принц чарл – Kurir.mk

СИ ЈА ОТВОРИ ДУШАТА: Протекоа детали за емотивното писмо што Хари му го испрати на својот татко пред да се врати во Велика Британија

Магдалена Андонова — Tue, 20 Apr 2021 15:04:30 +0000

Пред да се врати во Велика Британија за последното збогување на принцот Филип, принцот Хари испрати писмо до неговиот татко, принцот Чарлс, обидувајќи се да ги смири нивните затегнати односи поради експлозивното интервју со Опра Винфри во март. Во пресрет на неговата прва средба со семејството откако ги напушти кралските должности со неговата сопруга Меган Маркл и синот Арчи и се пресели во САД, Хари ја отвори душата со писмо до неговиот татко, но Чарлс сепак беше длабоко повреден од потезите на неговиот син бидејќи неговиот сега покоен дедо во болницата се бореше за живот, пишува Мирор. - Тој му напиша интимно писмо на својот татко обидувајќи се да ја поправи нивната врска, но тензиите се уште се присутни меѓу нив и работите не се решија како што се надеваше, изјави извор близок до Хари за таблоидот, откривајќи дека принцот во писмото навел уште една причина за неговото заминување, но и дека ветил дека ќе ја почитува институцијата. - Во пресрет на погребот на принцот Филип, семејството постигна неискажан договор да остане во себе сè што ќе кажат едни за други и да се фокусира на кралицата, на која и беше потребна поддршка по смртта на нејзиниот сопруг, рече изворот. - Хари не очекуваше дека сè ќе се врати во нормала веднаш, но откако го виде семејството, се чувствува како да имаат уште многу работа за да создадат врска, додаде тој. Иако Хари беше фатен како разговара со неговиот брат Вилијам по погребот, нивната врска сè уште е прилично студена поради сериозните обвинувања против кралското семејство кои тој и Меган ги изнесоа во интервјуто со Опра. Хари, меѓу другото, и рекол на водителката дека мисли дека неговиот татко и брат се заробени во палатата и дека не можат само да одат како него, што наводно ги разбеснило идните кралеви. Друг извор од палатата открил и дека Чарлс се надевал дека ќе го види Хари сам по погребот на неговиот татко, но тој му рекол дека не планира да остане толку долго. Меган, која во моментов е бремена и чека уште едно дете, го следеше погребот од САД бидејќи лекарите ја советуваа да не патува, а на пријателите наводно им рекла дека не сака да привлече внимание кон себе со доаѓањето.

Мастер план на Чарлс: Дали ова ги охрабри Хари и Вилијам да разговараат по погребот?

Магдалена Андонова — Mon, 19 Apr 2021 16:00:45 +0000

Извори блиски до кралското семејство тврдат дека принцот Чарлс измешал прсти во поврзувањето на Хари и Вилијам по погребот на нивниот дедо принцот Филип. Дики Арбитер, поранешниот службеник за односи со јавноста на Кралицата, изјави во емисијата „Добро утро Велика Британија“ дека Чарлс најверојатно сакал неговите синови да го искористат токму тоа време за да го „скршат мразот“. - Веројатно Чарлс нареди да не ги чекаат автомобили за да може сите заедно да одат од капелата Свети Џорџ до замокот, рече Арбитер. - Би бил многу изненаден ако браќата не го искористеа тоа време да разговараат, додаде Арбитер. За време на погребот, Вилијам и Хари одеа покрај ковчегот на нивниот дедо, но одделно. Меѓу нив беше и братучедот Питер Филипс. Сепак, по погребот, тие биле снимени како заедно шетаат и разговараат. Откако фотографиите и снимките од состаноците и разговорите ги преплавија социјалните мрежи, многумина забележаа интересен детал поврзан со Кејт Мидлтон што ги тера сега да мислат дека Кејт била миротворец таму. Имено, Кејт, Вилијам и Хари заедно се упатиле од капелата Св. Џорџ, но во еден момент Кејт заостана зад нив и ги остави браќата да зборуваат сами. Многумина денес тврдат дека таа го сторила тоа намерно за да ги остави да бидат сами и да разговараат по долго време на разделба.

Принцот Чарлс стана моден дизајнер (ФОТО+ВИДЕО)

Магдалена Андонова — Sun, 15 Nov 2020 21:15:55 +0000

Британскиот престолонаследник, принцот Чарлс, повеќепати беше прогласуван за најдобро облечен маж на светот од машките магазини, а сега ја претстави и својата линија облека. Колекцијата Modern Artisan е составена од 18 луксузни парчиња облека – десет женски и осум машки, изработени од најквалитетни природни материјали и според принципите на одржливост што ги застапува принцот во сите области од животот. - Претпочитам да ги поправам и преработувам, наместо да фрлам работи од плакарот, истакна тој. Палта, јакни, кошули и панталони се составен дел од проектот финансиран од Фондацијата на принцот. Облеката со потпис на британскиот принц ќе се продава преку нивната интернет-страница. Целта за оваа долгорочна соработка, меѓу другото, е зајакнување на традиционалните вештини во производството на облека во Велика Британија и во Италија. Целиот приход ќе се вложи во програми за курсеви по текстил за млади луѓе преку Фондацијата на принцот. Извор: Кајгана