примера – Kurir.mk

Судиите подготвуваат прекин на Примера, одлуката паѓа денес!

Ристе Здравков — Tue, 18 Apr 2023 13:48:01 +0000

Фудбалот во Шпанија оди од скандал во скандал, па така сега е под знак прашалник продолжението на сезоната дури и во најсилната Примера дивизија. Сојузот на судиите најавува штрајк, повлекување од работната позиција и прекин на првенството. Причина за тоа се нападите на кои се подложни арбитрите во последниот период. По низа вербални и дури физички напади во разни шпански лиги, судиите се подготвени на овој радикален потег. Како главен поттик е нападот на Антонио Поцо, судија кој ја делеше правдата на натпревар на У19 екипите на Пилилас и Калавере. Судијата беше соборен на земја и претепан, во ситуацијата учествувал и родител на едно дете, што е дополнителен проблем. Судиите во Шпанија тврдат дека се води кампања против нив, подготвени се да штрајкуваат и ги прекинат првенствата. Според најавите од Шпанија, одлуката ќе падне во текот на денешниот ден.

Проблеми за Ансу Фати, пак оперативен зафат

Бошко Тасиќ — Fri, 05 Feb 2021 20:45:16 +0000

Фудбалерот на Барселона, Ансу Фати, ќе треба да направи трета операција на коленото, повреда која го мачи од почетокот на ноември минатата година. Досега двапати му беше извршен оперативен зафат на коленото на Фати, но поради нови проблеми ќе треба и по третпат да оди под нож. Според информациите сезоната за него веќе е завршена. Ова е големо разочарување за талентираниот млад фудбалер, која оваа сезона ја започна одлично со пет погодоци во 10 настапи за Каталонците .

Куман: Резултатите покажуваат дека сме на добар пат

Ивона Петрова — Fri, 02 Oct 2020 06:55:01 +0000

Барселона одигра втор силен натпревар во Примера и како гостин ја победи Селта со 3:0. Ова беше прв успех во последните 5 години за Каталонците на „Балаидос“, а тој дојде и покрај црвениот картон на Клеман Лангле непосредно пред паузата. – Јас сум многу горд на тимот. Игравме дисциплинирано, и ова беше задолжително со оглед на фактот дека останавме со човек помалку. Дури и во намален состав, ја остваривме целта. Момчињата одлично ја вршат својата работа. Резултатите не тераат да мислиме дека сме на добар пат. За црвениот картон може да се дебатира многу. Работата на судиите не е лесна, но беше премногу остра казна. Сепак, важно е да не зборуваме за судијата, туку за нашата игра, особено откако останавме со 10 фудбалери, изјави Куман.

❝It's a great win.❞ — @RonaldKoeman Post-game live on Barça TV+ ▶️ https://t.co/v28AM27Zzq pic.twitter.com/zkOxTE49rT
— FC Barcelona (@FCBarcelona) October 1, 2020

ФИФА против одигрување меч од Примера во САД

Матеја Петровски — Wed, 29 Aug 2018 05:59:53 +0000

Претседателот на Светската фудбалска федерација (ФИФА), Џани Инфантино е против идејата на раководството на шпанската Примера еден натпревар да се игра на територијата на САД. - За да се случи такво нешто треба да се запазат одредени процедури. Зелено светло треба да дадат ФИФА, УЕФА, КОНКАКАФ и Фудбалскиот сојуз на САД. Доколку оваа идеја се оствари, тогаш тоа би предизвикало домино ефект и со останатите лиги во Европа, изјави Инфантино. Против идејата меч од Шпанското фудбалско првенство, најверојатно дербито Реал Мадрид – Барселона, да се игра во САД, се изјаснија и претставниците на тамошното Здружение на играчи. - Не се секогаш важни парите. Треба да се мисли и на здравјето на фудбалерите, се огласи неодамна Здружението. Се очекува реакцијата на раководството на шпанската лига дали и понатаму ќе инсистира на идејата да се игра натпревар од Примера на американскиот континент. (Миа)

Фудбалерите од Примера не сакаат да играат во САД

Ристе Здравков — Thu, 23 Aug 2018 07:51:19 +0000

Заедницата на фудбалери во Шпанија (АФЕ) не се согласува натпревар од Примера да се игра надвор од границите на државата. Оваа е реакција на одлуката на раководството на Примера, еден натпревар од оваа сезона да се игра на територијата на Соединетите Американски Држави. Од АФЕ истакнуваат дека Примера не ги консултирала играчите кога ја носела одлуката. Против идејата беа капитените на сите 20 екипи од шпанскиот шампионат. - Ако треба како крајна опција ќе го искористиме и штрајкот, е ставот на АФЕ. Од Ла Лига се уште немаат соопштено за кој меч би се играл во САД и во кој термин.

Сарагоса остана без Примера

Матеја Петровски — Sun, 10 Jun 2018 06:51:03 +0000

Реал Сарагоса нема да игра во најквалитетната фудбалска лига во Шпанија ниту следната сезона, откако не успеа во квалификациите за влез во Примера. Сарагоса синоќа на домашен терен загуби од Нуминасија со 1:2, а голот кој ја чини елиминација во полуфиналето на плејофот, домашната екипа го прими во судиското надополнување. На првиот натпревар резултатот беше нерешен 1:1, па Нумансија со вкупни 3:2 оди понатаму. Во финалето Нумансија ќе го чека подобриот до двомечот меѓу Реал Ваљадолид и Спортинг Хихион. По првата средба Ваљадолид има предност од 3:1. (Mиа)

Рајо Ваљекано се враќа во Примера

Матеја Петровски — Mon, 28 May 2018 08:06:52 +0000

Екипата на Рајо Ваљекано од следната сезона повторно ќе биде меѓу најдобрите шпански фудбалски екипи. Тимто од Мадрид синоќа на домашен терен го победи Луго со 1:0 и создаде недостижна предност во однос на конкурентите за влез во Ла Лига. Алекс Морено го постигна единствениот гол на натпреварот кој се покажа како одлучувачки и вреден пласман во елитата. На едно коло пред крајот на Сегунда, Рајо е лидер на табелата со недостижни пет бода во однос на трето пласираниот Спортинг Хихон. Претходно пласман меѓу прволигашите обезбеди Уеска, а третиот патник ќе се знае по одигрување на баражите. (Миа)