Ковачевски зема плата 88.260 денари, Спасовски ја има најголемата министерска плата

Ристе Здравков — Mon, 09 May 2022 13:35:03 +0000

Kоефициентот на бодот за износот на месечните плати на премиерот и на министрите е идентичен со оној на претходниот состав на Владата. Владата ги објави платите на министрите на старо-новиот состав на Владата, на чело со премиерот Димитар Ковачевски. Платата на Ковачевски, заедно со минат труд е 88.260 денари, а најголема плата меѓу министрите, има министерот за внатрешни работи Оливер Спасовски – 86.324 денари. – Kоефициентот на бодот за износот на месечните плати на премиерот и на министрите е идентичен со оној на претходниот состав на Владата. Инаку, премиерот, министрите и заменик-министрите ги избира и ги разрешува Собранието на Република Северна Македонија. Во постапката за избор се определува и коефициентот за пресметка на месечната плата – изјавија од Владата за „Слободен печат“. Така, основната плата и на премиерот Ковачевски, како и на неговиот претходник Заев е 78.896 денари. Ковачевски за минат труд добива 9,364 денари, а Заев имаше помал износ за минат труд и малку помала плата – 87.913 денари. На сите министри основната плата им е 65.026 денари, а варијациите се поради ставката минат труд и може да се видат на сајтот на Владата ((https://vlada.mk/plati). Единствено на министерот за внатрешни работи му се утврдува зголемување за 20 проценти на платата утврдена за извршување на функцијат а, затоа министерот Спасовски има најголема плата. Инаку, како што веќе објави „Слободен печат“, нето-платата на претседателот на државата Стево Пендаровски, заедно со минат труд е 92.941 денар.

ВМРО-ДПМНЕ: Инфлацијата ги јаде примањата, владата не презема ништо – Основните продукти и горивата се зголемени и за 70%, а лебот за 110%

Тале Кристо — Wed, 30 Mar 2022 06:45:43 +0000

Инфлацијата ги јаде примањата, владата не презема ништо, основните продукти и горивата се зголемени и за 70%, а лебот за 110%, велат во партиското соопштение од ВМРО-ДПМНЕ. За само година ипол горивата поскапеа за 70%, а тие се основен елемент и кај граѓаните и во скоро секоја гранка од индустријата. За високите цени пред се е виновна владата на СДСМ и ДУИ, кои откако дојдоа до денес ги зголемија акцизите за 13.13 денари. Тоа значи дека без акцизата која ја зголеми оваа влада сега горивата ќе беа околу од 72 до 75 денари за литар. Раст на цените во малопродажба има и кај основните намирници како брашно, млеко и леб. Цената на лебот е зголемена и за 110%. Зголемените цени силно удираат по стандардот на граѓаните. Еден од најголемите удари по џебот на народот е зголемувањето на цената на струјата за 30%. Што е последица на лошото менаџирање со енергетските ресурси на државата. Во сред енергетска криза увозот на струја по берзански цени изнесуваше и до 50%, затоа што владата ги испразни хидроакумулациите и не копаше јаглен кога требаше, па домашното производство беше на минимум, и се се покриваше со скап увоз. Лошите политики на владата во изминативе години ги чинат граѓаните многу, стои во соопштението на ВМРО-ДПМНЕ.

примања – Kurir.mk

Ковачевски зема плата 88.260 денари, Спасовски ја има најголемата министерска плата

ВМРО-ДПМНЕ: Инфлацијата ги јаде примањата, владата не презема ништо – Основните продукти и горивата се зголемени и за 70%, а лебот за 110%