи мислители и филозофи, па со оглед на тоа сакаат да го имаат главниот збор, но и да го слушнат туѓото мислење. Водолиите немаат предрасуди кон другите, а често знаат да се издигнат над ситуацијата и малку обрнуваат внимание на неважните работи. Секогаш ќе бидат тука за вас, но само додека вие навистина го заслужувате тоа. Вашите тајни кај нив се безбедни.

Ако вашата најдобра пријателка е родена во еден од овие хороскопски знаци – вие сте среќна личност!

Ивана Ефремовски — Thu, 07 Apr 2022 16:24:08 +0000

Сега ќе ви откриеме кои се најдобрите пријатели меѓу дамите на кои секогаш можете да се потпрете. Девица Девиците се љубезни, храбри и секогаш знаат како да помогнат. Со дама Девица до неа, ниту една девојка нема да падне во неволја, бидејќи тие се подготвени за сè. Скорпија Тие се огнени и страсни и подготвени да одат низ се, за да ги заштитат луѓето што ги сакаат. Исклучително верни пријатели кои се до тебе во добро и лошо. Бик Биковите се тврдоглави, мирни и избалансирани - ако барате утеха и слух, можете да ги најдете во нив. Тие никогаш нема да ве предадат и секогаш ќе размислуваат за вашите чувства и емоции.

ПЕТ знаци кои покажуваат дека сте многу повеќе од пријатели

Ристе Здравков — Mon, 21 Mar 2022 08:27:54 +0000

Повеќето мажи ќе признаат дека не е секогаш лесно да се биде пријател со жена и сè да остане на тоа Многу луѓе веруваат дека машко-женски пријателства не постојат и дека е сигурно дека барем еден од двајцата има подлабоки чувства во таа врска. Сепак, има многу случаи кои ги побиваат овие тврдења. Во секој случај, повеќето мажи ќе признаат дека не е секогаш лесно да се биде пријател со жена и да се одржува сето тоа. Доколку сте се нашле во оваа ситуација и еднаш сте се запрашале дали сте повеќе од пријатели, следните знаци може да ве убедат дека не грешите. Дури и ако сè уште не ви ги открил чувствата, во неговото однесување има јасни знаци кои можат да ви откријат дали има нежни чувства кон вас. Секогаш има време за вас Секако, ако некој ви е пријател, логично е да го видите и да направите заеднички планови за дружење. Но, ако негува романтични чувства кон вас, ќе се погрижи секогаш да наоѓа време во текот на денот за вас, без разлика колку е зафатен. Мажот кој е заинтересиран секогаш ќе ве става на прво место на неговите приоритети. Се труди да ве задоволи Тоа може да бидат секојдневни ситници, од ставање кафе во омилената шолја до обид да ве насмее или секогаш ја пушта музиката што ја сакате додека возите. Ако секогаш избира места за кои знае дека сигурно ќе ви се допаднат, а избегнува работи кои не ви одговараат, се труди да ги промени, ситуацијата е сосема јасна. Заштитнички е настроен Ако сакате да знаете како тој се чувствува кон вас, обрнете внимание на неговото однесување во ваша близина. Дали секогаш зазема заштитна положба на место полно со други мажи? Дали тој застанува во ваша одбрана кога некој ќе ви дофрли лош коментар? Исто така, ако не ви дозволува да зборувате лошо за себе, тоа е знак дека му се допаѓате. Се обидува да воспостави интимен контакт со вас Можеби никогаш досега не сте обрнувале внимание на тоа, но ако тој во последно време има навика да ве држи за рака, нежно да ве гали по косата, го тргна праменот од косата од лицето или да ве гушка, ова се знаци дека има романтични чувства кон вас и не сака да ви биде само пријатели. Ви ги доверува своите најголеми тајни Ако вашиот пријател е заинтересиран да бидете повеќе од негов пријател, тој ќе почне да ги споделува своите најголеми тајни со вас. До тоа ќе биде доведен од довербата што ја има во вас и фактот дека неговите чувства го тераат да сака да го продлабочи односот со вас.

5 знаци кои покажуваат дека сте многу повеќе од пријатели

Ристе Здравков — Fri, 18 Mar 2022 06:15:18 +0000

Најдобрите пријатели се родени во овие 3 хороскопски знаци: Верни се, лојални и самопожртвувани

Магдалена Андонова — Fri, 11 Mar 2022 19:03:57 +0000

Хороскопскиот знак во кој е роден вашиот најдобар пријател покажува дека тој е ваша сродна душа, но според Зодијакот има хороскопски знаци кои се истакнуваат како многу добри и посветени пријатели. Ако вашиот најдобар пријател е во еден од овие три хороскопски знаци, сметајте се себеси за среќни. Бик Како вистински земјен знак, Бикот е оној кој стабилно стои на нозе и ужива во едноставните задоволства на животот. Тој е многу селективен кога се во прашање неговите пријателски односи. Бикот ќе одвои време да ја оцени личноста што сака да ја вклучи во кругот на своите блиски пријатели. Како што внимателно избира растенија за својата колекција, така и Бикот темелно пристапува кон односите со луѓето. Кога ќе воспостави врска со вас, тој ви станува вечно верен. Бикот ќе се потруди да ви ја покаже својата лојалност. Рак Раковите се чувствителни, полни со разбирање и емпатија. Накратко, ова е најдобриот опис за овој хороскопски знак, а тоа особено важи кога се во прашање пријателските односи. Иако обично се дружат со луѓе како нив, нивната топлина може да ги открие и најтврдите срца. Нивната емпатија едноставно не им дозволува никого да остават на цедило, па ова се пријатели кои први ќе дојдат на помош кога ќе се најдете во неволја. Ќе организираат се и ќе помогнат да се надмине секој проблем. Јарец Јарецот е сигурен и реален пријател, на кој можете да сметате кога сите ќе ве напуштат. Знае да ги слуша пријателите, да ги расположи, но и несебично да ги сака. Тој е лојален и посветен пријател и секогаш можете да сметате на него. Со еден збор, Јарецот е навистина голем пријател и сите што го имаат покрај себе се среќни. Ако имате еден Јарец во вашиот живот, бидете сигурни дека никој на овој свет не може ништо да ви направи, бидејќи Јарецот ќе биде подготвен да го брани вашето пријателство со својот живот. Кога станува збор за пријателството, ретко кој може да се спореди со луѓето родени во овој знак. Јарецот е некој кој знае да се бори за своите соништа и желби и никогаш не крева раце од ништо.

Ретко кој знае дека легендарниот Џои има преубава ќерка, а има и вистина причина зошто ја чува од очите на јавноста (ФОТО)

Магдалена Андонова — Thu, 04 Nov 2021 15:54:53 +0000

Актерот Мет Лебланк (54) на многумина им е омилен лик од култната серија „Пријатели“ во која го игра легендарниот Џои Трибиани, но за неговиот приватен живот не се зборува многу. Многумина не ни знаат дека Мет има 17-годишна ќерка, Марина Перл, која ја доби со поранешната сопруга Мелиса Мекнајт и поради чија болест одби многу улоги. Марина е родена во февруари 2004 година, на само неколку месеци пред крајот на снимањето на „Пријатели“, а пред нејзиниот прв роденден и била дијагностицирана кортикална мозочна дисплазија, поради што како бебе страдала од епилептични напади. Иако нејзината состојба се подобрила во раното детство, Метју бил многу загрижен за здравјето на нејзината ќерка, па по „Пријатели“ ги одбил сите улоги за да може да поминува што повеќе време со неа. За разлика од повеќето деца на познати родители, Марина нема отворени профили на социјалните мрежи, а актерот секогаш ја држел подалеку од очите на јавноста. Единствениот пат кога ја повел со себе на црвениот тепих беше во 2014 година, а неколку пати беа фатени од папараците, но нејзини неодамнешни фотографии не можат да се најдат. Инаку, актерот се разведе од мајката на својата ќерка во 2006 година и оттогаш малку се знае за неговиот љубовен живот. По улогата во „Пријатели“, која му донесе светска слава, глумеше и во сопствената серија „Џои“, но таа никогаш не доживеала таков успех. Пред две години ја напушти емисијата „Топ Гир“ на Би-Би-Си во која од 2016 година се најде во улога на водител, а како главна причина наведе дека снимањето го оддалечуваат премногу од пријателите и семејството.