Примера Дивизија – Kurir.mk

Валенсија го шокираше Атлетико Мадрид во судиското надополнување

Бошко Тасиќ — Sun, 07 Nov 2021 17:42:25 +0000

Валенсија и Атлетико Мадрид одиграа без победник 3-3 во трилер натпреварот кој вечерва се одигра на „Месталја“ во Примера. Актуелниот шампион на Шпанија имаше предност од 3-1 до 92 минута, но и тоа не им беше доволно на момците на Диего Симеоне за да ги освојат трите бода, а за тоа е виновен резервистот Уго Дуро. Дуро влезе во игра во 85 минута што се покажа како полн погодок на тренерот Бордалас затоа што напаѓачот се најде на вистинското место во 92 и 96 минута и донесе голем бод за својата и голема еуфорија кај навивачите. Останатите четири гола беа дело на Атлетико со тоа што Савиќ си даде автогол, а на вистинскоо место погодија Суарез, Гризмани Врсаљко. Клубот од Мадрид со 23 бода е на 4 место, Валенсија со 17 е на 10 позиција.

Касемиро: Со вакви победи се освојуваат титули

Бошко Тасиќ — Sun, 29 Aug 2021 06:33:04 +0000

Шпанскиот фудбалски гигант Реал Мадрид со 1-0 победи на гостувањето кај Бетис и освои три многу важни бодови од тежок терен за игра. Бразилскиот фудбалер од редовите на оваа екипа Касемиро смета дека токму овие победи на тешките гостувања ги носат титулите на крајот. „Ова се три многу важни бододви. Бетис ќе собере бодови од нашите ривали бидејќи тука е многу тешко да се игра“, вели Касемиро.„Со вакви победи се освојуваат титули. Клучот беше напорната работа на сите и на оние кои подоцна влегоа“.

Азар го спаси Реал Мадрид од пораз против Севиља

Бошко Тасиќ — Sun, 09 May 2021 21:09:45 +0000

Во последниот меч од 35. коло во Шпанската Примера дивизија, вечерва на својот стадион Реал Мадрид не успеа да ја победи Севиља, откако одиграа нерешено 2:2 и со тоа не се искачија на врвот на табелата. Реал тргна добро и Бензема веќе во 12. минута погоди. Сепак, по ВАР реакцијата голот беше поништен поради офсајд. Само 10 минути подоцна, Ракитиќ асистира, а Фернандо успеа да го погоди голот на домашните и да донесе шок за Реал, за водство од 1:0. Во вториот дел Реал се врати со израмнување во 67. минута. Само една минута откако влезе на теренот како замена за Модриќ, Марко Асенсио погоди за 1:1. Но, повторно само десет минути подоцна, Севиља се врати во водство. Пенал во шеснаесетникот на домашните, Ракитиќ погоди за водство на Севилја од 2:1. Во судиското продолжение од 6 минути, Азар успеа да погоди од далечина и да донесе барем бод за „кралевите“ на овој исклучително важен меч.Во моментов лидер во Примера е Атлетико со 77 бода. Реал Мадрид е втор со 75 бода исто колку што има и Барселона, додека Севиља има 71 бод. До крајот на првенството има уште три кола.

Барселона и Атлетико Мадрид одиграа нерешно,шанса за Реал Мадрид

Бошко Тасиќ — Sat, 08 May 2021 17:08:45 +0000

Шпанските фудбалски гиганти Барселона и Атлетико Мадрид одиграа без голови 0-0 во дерби дуелот од 35.коло на шпанската Ла Лига.

Иако двата тима особено домаќините имаа бројни шанси за гол сепак на крајот резултатот беше оној почетниот. Ваквиот резултат им најмногу му оди во корист на Реал Мадрид кој утревечер на домашен терен ја пречекува екипата на Севилја.

Атлетико останува лидер на табелата сега со 77 бодови, два повеќе од Барселона, а три од Реал кој се евентуална победа над Севилја која е на 4.место на табелата со 70 бодови, може да се израмни со Атлетико на врвот на табелата, па до крајот на првенството во кое остануваат уште три кола да имаме уште по неизвесна борба за шампионскиот трофеј