прилепско – Kurir.mk

Претреси во прилепско, приведено едно лице, пронајдени оружје, муниција, дрога и предмети за извршување на кражби

Катерина Бојаџиева — Wed, 17 May 2023 16:54:28 +0000

Денеска (17.05.2023), полициски службеници од СВР Битола - ОВР Прилеп - Надворешна канцеларија за криминалистички работи Прилеп го лишиле од слобода Д.С.(44) од Прилеп. При претрес во неговиот дом во Прилеп, извршен со судска наредба, биле пронајдени и одземени повеќе предмети за изработување на оружје и за извршување на тешки кражби, како што се солзавец, шишенца исполнети со течност, разновиден алат и друго. При претрес, пак, во викенд куќа во с.Бешиште, прилепско, во која престојувал, извршен, исто така, со судска наредба, полициски службеници од Надворешната канцеларија за криминалистички работи Прилеп и од Полициската станица Старавина при Регионалниот центар за гранични работи Југ пронашле и одзеле прачки индустриски експлозив, бавногоречки штапини, детонаторски каписли, ловечка пушка калибар 12мм, делови од ловечка пушка, ловечки патрони калибар 12мм, куршуми од различен калибар, делови од растение канабис, дигитална вага, противпешадиска мина, рачна бомба, куршуми за карабин, една воздушна пушка и др. Лицето било задржано во полициска станица и по целосно документирање на случајот против него ќе биде поднесена соодветна пријава.

Уапсен крадец од прилепско, расчистени 11 кривични дела

Тале Кристо — Tue, 10 Jan 2023 14:41:29 +0000

Полициски службеници од Полициската станица Центар, по распишан централен распис од СВР Битола го лишиле од слобода Х.В(42) од с.Канатларци, прилепско, поради сомнение за сторени повеќе кривични дела. Тој бил предаден во СВР Битола и во службен разговор со полициски службеници признал дека извршил осум кривични дела тешка кражба, две кражби и една тешка кражба во обид во куќи и продажни објекти. Тој бил задржан во полициска станица и по целосно документирање на случаите, против него ќе биде поднесена соодветна пријава.

Истрага за силување на малолетничка во прилепско

Тале Кристо — Thu, 15 Sep 2022 10:01:25 +0000

Основното јавно обвинителство Прилеп донесе наредба за спроведување истражна постапка против едно лице, на возраст од 21 година, за кое постои основано сомнение дека сторило кривично дело – Силување од член 186 став 2 во врска со став 1 од Кривичниот законик. Осомничениот, на 13 септември, во непосредна близина на мостот пред селото Селце, со употреба на сила и сериозна закана присилил на обљуба 15-годишно девојче. Додека оштетената се враќала од училиштето кон нејзиниот дом, осомничениот ја пресретнал и почнал да ја следи, движејќи се зад неа. Во еден момент се приближил и започнал да ја допира, насилно да ја трга и да ја влече по тревата. И се заканувал да не вика, бидејќи ќе им се случи нешто лошо на нејзините најблиски. Под мостот извршил обљуба врз девојчето, кое постојано се спротивставувало. Надлежниот јавен обвинител до судијата на претходна постапка од Основниот суд во Прилеп поднесе предлог за определување мерка притвор за осомниченото лице. Судијата го прифати предлогот и со решение на осомничениот му определи притвор во траење до 30 дена.

Приведени петмина дрвокрадци во прилепско

Тале Кристо — Wed, 30 Mar 2022 11:35:45 +0000

На 29.03.2022 во периодот од 07 до 18.00 часот, полициски службеници од СВР Битола, Надворешна канцеларија за криминалистички работи Прилеп и Полициска станица Прилеп извршија засилени контроли на повеќе локации во Прилеп за откривање на случаи на бесправно сечење огревни дрва. Притоа, во повеќе возила биле пронајдени и одземени околу 11 метри кубни огревни дрва, кои биле предадени на Шумската полиција за понатамошна постапка, а лицата кои ги управувале биле лишени од слобода и против нив ќе биде поднесена соодветна пријава. На патниот правец Плетвар - с.Царевиц биле затекнати четири патнички возила натоварени со бесправно исечени огревни дрва и тоа: патничко возило „фолксваген поло" со прилепски регистарски ознаки, управувано од В.С.(35) од Прилеп, а сопатник бил Т.Р.(32) од Прилеп, патничко возило „опел астра" со охридски регистарски ознаки, управувано од В.Р.(45) од Прилеп, патничко возило „сеат толедо" со прилепски регистарски ознаки, управувано од Д.Д.(47) од Прилеп и патничко возило „фолксваген голф" со прилепски регистарски ознаки, управувано од А.П.(45) од Прилеп. На патот кон Вештачкото езеро, во близина на с.Дервен, биле пронајдени две оставени возила „лада нива", од кои едното било натоварено со дрва. Над манастирот Св.Ѓорѓи биле пронајдени и подигнати бесправно исечени огревни дрва, додека на место викано „Борила“ и место викано „Леково“ биле пронајдени две, односно четири запрежни возила натоварени со огревни дрва.

Четворица осомничени за тешки кражби во прилепско

Тале Кристо — Fri, 11 Mar 2022 13:53:16 +0000

Основното јавно обвинителство Прилеп поведе постапка против четири лица за кои постои основано сомнение дека како соизвршители сториле продолжено кривично дело – Тешка кражба од член 236 став 1 точка 1 во врска со член 45 став 1 и член 22 од Кривичниот законик. Лицата на возраст од 33, 30, 40 и 19 години, се осомничени дека во периодот од декември 2021 година до 08.03.2022 година, по претходен меѓусебен договор, извршиле вкупно 32 тешки кражби во куќи и цркви во селата Костинци, Слепче, Веселчани, Алинци, Лопатица, Вранче, Заполжани и Стровија, како и во куќи и колонијални продавници во Прилеп, од каде одзеле повеќе предмети со намера противправно да ги присвојат. Јавниот обвинител до судијата на претходна постапка од Основниот суд во Прилеп достави предлог за определување мерка притвор за четворицата осомничени. Судијата го прифати предлогот и со решение на осомничените им определи мерка притвор во траење до 8 дена.

ТРАГЕДИЈА ЈА СТРЕСЕ МАКЕДОНИЈА: Малолетно девојче пронајденo удавенo во базен

Магдалена Андонова — Sat, 21 Aug 2021 15:08:07 +0000

На 20.08.2021 околу 13.00 во ОВР Прилеп, од Итна медицинска помош било пријавено дека во базен во двор на Е.Н.(45) во с.Дебреште, прилепско, била пронајдена удавена неговата малолетна ќерка. Смрт констатирала екипа од Итна медицинска помош, а увид извршила екипа од ОВР Прилеп.

ПРЕТРЕС ВО ПРИЛЕПСКО: Полицијата имала полни раце работа, еве што пронашла и одзела!

Магдалена Андонова — Wed, 14 Jul 2021 11:16:17 +0000

Денеска (14.07.2021) полициски службеници од Надворешната канцеларија за криминалистички работи од ОВР Прилеп, по добиена судска наредба извршија претрес во дом и други простории во с.Житоше кај И.А.(43). При претресот се пронајдени и одземени еден пиштол „Роси“ калибар 22 мм, пет куршуми 22 мм, 12 куршуми калибар 7,62 х 25 мм, еден сигнален пиштол и една рамка за пиштол „црвена застава“ М-57, за кои не поседувал дозвола. По документирање на случајот против И.А. ќе биде поднесена кривична пријава за „недозволено изработување, држење и тргување со оружје или распрскувачки материјали" по чл.396 од Кривичниот законик.

Пронајдена неексплодирана граната од Првата Светска војна во прилепско

Тале Кристо — Sun, 07 Jun 2020 08:43:16 +0000

Вчера во 09,00 часот во СВР Битола, Ж.М. од с.Пашино Рувци-Кривогаштани пријавил дека во сопствениот двор при вршење на земјоделски работи, пронашол една неексплодирана граната кал.75мм од Првата Светска војна. Експлозивната направа е подигната од стручни лица од Дирекцијата за заштита и спасување Битола за понатамошна постапка, стои во соопштението од МВР.

Малолетник повреден во сообраќајка во прилепско

Ивана Ефремовски — Tue, 16 Jul 2019 08:53:29 +0000

На 15.07.2019 во 09:15 часот на крстосница од улиците „Филип Втори“ и „Гоце Делчев“ во с.Кривогаштани, прилепско, се случила сообраќајна незгода. Во сообраќајката учествувале патничко возило „Фолксваген Голф“ со прилепски регистарски ознаки, управувано од Т.К.(59) од с.Кривогаштани и мотоцикл „Јујинг“ без регистарски ознаки, управуван од Ф.Н.(17) од с.Свето Митрани, прилепско. Во незгодата со тешки телесни повреди се здобил мотоциклистот Ф.Н. и бил пренесен во Градското болница во Прилеп. Увид извршила екипа од Полициската станица Прилеп.

Водата за пиење во повеќе населени места во прилепско е неисправна

Ивона Петрова — Tue, 21 Aug 2018 12:19:28 +0000

Водата не е здравствено исправна за пиење од јавните чешми во прилепските населени места: Волково, Прилепец,Чумово, Мало Рувци, старо Лагово, и од локалните водоводи во селата: Алинци, Веселчани, Загорани, Ѓумушица, Тројкрсти, Чепигово, село Ерековци и Канатларци, информираат од прилепската локална самоуправа според податоците добиени од Центарот за јавно здравје. Водата од овие чешми, според Центарот за јавно здравје, не смее да се користи за пиење, без да се преврие најмалку 10 минути. Од Центарот, вршат редовни анализи на исправноста и квалитетот на водата за пиење од јавните чешми во населените места, онаму каде нема водоводи со кои стопанисува ЈКП „Водовод и канализација“ од Прилеп. МИА