Прилеп-Битола – Kurir.mk

ВОЗОТ ОД ПРИЛЕП ДО БИТОЛА СТОИ ВО МЕСТО – пожар го блокираше железничкиот сообраќај на овој патен правец

Дарко Андоновски — Mon, 18 Sep 2023 07:41:06 +0000

Регионалниот ЦУК Битола извести дека при пожарот во атарот с.Беранци, во Општина Могила, каде што гореле нискостеблеста вегетација и стрништа, пругата била оштетена на повеќе места. Информацијата е добиена од ТППЕ-Битола и веднаш дежурните од ЦУК ги информирале СВР-Битола и надлежните од „Железници на Република Северна Македонија транспорт АД – Скопје“. По брзата проверка на железничката пруга, од вчера попладне од 17.42 часот железничкиот сообраќај е во прекин на делницата помеѓу Битола и Прилеп, а патничкиот воз 643 е на станицата во Прилеп и не сообраќа. ЦУК примил известување од „ЖРС Македонија транспорт АД – Скопје“ дека другиот железнички (патнички и товарен) сообраќај се одвива нормално.

Повредени четири лица во сообраќајка на патот Прилеп-Битола

Ивана Ефремовски — Thu, 10 Sep 2020 09:28:01 +0000

На 09.09.2020 во 16:45 часот на регионалниот пат Прилеп-Битола, во с.Ново Лагово, се случила сообраќајна незгода помеѓу патничко возило „форд” со прилепски регистарски ознаки, управувано од М.Р.(31) од Прилеп, со совозач К.П.(28) од Прилеп и патничко возило „застава 128” со прилепски ознаки, управувано од П.С.(68) од с. Шелеверци, прилепско. Во незгодата сите лица се здобиле со тешки телесни повреди и биле пренесени во Градска болница Прилеп за укажување лекарска помош. Увид на местото извршила увидна екипа на Полициска станица Прилеп.

Николоски: Се обврзуваме за изградба на автопатско решение Прилеп – Битола до границата со нашиот јужен сосед

Тале Кристо — Fri, 10 Jul 2020 08:40:41 +0000

Ветуваме и се обврзуваме за изградба на автопатско решение Прилеп - Битола до границата со нашиот јужен сосед, вели во својата објава на Фејсбук носителот на листата на ВМРО-ДПМНЕ во ИЕ3 Александар Николоски.

Хоспитализирани две лица, излетале со БМВ од патот Прилеп-Битола

Ивона Петрова — Mon, 04 May 2020 10:59:28 +0000

На регионалниот пат Прилеп - Битола кај с.Ношпал, вчера утрината било пријавено дека В.П.(33) од Битола, управувајќи патничко возило „бмв“, со битолски регистарски ознаки, изгубил контрола и излетал од коловозот. -Во незгодата, со тешки телесни повреди се здобил сопатникот М.Н.(43) од Битола, а со телесни повреди се здобил возачот, по што биле пренесени во Клиничкиот центар Битола за укажување на лекарска помош, информираат од МВР. Извршен бил увид на местото на настанот од Полициската станица Прилеп.

Две лица повредени во сообраќајка на патот Прилеп-Битола

Ивона Петрова — Thu, 08 Aug 2019 08:06:41 +0000

Сообраќајна несреќа во која повредени се две лица се случила вчера околу 21:15 часот на патот Прилеп-Битола, на место викано „Бучила“. Од МВР информираат дека во несреќата учествувале товарно возило „Цитроен“ со штипски регистарски ознаки, управувано од В.Г.(57) од Радовиш, и патничко возило „Сузуки Свифт“ со прилепски регистарски ознаки, управувано од Д.Б.(31) од Прилеп. -Во незгодата со тешки телесни повреди се здобил В.Г., а со телесни повреди се здобил Д.Б. по што биле пренесени во Градската болница Прилеп за укажување на лекарска помош, велат од МВР. Увид на местото на настанот извршила увидна екипа од Полициската станица Прилеп.

Двајца повредени восообраќајна несреќа на патот Прилеп-Битола

Даниел Василев — Thu, 31 May 2018 13:29:18 +0000

Двe лица се полесно повредени во сообраќајната несреќа што се случила денеска околу 13 часот на патот Прилеп-Битола во близина на Прилеп. Повредените се префрлени на лекување во прилепската градска болница.

Според Сања Стаматова, портпарол на СВР Битола несреќата се случила околу 13 часот.

- Од засега непознати причини патничкото возило марка „Хјундаи акцент“ со прилепски регистерски таблички со тројца патници се превртило на патниот правец Прилеп - Битола на излезот од Прилеп. Двајца од тројцата патници се здобиле со полесни телесни повреди, а жената-возач не е повредена. Повредените се префрлени на лекување во прилепската градска болница, вели Стаматова.

Увид на местото на несреќата направи прилепската полиција.

МИА