принц Џорџ – Kurir.mk

Принцот Џорџ ја прекинува традицијата на кралското семејство која трае повеќе од 100 години

Ивона Петрова — Fri, 21 Jul 2023 07:44:08 +0000

Кејт Мидлтон и принцот Вилијам постојано истакнуваа дека сакаат нивните деца да растат како своите врсници. Со новата одлука повторно покажуваат дека сакаат нивните деца да имаат што е можно понормално детство. Имено, нивниот најстар син, принцот Џорџ, оваа сабота го слави својот десетти роденден. Во британското кралско семејство во тие години има и некои службени обврски кои треба да ги извршува секој член на семејството. На пример, на десетгодишна возраст, децата на кралското семејство мора да прифатат обврски во воениот рок, а со текот на времето и да служат воен рок. Воениот рок за членовите на семејството порано беше задолжителен, но не и за Џорџ На Џорџ, кој е втор во редот за тронот, ќе му биде дозволено да ја избегне традицијата која трае повеќе од сто години. Неговиот татко, чичко, дедо, прабаба и прадедо служеле војска, но тој не мора да ја продолжи таа традиција, пишува Дејли Мејл. -Традицијата на приклучување на кралското семејство во вооружените сили, дури и на кратки периоди, дава клучен легитимитет на монархијата, вели историчарот Доминик Сендбрук. Тој додава дека „теоретски, ништо не го спречува Џорџ да продолжи со кариера како астронаут, на пример, ако тоа е она што тој го сака, а потоа подоцна да стане крал“. -Правилата се поинакви сега и тој не мора нужно да ја следи формулата да оди во војска, вели Сендбрук. Кејт и Вилијам се решени да им овозможат на своите деца Шарлот, Џорџ и Луис што е можно понормално детство, кое вклучува слобода да ги следат своите интереси. Инаку, принцот Вилијам беше во вооружените сили повеќе од седум години, а Хари дури служеше во Авганистан во воената зона.

ФОТО: Кејт и Вилијам објавија фотографија, Џорџ денес слави роденден

Ивона Петрова — Thu, 22 Jul 2021 08:50:01 +0000

Принцот Џорџ денеска го прославува осмиот роденден, а неговите родители принцот Вилијам и Кејт Мидлтон објавија роденденска фотографија на официјалниот Инстаграм профил. Третиот наследник во редот за британскиот трон се смее додека седи покрај автомобил, а полето зад него е полно со жолти цвеќиња. Фотографијата е слика од Кејт Мидлтон на почеток од месецов, а на Инстаграм има над 1 милион лајкови.

ФОТО: Кралска поддршка за „Гордиот албион“ – Вилијам, Кејт и синот Џорџ навиваа на Вембли

Ивона Петрова — Wed, 30 Jun 2021 07:33:48 +0000

Натпреварот меѓу селекциите на Англија и Германија во осминафиналето се одигра пред лондонски Вембли, а на трибините присутни беа и познати лица. Ед Ширан и Дејвид Бекам им се придружија на војводата и војвотката од Кембриџ, принцот Вилијам и Кејт Мидлтон, а со нив на трибините беше и седумгодишниот нивен син, принцот Џорџ. Фудбалерите на Англија се пласираа во четвртфиналето со победа од 2:0 пред 40 илјадната публика. Вилијам и Џорџ натпреварот го следеа облечени во костум со вратоврска, додека за оваа прилика Кејт облече совршено црвено сако, бела маица и темни панталони.

ФОТО: Принцот Џорџ наполни 7 години, ова се сликите кои ги објави Кејт Мидлтон

Ивона Петрова — Thu, 23 Jul 2020 09:27:10 +0000

Војводата и војвотката од Кембриџ објавиле две нови фотографии од принцот Џорџ, а со цел одбележување на неговиот седми роденден. Фотографиите, се објавени во пресрет на неговиот родендено кој беше вчера на 22 јули, а направени се од неговата мајка, Кејт Мидлтон. -Војводата и војвотката од Кембриџ се пресреќни што можат да споделат две нови фотографии од принцот Џорџ пред неговиот седми роденден, се наведува во соопштението.

Принцот Џорџ наполни 7 години и сега е јасно: На кој маж личи престолонаследникот, а да не е татко му Вилијам?

Магдалена Андонова — Wed, 22 Jul 2020 14:09:08 +0000

Принцот Џорџ наполни седум години и по тој повод неговата мајка, војвотката од Кембриџ, обја сет од негови фотографии, кои поттикнаа лавина од коментари: на кого личи идниот британски престолоналседник? Иако повеќето веднаш ќе одговорат дека личи на својот татко, принцот Вилијам, сепак, оние со малку поостро око ќе се согласат дека станува збор за друг машки член на семејството – братот на војвотката, Џејмс Мидлтон. Не верувате? Погледнете сами:

View this post on Instagram

Thank you everyone for your very kind wishes on Prince George’s birthday today! ? ?

A post shared by Duke and Duchess of Cambridge (@kensingtonroyal) on Jul 22, 2020 at 1:59am PDT

ФОТО: Принцот Џорџ го прославува 6 роденден, објавени нови фотографии

Ивона Петрова — Mon, 22 Jul 2019 09:50:56 +0000

Кенсингтонската палата објави три нови фотографии од принцот Џорџ кој денес го прославува шестиот роденден. Фотографиите се снимени во дворот на палатата од неговата мајка, војвотката Кејт Мидлтон, по што се објавени на официјалните Твитер профил на палатата. -Среќен роденден, одличен избор на маица, напишаа од фудбалската репрезентација на Англија.

Британија осуди на доживотен затвор маж кој поттикнувал напад врз принцот Џорџ

Ивана Ефремовски — Sat, 14 Jul 2018 07:03:54 +0000

Британец, кој на исламски милитанти им предлагал напад врз четиригодишниот принц Џорџ, кој е во позиција некогаш да стане крал на Британија, е осуден на доживотен затвор. Хуснаин Рашид (32) од градот Нелсон, северозападна Англија, ќе мора да одлежи најмалку 24 години. Тој објавувал информации преку апликацијата „Телеграм“ со кои ги охрабрувал џихадистите да извршат напади низ целиот свет, како и податоци за можни цели. Според обвинителството, тоа вклучувало објавување на фотографија на принцот Џорџ до силуети на двајца џихадистички борци. Принцот Џорџ е син на принцот Вилијам, внук на британската кралица Елизабета Втора, и е трет во линијата за наследство на престолот. Во објавата била напишина адресата на неговото училиште во Лондон, во кое тој почна да оди во септември минатата година и имало натпис „дури ни кралското семејство нема да биде оставено на мира". Рашид првично ги негираше обвинувањата, но на судењето се изјасни за виновен за четири точки од обвинението за тероризам. (МИА)