пријателски натпревар – Kurir.mk

Откако БиХ го откажа натпреварот, Русија најде нов противник

Магдалена Андонова — Sat, 05 Nov 2022 12:47:15 +0000

Руската репрезентација ќе одигра пријателски натпревар против селекцијата на Узбекистан, објавено е на официјалниот сајт на Рускиот фудбалски сојуз (РФУ). Репрезентациите на Русија и Узбекистан за првпат ќе играат меѓу себе. Натпреварот ќе се одигра на 20 ноември во Ташкент на централниот стадион „Пахтакор“. Така, Руисте си најдоа партнер за пријателски натпревар по откажувањето на Босна и Херцеговина да игра со нив на 19 ноември. Рускиот тим во ноември ќе одигра два пријателски натпревари. На 17 ноември, избраниците на селекторот Валери Карпин ќе се сретнат со селекцијата на Таџикистан во Душанбе. Да потсетиме, руската репрезентација, како и клубовите од оваа земја се суспендирани во натпреварувања под покровителство на Европската фудбалска асоцијација (УЕФА) и Светската фудбалска федерација (ФИФА). (МИА)

Откриено колку пари беа спремни Русите да и дадат на БиХ за пријателски меч

Ристе Здравков — Wed, 02 Nov 2022 13:43:41 +0000

Русите беа подготвени да ги сносат сите трошоци, како и да платат 200.000 евра на фудбалската федерација на Босна и Херцеговина. Но нема да има ништо од пријателскиот натпревар меѓу Русија и Босна и Херцеговина. Фудбалскиот сојуз на Босна и Херцеговина сепак се откажа од тој натпревар, иако првично ја прифатија понудата. Руските медиуми ја потврдија оваа информација и напишаа колку можеше да заработи ФС БиХ доколку се одиграше натпреварот. Според нивните информации, таа бројка била 200.000 евра, а Русите ќе ги сносат трошоците за организација, сместување и логистика. Некои играчи на репрезентацијата на БиХ се побунија поради споменатиот натпревар, наведувајќи ги како причина руско-украинскиот конфликт и забраната на ФИФА и УЕФА за руските репрезентации и клубови на меѓународни настапи.

Фудбалскиот сојуз на БиХ ќе добие околу 205 илјади евра за пријателскиот натпревар со Русија

Тале Кристо — Sat, 10 Sep 2022 08:38:25 +0000

Фудбалскиот сојуз на Босна и Херцеговина ќе добие околу 205 илјади евра за учество на репрезентацијата на пријателски натпревар против Русија, пренесува „РИА Новости“ повикувајќи се на „Дневни аваз“. Руската страна ќе ги покрие и сите трошоци за патување и сместување на фудбалската репрезентација на Босна и Херцеговина. Пријателскиот натпревар ќе се одржи во Санкт Петербург на 19 ноември. УЕФА нема против одржување на пријателски натпревар меѓу репрезентациите на Русија и Босна и Херцеговина. На крајот на февруари, Меѓународната фудбалска федерација (ФИФА) и Европската фудбалска асоцијација (УЕФА) одлучија да ги отстранат руските репрезентации и фудбалски клубови од учество во сите натпреварувања под покровителство на двете организации.

Канада под притисок на јавноста го откажа пријателскиот натпревар со Иран

Ивона Петрова — Fri, 27 May 2022 09:10:26 +0000

Фудбалската федерација на Канада го откажа пријателскиот натпревар против Иран, што беше закажан на 5 јуни во Ванкувер, подлегнувајќи на критиките кои изминатите неколку недели доаѓаа од канадските власти и јавноста. Во штурото соопштение, Фудбалската федерација на Канада наведе дека натпреварот против Иран во рамки на подготовките за Светското првенство во Катар е одложен, не прецизирајќи други детали. Натпреварот предизвика бројни контроверзи во канадското општество откако беше закажан две години по иранското соборување на патнички авион при што загинаа 85 канадски државјани. Канадскиот премиер Џастин Трудо изјави неодамна дека одигрувањето пријателски натпревар против Иран „не би било добра идеја“. Авион на летот ПС752 од Техеран до Киев беше соборен на 8 јануари 2020 година при што загинаа 176 луѓе. Иран призна вина за соборување на леталото, нарекувајќи го „катастрофална грешка“.

Нема да се игра пријателскиот натпревар Израел – Аргентина

Дарко Андоновски — Thu, 26 May 2022 07:58:45 +0000

Репрезентацијата на Аргентина нема да дојде во Израел на пријателски натпревар, бидејќи преговорите меѓу страните пропаднаа, објави „YNetNews“. Натпреварот против Израел беше откажан поради економски причини. Претходно беше откажан пријателскиот натпревар на Аргентинците против Австралија, поради тоа што летот заради една средба во Аргентина беше оценет како несоодветен. Против израелскиот тим, Аргентина требаше да игра на 6 јуни на стадионот Семи Офера во Хаифа. Натпреварот се очекуваше да донесе 2,5 милиони долари, од кои Аргентинците ќе добијат 1,5 милиони долари. Да потсетиме дека Израел првично требаше да игра со Русија во Лигата на нации на овој датум, но рускиот тим беше исклучен од сите официјални натпреварувања на УЕФА.

Украина планира пријателски натпревар со македонската фудбалска репрезентација

Магдалена Андонова — Thu, 14 Apr 2022 15:37:35 +0000

Украинската фудбалска федерација (УАФ) објави дека е во финални разговори за одигрување пријателски натпревари на националниот тим против македонската и француската репрезентација, во рамки на подготовките за мундијалскиот бараж, кој беше одложен во март поради руската инвазија. Потпретседателот на Украинската федерација, Олег Протасов, потврди за агенцијата УКРИНФОРМ дека националниот тим сака подготвен да влезе во баражот за пласман на Мундијалот 2022, додавајќи оти за таа цел во тек се преговори за тренинг кампот и за одигрување контролни натпревари, први од почетокот на инвазијата на 24 февруари. – Сега сме во преговори за тренинг кампот со неколку земји и за одигрување натпревари против Франција и Северна Македонија, но повеќе информации околу тоа ќе може да објавиме подоцна, изјави Протасов. Украина на 1 јуни треба да и гостува на Шкотска во рамки на полуфиналето од мундијалскиот бараж, додека македонската репрезентација на 2 јуни против Бугарија на гостински терен ги започнува натпреварите во Ц групата во Лигата на нации. (МИА)

Од денес во продажба билетите за дуелот на Македонија против Словенија

Ивона Петрова — Sat, 29 May 2021 07:15:38 +0000

По пауза од 18 месеци поради пандемијата на коронавирус, фудбалските навивачи се враќаат на Арената „Тодор Проески‘ во Скопје и од денеска можат да купат билет за натпреварот што македонската репрезентација ќе го одигра на почетокот на идната недела против Словенија во рамки на подготовките за Еуро 2020. Согласно одлуката на македонската Влада, националната арена „Тодор Проески“ за натпреварот во вторник со почеток од 18 часот ќе биде исполнета до 30 отсто од вкупниот капацитет од 33.460 седишта. Фудбалската федерација на Македонија соопшти дека во продажба ќе бидат пуштени влезници за Јужната, по цена од 300 денари, и за Источната трибина, по цена од 200 денари. Западната трибина на Арената ќе биде резервирана за организирани навивачките групи на македонскиот состав, додека поради здравствените мерки и протоколите на УЕФА за заштита од Ковид-19, Северната трибина ќе биде резервирана само за официјални лица. Мечот против Словенците ќе биде еден од двата подготвителни за македонскиот состав пред настапот на Еуро2020, и воедно прв што избраниците на селекторот Игор Ангеловски ќе го одиграат пред публика на домашен терен по 18-ет месечна пауза. Последен пат пред воведувањето забрана за навивачи поради пандемијата на коронавирус „црвено-жолтите“ имаа поддршка од трибините на Арената во Скопје во ноември 2019 година и дуелот од евроквалификациите против Израел.

Франција конечно најде противник за пријателски дуел

Тале Кристо — Wed, 11 Dec 2019 20:02:29 +0000

По неколку неуспешни обиди, Француската фудбалска репрезентација успеа да обезбеди ривал за својот национален тим во подготвителниот период за ЕУРО 2020. Пријателски меч со Франција с есогласи да игра репрезентацијата на Украина. Средбата ќе се одржи на 27 март 2020 година, најверојатно во Франција. Претходно пријателски меч со „триколорите“ одбија неколку селекции меѓу кои и Белгија која се „исплаши“ со евентуален пораз, пред крајот на годината да ја загуби првата позиција на ФИФА рејтинг листата.

Македонските ракометари ќе одиграат пријателски натпревари со Србија

Дарко Андоновски — Mon, 24 Dec 2018 13:32:05 +0000

Македонската ракометна репрезентација ќе се одигра пријателски натпревари со Србија во рамки на подготвителниот период за Светското првенство во Германија и Данска. Натпреварите ќе се одиграат на 4 и 5 јануари во спортскиот центар „Борис Трајковски“ во Скопје. Првиот е закажан за во 20 часот и ќе биде од отворен тип со слободен влез. Вториот натпревар ќе биде од затворен тип. -Ракометната Федерација на Македонија ги поканува сите љубители на македонскиот ракомет да бидат дел од овој подготвителен период на Македонија и да дадеме поддршка за претстојното СП 2019, стои во апелот на РФМ.