прилепчани – Kurir.mk

Во Скопје уапсени две лица Прилеп, еве за што се товарат

Тале Кристо — Fri, 04 Nov 2022 15:50:31 +0000

Денеска (04.11.2022) во 12.30 часот на подрачјето на Кисела Вода, полициски службеници од ЕВР Кисела Вода ги лишиле од слобода А.В.(46) и М.Т.(25), двајцата од Прилеп. Тие се сомничат дека извршиле повеќе кривични дела „тешка кражба“. Кај нив биле пронајдени предмети поврзани со кривичните дела. Известен бил Јавен обвинител, а лицата се задржани во полициска станица. По целосно документирање на случаите против нив ќе бидат поднесени соодветни поднесоци.

Ристески: Еве зошто Прилепчани на 15-ти ќе го казнат СДСМ

Тале Кристо — Sun, 12 Jul 2020 20:26:52 +0000

Зошто Прилепчани на 15- ти ќе го казнат СДСМ: -затоа што ни донесоа најголем срам и предавство во историјата на Прилеп-градот херој -затоа што брзата експанзија, проекти, инвестиции и развој на градот ги запреа до максимум -затоа што сè што беше претходно изградено, не се способни да го одржуваат и брутално го уништија -затоа што Прилеп од најчист град во државата, го претворија во највалкан (исто како што ја извалкаа и општинската зграда) -затоа што ЈП ги претворија во партиско-непотистички филијали на грбот на граѓаните -затоа што ја зголемија цената на водата и услугите на грбот на граѓаните -затоа што од најмирен град го претворија во криминален-Теxas град на рекет и страв -затоа што наместо индустриските зони да ги преполнат со нови фабрики и инвестиции, тие го преполнија градот со летни бавчи на своите моќници -затоа што Прилеп од град полн со млади и живот, постепено го претвораат во напуштена паланка -затоа што го уништија спортот во градот -затоа што уништија прекрасни манифестации со кои се гордеa Прилепчани -затоа што наместо повисок животен стандард, донесоа невработеност, сиромаштија, мизерија, затворени дуќани -затоа што бессрамно ги задолжија идните генерации -затоа што потонаа во сопствениот криминал и корупција -затоа што сè што ветија, сè излагаа Затоа почитувани Прилепчани 15-ти e денот кога ќе ја добијат пресудата, прво од народот, a потоа и од институциите....никогаш повеќе СДСМ, никогаш!!! Прилеп и Македонија предводени од ВМРО-ДПМНЕ се обединуваат за ОБНОВА!, пишува во својата Фејсбук објава поранешниот градоначалник на Прилеп Марјан Ристески.

Тројца Прилепчани не ги почитувале мерките за самоизолација, ОЈО побара казна

Тале Кристо — Fri, 20 Mar 2020 19:36:20 +0000

Побарана казна за три лица во Прилеп кои ја прекршиле мерката за самоизолација Основното обвинителство во Прилеп поднесе предлог три лица да бидат парично казнети поради кршење на мерката за самоизолација. -Основното јавно обвинителство Прилеп поднесе предлози за издавање казнен налог за три лица кои го сториле кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите во одделни кривично правни настани не ги почитувале мерките за спречување или сузбивање на опасна заразна болест – коронавирус COVID 19 и не постапиле по изјавите за самоизолација. Имено, обвинетите на 17 март оствариле влез во Република Северна Македонија од држави со среден и висок ризик за ширење на коронавирусот и согласно мерките биле должни во период од 14 дена да не го напуштаат престојувалиштето кое го пријавиле како место каде ќе ја спроведат задолжителната самоизолација. При вршење на контрола од страна на полициските службеници на 19 март, обвинетите не биле затекнати во нивните престојувалишта, соопшти Јавното обвинителство. Оттаму велат дека на Основниот суд во Прилеп му е даден предлог на обвинетите да им изрече парична казна во износ од 100 дневни глоби, при што висината на една дневна глоба да биде одредена во износ од по 30 евра во денарска противвредност.

Прилепчани наместо во самоизолација биле надвор, ќе платат парични казни

Ивана Ефремовски — Thu, 19 Mar 2020 14:09:12 +0000

Основното јавно обвинителство Прилеп денеска поднесе четири предлога за издавање казнен налог за четири лица, жители на Прилеп. Секој од нив во одделни случаи го сторил кривичното дело – Непостапување според здравствени прописи за време на епидемија од член 206 став 1 од Кривичниот законик. Сите обвинети кои во државата дошле од различни држави, при влез во земјава на 16 март 2020 година потпишале изјави за самоизолација. Но при проверка од полициските службеници на 18 март не биле затекнати во нивните домови, па со тоа го сториле кривичното дело кое им се става на товар. Обвинетите иако должни да ги имплементираат мерките определени во Писмена наредба на Министерството за здравство за сузбивање или спречување на епидемијата на коронавирусот – COVID 19, како и обврската од Изјавите за самоизолација, не постапиле согласно предвиденото со што го сториле кривичното дело. Јавен обвинител од Основното јавно обвинителство Прилеп до Основниот суд Прилеп ги достави предлозите со кои предлага судот за секој од обвинетите да изрече парична казна во висина од 100 дневни глоби, секоја дневна глоба со висина од по 30 евра во денарска противвредност.

Пожарникарите пет часа ги ваделе телата на загинатите – Фотографии од местото каде двајцата прилепчани излетаа кај Плетвар

Дарко Андоновски — Tue, 11 Sep 2018 09:25:33 +0000

Двајца прилепчани го загубија животот во тешката сообраќајна несреќа која се случила ноќта неделата кон понеделникот, 20-тина минути после полноќ на преминот Плетвар, кај селото Тројаци. До несреќата, во која животот го загубија 37 годишниот О.И и 56 годишниот Р.М., дошло кога од засега непознати причини возилото „Опел Астра“ со прилепски регистарски таблички, управувано од О.И., излетало од патот пробивајќи ја заштитната ограда на мостот и паднала во провалија длабока 50-тина метри. Увид на лице место извршиле припадници на ПС Прилеп и Јавното обвинителество, а поради непристапниот терен за извлекување на телата била повикана и противпожарната екипа која скоро 5 часа се обидувала да ги извлече загинатите од провалијата.