Прилеп-Градско – Kurir.mk

Нормализиран сообраќајот на патниот правец Прилеп – Градско

Ивана Ефремовски — Sun, 09 Apr 2023 15:07:59 +0000

Сообраќајот на патниот правец Прилеп - Градско е нормализиран во двата правци, информира АМСМ. Од 14:35 часот, сообраќајот на овој патен правец, кај местото Тројаци беше во прекин во двата правци поради сообраќајна несреќа. (МИА)

Запленета дрога кај Прилеп-Градско која требала да пристигне во Грција: Се работи за роба со вредност од 200.000 евра – еве ги деталите

Магдалена Андонова — Thu, 10 Jun 2021 08:20:53 +0000

Во рамки на засилените полициски активности за борба против недозволената трговија со наркотична дрога, во заедничка акција на полициски службеници од Одделот за криминалистичка полиција- Сектор за недозволена трговија со дрога, оружје и опасни материи и ОВР Прилеп –Надворешна канцеларија за криминалистички работи Прилеп на 10.06.2021 околу 01 часот запленета е дрога вредна околу 200.000 евра, чија крајна дестинација била Грција, а приведено е едно лице, соопшти денеска портпаролот на МВР Тони Ангеловски. -Од страна на сообраќајна патрола од ОВР Прилеп околу 01 часот на регионалниот пат Прилеп-Градско, во близина на бензинска станица, било сопрено товарно моторно возило „ман“ со албански регистерски таблички, управувано од Б.Ј. (40) државјанин на Р.Албанија. При контролата, од страна на албанскиот државјанин на полициските службеници им биле понудени пари за да не извршат службени дејствија за контрола на возачот и возилото. Од страна на полициските службеници извршена е контрола, при што во приколката се пронајдени две големи торби во кои биле сместени 50 пакувања со марихуана во вкупна тежина од околу 50 килограми. Проценетата вредност на дрогата е околу 200.000 евра. Возачот е лишен од слобода и во текот на денот со кривична пријава ќе биде предаден на ОЈО Прилеп“, соопшти Ангеловски. Министерството за внатрешни работи продолжува со интензивни мерки и активности за сузбивање на нелегалната трговија со дрога, како и на другите видови криминал.

Нормализиран сообраќајот на патот Прилеп – Градско

Ивана Ефремовски — Mon, 01 Mar 2021 18:01:47 +0000

ЈП „Македонија пат“ информира дека сообраќајот на патниот правец Прилеп – Градско кај местото Топлица е нормализиран за сите видови возила. Сообраќајот беше во застој за сите возила, откако околу 16 часот тешко товарно возило се преврте кај местото Топлица. (МИА)

ФОТО: Тутунарите и денеска го блокираа патот Прилеп – Градско, блокадата ќе трае шест часа

Магдалена Андонова — Thu, 17 Dec 2020 11:26:31 +0000

По вчерашниот протест, тутунарите и денеска излегоа на протест и го блокираа магистралниот пат Прилеп – Градско. „Од 10:15 часот на патниот правец Прилеп-Градско, поради јавен собир во близина на с. Плетвар, сообраќајот е во прекин во двата правци, информираат од АМСМ. Од иницијативниот одбор за протести синоќа одлучија наместо од 10 до 12 часот како што вообичаено беа блокадите, денеска блокадата да биде од 10 часот наутро па до 16 часот попладне. Порачаа дека доколку не се укине четвртата класа на тутун и цената на тутунот не достигне 200 денари по килограм, тогаш блокадите ќе продолжат.

Прекин на сообраќајот на патот Прилеп-Градско

Ивона Петрова — Thu, 13 Sep 2018 06:11:01 +0000

На експресниот пат Прилеп – Градско, делница Фариш – Дреново, поради градежни работи денеска ќе има прекини на сообраќајот. Прекините ќе започнат во 09:00 и 11:00 часот и ќе траат околу 30 - 45 минути. После 11:45 часот сообраќајот ќе се нормализира.

Утре и задутре изменет режим на сообраќај на делницата Фариш-Дреново

Предраг Кукиќ — Tue, 11 Sep 2018 16:57:46 +0000

Автомотосојузот на Македонија информира дека од утре се воведува времена измена на режимот на сообраќај поради планираните градежни работи на делницата Фариш-Дреново на експресниот пат Прилеп-Градско. Според најавата од изведувачот на работите, шпанската Констракшн Рубау А.Д. Гирона, градежните активности почнуваат утре во седум часот, а прекини во сообраќајот ќе има од 09:00 до 15:45 часот. Прекините ќе започнат во 09:00, 11:00, 13:00 и 15:00 ч. и ќе траат околу 30-45 минути. По 15:45 часот, сообраќајот ќе се нормализира. Задутре градежните работи ќе почнат исто така седум часот, а прекините ќе бидат од 09:00 до 11:45 часот, односно во 09:00 и 11:00 и со траење од околу 30 до 45 минути. Сообраќајот ќе се нормализира по 11:45 часот. АМСМ соопшти дека сообраќајот на државните патишта се одвива по суви коловози. Интензитетот на сообраќај на патните правци надвор од градските средини е умерен. На граничните премини нема подолги задржувања за влез и излез од државата. Се препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците можна е појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово – Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково. (МИА)

Нормализиран сообраќајот Прилеп-Градско кај „Лукоил“

Ивана Ефремовски — Mon, 27 Aug 2018 16:54:31 +0000

Попладнево од 17:30 часот сообраќајот на магистралниот пат Прилеп-Градско, во близина на „Лукоил“ е целосно нормализиран за сообраќај, соопшти АМСМ. Сообраќајот низ земјава попладнево се одвива по влажни коловози. Интензитетот на сообраќај на патните правци надвор од градските средини е зголемен. На граничните премини, од македонска страна, нема подолги задржувања за влез и излез од државата, додава АМСМ. (МИА)

Вработените во Еурокомпозит протестираа со блокада на патот Прилеп-Градско

Даниел Василев — Wed, 04 Jul 2018 11:10:35 +0000

Вработените во прилепски „Еурокомпозит“ денеска два часа го блокираа патниот правец Прилеп-Градско, на излезот од градот. Велат не се откажуваат од своите барања да се реши состојбата со компанијата и не го прифаќаат владиниот предлог бидејќи, како што посочуваат, тоа е еднократно и нема целосно решение. - Ние го блокиравме патниот правец на излезот од Прилеп, а другата наша група протестираат пред Владата. Владиниот предлог не ја решава состојбата. Предложените шест милиони денари, три милиони биле за една плата од по 10 до 12.000 денари, другите за репроматеријали. Но проблемот не е решен, бидејќи за две недели, пак е истата ситуација, а ние бараме трајно решение, вели Пеце Велјаноски од Синдикатот на Еурокомпозит. Тој рече дека не отстапуваат од барања за трајно решавање на нивниот проблем. - Исплата на заостанатите плати и придонеси, пакет-отпремнини за 100 луѓе иако се најавува, се уште ништо нема од тоа. Доколку компанија прави процена пак ќе поминат неколку месеци. Досега, речиси една година поминува со рокови од три и од шест месеци, а нема ништо на повидок. Затоа од барањата за трајно решение не отстапуваме, вели Велјаноски. Тие им даваат целосна поддршка на колегите кои протестираат пред Владата на РМ. МИА

Позната здравствената состојбата на повредените жени во сообраќајката на патот Прилеп-Градско

Ивона Петрова — Wed, 28 Feb 2018 13:39:47 +0000

Надлежен јавен обвинител од ОЈО Кавадарци изврши увид на местото на сообраќајната несреќа на патот Прилеп-Градско, во која животот го загуби едно лице. Како што соопшти Обвинителството, според првичните сознанија, до несреќата дошло при директен судар на патничко такси-возило „мерцедес“ со скопски регистарски таблички и товарно возило „волво“ со велешки таблички. Во несреќата животот го загубил возачот на такси-возилото, додека неговите две сопатнички со тешки телесни повреди се префрлени на Клиничкиот центар во Скопје. Возачот на товарното возило и неговиот сопатник не се повредени и со нив веднаш разговарал надлежен јавен обвинител. Со цел утврдување на причините за несреќата, издадена наредба за обдукција на телото на починатиот, прибрани се сите траги и материјални докази од лице место, а ќе биде наредено и сообраќајно вештачење.

Вработените во „Еурокомпозит“ го блокираа патот Прилеп-Градско, ја бараат ветената исплата на плати

Ивона Петрова — Thu, 22 Feb 2018 14:19:59 +0000

Вработените во прилепскиот загубар „Еурокомпозит“ денеска од 12 до 14 часот го блокираа патот Прилеп-Градско на излезот на градот, пред Плетвар. Инсистираат да им бидат исполнети барањата за исплата на две плати за да почнат да работат и да чекаат шест месеци, како што е договорено со Владата, да се најде стратешки инвеститор и конечно да се реши состојбата со фабриката. Роберт Богданоски, претседател на синдикалната организација, изјави дека ќе ги радикализираат протестите и оти следната недела ќе протестираат пред Владата. Истовремено бараат средба со премиерот Зоран Заев и оставка од раководството. - Ги радикализираме протестите. Денеска го блокиравме регионалниот пат на излезот од Прилеп два часа и секојдневно ќе протестираме час повеќе. Ни самите немаме веќе избор зашто ништо не се решава. Нашите барања се познати: исплата на плати за да почнеме да работиме, плати да се исплаќаат и наредните шест месеци во кои се согласуваме со владиниот услов да чекаме за да се најде стратешки инвеститор и конечно да се реши состојбата. Во фабриката нема вода ниту услови за работа, раководството не го гледаме и затоа бараме оставка од менаџментот. Бараме средба со премиерот Зоран Заев. Нашите протести ќе ги радикализираме и во вторник ќе протестираме пред Владата, изјави Богданоски.Генералниот директор Александар Кузески во телефонски разговор рече дека денеска во Владата се разгледува планот за работа во „Еурокомпозит“.