пријателство – Kurir.mk

„Денес мојот пријател ме удри“ – поучна приказна за вистинското пријателство

Ивана Ефремовски — Mon, 18 Sep 2023 12:44:27 +0000

Вистинското пријателство е реткост во денешно време. Ако имате вистински пријатели, вие сте среќни луѓе. Но, за истото да го задржите мора да почитувате неколку правила. Советот кој ќе го добиете во оваа поучна приказна многу ќе ви помогне. Си биле двајца пријатели... Двајца пријатели шетале низ пустината. Во еден момент се скарале и едниот го удрил другиот. Повредениот не рекол ништо, но запишал во песокот: „Денес мојот пријател ме удри“. И така продолжиле по својот пат. По некое време наишле на една оаза и одлучиле да се одморат. Но, пријателот кој бил удрен паднал во жив песок. Другиот го спасил. Во тишината, спасениот пријател изгребал на една камена плоча: „Денес пријателот ми го спаси животот“. Оној кој го удрил и кој му го спасил животот, го прашал: „Кога те удрив, тоа го запиша во песок, а кога ти го спасив животот, тоа го забележа на камен. Зошто?“ Пријателот му одговорил: „Кога некој ќе те повреди, тоа мора да го запишеш во песок за да може ветрот на простувањето да го избрише. А, кога некој ќе направи нешто добро за тебе, тогаш тоа треба да го запишеш на камен, за ветрот никогаш да не може да го избрише и да го однесе во заборав.“

3 знаци на зодијакот чии пријателства може да се распаднат во март: Меркур и Месечината ги предизвикуваат

Магдалена Андонова — Thu, 10 Mar 2022 18:22:39 +0000

Кога Меркур е во квадрат со Месечината, доаѓа до зголемена свесност на Земјата и откривање на вистините кои беа скриени од нас, тврдат астролозите. Овој аспект нè охрабрува да ги преиспитаме некои врски и да ги промениме, а можноста се појавува од денес, кога Месечината и Меркур на небото го формираат овој предизвикувачки аспект. Пријателствата се загрозени за време на Меркуровиот квадрат на Месечината, што имплицира дека тие претходно скриени нешта ќе почнат да се појавуваат во некоја друга форма и да се појавуваат пред нас. Она што го мислевме за одредени пријатели може да биде сосема поинакво. Ќе испадне дека некои од нив не биле такви што ние верувавме дека се. Ќе откриеме дека некои од нашите блиски пријатели се всушност лажни, себични или измамени. Меркур во квадрат со Месечината ни ја дава основата не само да се спротивставиме на овие лажни пријатели, туку и целосно да го прекинеме нашиот однос со нив. Трите хороскопски знаци особено ќе бидат изложени на овој предизвик и знаење. Овен Можеби не сакате да си го признаете тоа, но долго време се борите со чувството дека близок пријател ве „издава“. Овој аспект ви носи дефинитивно раскинување со тој пријател, со кој можете слободно да се збогувате до крајот на животот. Соочете се, ова пријателство се засноваше на недоверба и предизвици, незадоволството бледеше, а сега ќе ескалира. Време е да се збогуваме. Близнаци Една од причините зошто се подготвувате да ставите крај на пријателството е тоа што, искрено, повеќе не можете да поднесете некого. Како и на двајцата да ви треба добар изговор за да издржите, очигледно е дека крајот е на врата. Искри ќе светат на сите страни и двајцата сакате оваа врска да заврши. Ова пријателство, од некогаш ветувачко, се претвори во непријателство, стана досадно, тешко и бесмислено. Зошто воопшто се обидуваш да го одржиш во живот? Рак Ќе го прекинете пријателството затоа што повеќе немате доверба во личноста со која сте биле пријатели. Се чувствувате изневерени, злоупотребени од вашата искреност и емоции. Раковите се чувствителни, верни и лојални како пријатели и многу тешко се поднесуваат доколку некој ги изневери или ја изневери нивната доверба. Тоа штотуку ти се случи со другарка и време е да излезеш од таа врска за да не страдаш повеќе.

ВИДЕО: Тој има 2, таа 99 години и се најдобри пријатели – Корона карантинот создаде искрено пријателство

Ивона Петрова — Tue, 27 Jul 2021 11:01:40 +0000

Две годишно момче и неговата 99 годишна сосетка станале најдобри пријатели за време на неколку месечниот карантин поради Ковид-19. Мери О’Нил и Бенџамин Олсон се соседи, а кога најголем дел од луѓето мораа да се изолираат од своите семејства и пријателите, тие почнале редовно да се дружат во дворот поделен со ограда. -Повеќе од една година Бенџамин не виде други деца. Немаше контакт со никого освен со семејството и Мери. Тие создадоа неверојатно силна врска, изјавила мајката на момчето, Сара Олсон. Пријателството со Бенџамин ја радувало Мери која наскоро ќе го прослави својот 100 роденден. Пред 37 години го изгубила сопругот, а сега ужива во друштво на малото момче. Нејзините внуци и правнуци живеат во други американски сојузни држави. Од почеток на момчето му мавтала преку прозорецот, а тогаш почнала да излегува од куќата за да го поздрави. На крај тоа се претворило во редовни дружења крај оградата која ги двои нивните дворови. За време на топлите месеци тие седат на скали и дуваат балони од сапуница. Мери на Бенџамин му дала и кутија со играчки кои му припаѓале на нејзиниот починат син. -Понекогаш знае да стане, да земе песок во рака или камен и да ми ги даде како подарок. Поради него се чувствувам добро, изјавил Мери која момчето и неговиот брат ги смета за „најблиски внуци“. Мајката на Бенџамин заклучува дека Мери е неговата вистинска прва најдобра другарка.

Огнот на пријателството – приказна за вистинските другари

Ивана Ефремовски — Wed, 28 Oct 2020 15:39:37 +0000

Прочитајте ја оваа поучна приказна која ќе ви ја врати вербата во вистинското пријателство. „Никој не може да помине ваква студена ноќ на врвот на планината без ќебе и храна. Знам дека тебе ти требаат пари, така што ако успееш во тоа ќе добиеш голема награда. Во спротивно 30 дена ќе работиш за без пари.“ „Утре ќе се обидам“, одговорил Алек. Но, кога излегол од продавницата, замрзнал од ледениот ветар, се исплашил и решил да се посоветува со неговиот најдобар пријател и да го праша дали е лудост да прифати таква кладба. По кратко размислување, пријателот му одговорил: „Јас ќе ти помогнам. Утре кога ќе стигнеш на планинскиот врв, погледни пред себе, јас ќе бидам на соседната планина. Ќе запалам оган за тебе и таму ќе ја поминам ноќта. Ти гледај во оганот и мисли на нашето пријателство. Тоа ќе те згрее. Ќе успееш, а потоа ќе ти побарам нешто за возврат.“ Алек го издржал предизвикот, ја добил кладбата и отишол кај неговиот пријател. „Ми рече дека сакаш нешто за возврат“, му рекол и му понудил дел од парите. Пријателот го прегрнал и му одговорил: „Да, но не пари. Вети ми дека ако некогаш во мојот живот дувне студен ветар, ќе го запалиш оганот на пријателството за мене.“ Алек се насмевнал и се уверил во лојалноста на неговиот пријател, кој навистина бил тука за него во секое добро и зло.

Кои се најдобрите пријатели според хороскопот?

Ристе Здравков — Tue, 01 Sep 2020 13:32:46 +0000

Пријателите се семејство кое вие самите го бирате, луѓето со кои ги споделувате најтешките и најубавите моменти во животот и затоа оваа врска е скапоцена. Астролошката компатибилност покажува дека некои хороскопски знаци функционираат совршено и создаваат хармонично пријателство. Овен Овенот совршено се сложува со воздушните знаци како што се Близнаците. Овие два хороскопски знаци имаат одлична врска, а нивното пријателство се заснова на добра комуникација. Тие ги делат истите ставови и не се плашат да започнат разговор на подлабоки теми, а нивната врска обично е полна со возбуда. Бик Бикот се сложува одлично со Девицата. Нивното пријателство е полно со смеа и добра забава. Тие уживаат во меѓусебното друштво и се многу опуштени, што ги зближува уште повеќе. Близнаци Разиграните Близнаци, покрај Бикот, ја сакаат и Девицата. Близнаците и Девицата можат да зборуваат за секоја ситуација и да имаат иста смисла за хумор. Тие се пример за вистински пријатели за цел живот. Рак Ракот и Шкорпијата имаат прекрасен пријателски однос. Тие сакаат храна, добра забава и зрачат со позитивна енергија. Лав Лавовите најдобро се сложуваат со Стрелците. Нивната поврзаност произлегува од меѓусебното уметничко и креативно разбирање. Тие го ценат меѓусебното мислење и упорноста. Имагинативни се и поради сето тоа имаат нераскинлива врска. Девица Девиците се сложуваат најдобро со мистериозните Скорпии. Без оглед на темите што ги започнуваат, водат долги и длабоки разговори. Нивното пријателство е интензивно и целосно исполнувачко. Вага За хармоничната Вага, интелектуалните Водолии се совршени пријатели. Овој воздушен пар сака да се поврзува преку уметноста и музиката. Тие се способни да се критикуваат едни со други, да дискутираат и да ги анализираат сите детали. Секоја минута што ја поминуваат заедно е драгоцена за нив. Шкорпија Тоа е мистериозен знак кој добро се согласува со неколку видови луѓе, но Рибите им одговараат најмногу. Шкорпијата и Рибите се инстинктивни и магични, а тоа ги држи како магнет еден до друг. Исто така, тие ги почитуваат туѓите емоции и граници, а тоа е потребно за здраво пријателство. Стрелец Овенот е идеален пријател за Стрелецот. Нивниот однос е исполнет со смеа. Ако се почитуваат едни со други и избегнуваат кавги за тоа кој е најдобар, овој динамичен пар може да има долгогодишно пријателство. Јарец За Јарецот, најдобрите пријатели се авантуристичките Близнаци.Тие имаат ист пристап кон животот и сакаат да уживаат во плодовите на својот труд. Водолија Водолијата и Лавот се неверојатно добар пријателски пар. Тие се чувствителни и ги споделуваат своите емоции. Секогаш ќе си понудат рамо за плачење. Тие се верни и затоа имаат долгогодишно пријателство. Риби Совршен пријател за интуитивните Риби е емотивниот Рак. Кога ќе се спојат, нема ништо што не можат да постигнат заедно. Најмногу уживаат во заедничките патувања и имаат сличен вкус за храна и пијалаци. Сето тоа го прави нивното пријателство забавно.

За љубовта и пријателството…

Ристе Здравков — Sun, 30 Dec 2018 19:20:40 +0000

Иако сѐ уште се води полемика за тоа дали овој текст е навистина напишан од Боб Марли, сепак вреди да се прочита овој прекрасен и искрен текст за љубовта и пријателството... Длабоко верувам дека само еднаш во животот наоѓаш луѓе кои се во состојба да го превртат целиот твој свет. Ќе им кажеш работи кои никогаш не си ги споделил со никого, тие ќе го испијат се тоа што ќе го кажеш и ќе сакаат уште. Ќе споделувате надежи за иднината, соништа кои никогаш нема да се остварат, цели кои никогаш не се оствариле и бројните разочарувања со кои ќе ве почести животот. Нема да можеш да издржиш да им кажеш кога нешто добро ќе се случи, затоа што знаеш дека тие со тебе ќе го споделат твоето возбудување. Не се срамат да плачат со тебе кога си повреден и да се смејат со тебе кога правиш будала од себе. Никогаш не ги навредуваат твоите чувства, ниту пак заради нив се чувствуваш помалку вреден, туку те подигнуваат и ти укажуваат на работите кои те прават посебен, дури и убав. Кога тие се во близина, никогаш нема притисок, љубомора или натпреварување, има само тивка смиреност. Можеш да бидеш тоа што си и да не се грижиш што мислат за тебе, затоа што те сакаат таков каков што си. Работите кои им изгледаат безначајно на повеќето луѓе, како порака, песна или прошетка, стануваат непроценливо богатство кое се чува на сигурно, во срцето, до крајот на векот. Ти ги враќаат сеќавањата на детството, кои се толку јасни што ти се чини дека сте повторно млади. Боите изгледаат посветло и посјајно. Иако не било честа појава, или воопшто не се случувало, смеењето сега станува дел од секојдневниот живот. Еден или два телефонски повици во текот на тенот ти помагаат да го издржиш работниот ден и секогаш ти ја враќаат насмевката на лицето. Во нивното присуство не чувствуваш потреба постојано да зборуваш, туку си задоволен само со нивната близина. Работите кои претходно не те интересирале, стануваат фасцинантни, затоа што знаеш колку се важни за личноста која тебе ти е посебна. Размислуваш за таа личност во секоја прилика и во секоја работа. Се потсетуваш на нив поради ситници како чистото, сино небо, нежниот ветар, па дури и тмурниот облак. Го отвораш своето срце, иако знаеш дека еден ден може да биде скршено и со отворање на срцето доживуваш љубов за која не си ни мислел дека е возможна. Пронаоѓаш сила во спознанието дека имаш вистински пријател и најверојатно сродна душа. Сфаќаш дека ранливоста е единствен начин на кој можеш на своето срце да му го овозможиш задоволството кое е толку реално што дури и те плаши. Пронаоѓаш сила во спознаието дека имаш вистински пријател и сродна душа која ќе ти остане верна до крај. Животот ти изгледа потполно поинаков, повозбудлив и вреден за живеење. Твојата единствена надеж и сигурност лежат во спознанието дека тие се дел од твојот живот.

6 работи кои ги прават само вистинските пријатели

Катерина Бојаџиева — Sun, 07 Oct 2018 08:10:31 +0000

Вистинските пријатели секогаш ќе ви кажат се во лице и нема да остават некој друг да ви пренесе. Без оглед на грешките кои сте ги направиле, вистинскиот пријател никогаш нема да ве осудува или исмејува. Вистинскиот пријател е оној кој искрено ве сака и прифаќа онакви какви што сте. Не зборуваат позади вашиот грб Вистинските пријатели одбегнуваат непотребни драми. Оној кој шири гласини во врска со вас, тој всушност и не ви е пријател. Вистинскиот пријател секогаш ќе ви каже се во лице, а не на некој друг за тој да ви пренесе. Тој не сака да се расправа Вистинскиот пријател ќе ве прифати онакви какви што сте и нема да се обиде да ве промени. Значи, доколку не се согласувате, нема од тоа да направи расправија, туку едноставно на фин начин ќе ви го каже своето мислење. Тој е секогаш поддршка Вистинскиот пријател секогаш ќе ве поттикнува да продолжите да работите на остварување на своите цели и ќе ви помогне да ги исполните своите соништа. Дури и во тешките времиња, кога ви се чини дека е невозможно да успеете, тој ќе ве охрабри и ќе ве поттикне да станете уште подобра верзија на самите себе. Тој не осудува Без оглед на грешките кои ги правите, вистинскиот пријател никогаш нема да ве осудува или исмејува врз основа на интимните тајни кои со него сте ги споделиле. Сите грешиме, а вистинскиот пријател тоа го знае. Тој е секогаш на ваша страна Вистинскиот пријател секогаш ќе ви го чува грбот. Можеби нема да се согласувате во се, што е нормално, но тоа нема да го покаже пред другите, туку тоа ќе го решите на само. Тој не е љубоморен на вашиот успех Напротив, се радува на вашиот успех исто како да е негов личен.

Исполнета е желбата на Заев и Ципрас: Поставени таблите „Пријателство“ на автопатот (ФОТО)

Ивана Ефремовски — Sat, 03 Mar 2018 10:25:16 +0000

На Автопатот Табановце - Богородица, кој води од границата со Србија до границата со Грција поставени се таблите со новото име „Пријателство“. Поставувањето на таблите следи по одлуката за промена на името на автопатот „Александар Македонски“ кое беше најавена по средбата на премиерот Зоран Заев со неговиот грчки колега Алексис Ципрас во Давос. Одлуката за промена на името на автопатот „Александар Македонски“ во автопат „Пријателство“ Владата ја донесе на средината од минатиот месец. Покрај автопатот кој доби нови име, ново име има и аеродомот во Скопје кој е преименуван во Меѓународен аеродром „Скопје“. Изминатиот викенд согласно одлуката за промена на името беа отстранети буквите од натписот „Александар Велики„, а ноќта меѓу 28 февруари и 1 март беше отстранет и споменикот на Александар Македонски што беше поставен во зградата на Аеродромот. (МИА)

Тие се тврдоглави и напорни: Најтешко ќе се спријателите со овие 7 хороскопски знаци

Ивана Ефремовски — Sat, 23 Dec 2017 19:32:34 +0000

Некои луѓе се многу тешки и напорни. Колку и да се трудите, не можете да пронајдете заеднички јазик и да се спријателите. Со луѓето од овие хороскопски знаци е најтешко да се спријателите.

Водолија

Сигурно си мислите дека лесно би можеле да се спријателите со Водолиите, со оглед на тоа што тие ги прифаќаат другите луѓе и нивните мислења. Меѓутоа, тие имаат големи проблеми со емоциите, па затоа знаат да бидат многу напорни. Водолиите воопшто не сочувствуваат со другите луѓе, а очекуваат од нив да бидат свесни за нивната чувствителност. Тие нема да ви кажат што им пречи и зошто се вознемирени, но ќе очекуваат да ги разберете нивните чувства. Никогаш нема да знаете дали Водолиите ве обожаваат или не можат да ве поднесат.

Овен

Овните се забавни сѐ додека ги следите нивните правила и ги исполнувате нивните потреби. Тие не се грижат за туѓите мислења и многу ретко размислуваат за последиците од нивните постапки. Доколку не сакате конфликти и преземање ризици, најверојатно нема да се сложувате со Овните. Тие имаат големи барања, но немаат ни грам трпение. Никогаш нема да признаат дека згрешиле, наместо тоа, ќе заминат на некоја авантура и воопшто нема да се потрудат да ја поправат грешката. Ако имате некаков проблем со овој хороскопски знак, никогаш нема да го натерате да разговарате, бидејќи тој сигурно ќе има попаметна работа.

Скорпија

Скорпиите се познати по тоа што секогаш го добиваат тоа што го сакаат и не дозволуваат никој да им застане на патот. Скорпиите знаат да бидат претерано доминантни. Кога ќе се налутат, можат да избувнат на најстрашните можни начини. Кога се љубоморни или полни со омраза, разумот сосема ги напушта. Ако Скорпијата мисли дека сте ја излажале или изневериле, нема да има дискусија. Само ќе ве „отпише“ од нејзиниот живот и најверојатно ќе почне да крои планови за одмазда.

Близнаци

Близнаците делуваат многу шармантно и опуштено, но тешко е да се задржи нивното внимание. Тие се многу чувствителни и понекогаш премногу лично ги сфаќаат работите. Го мислат дека не ги почитувате или се чувствуваат повредени, почнуваат да глумат дека се рамнодушни. Близнаците кажуваат едно, а потоа прават нешто сосема друго. Со нив никогаш не можете да знаете на што сте.