Во последните часови САМО ТОЈ не бил до Елизабета: За третиот син на кралицата принцот Ендру никогаш не се зборува, а еве и зошто

Дарко Андоновски — Mon, 12 Sep 2022 07:38:08 +0000

И покрај фактот дека кралицата Елизабета Втора имала четири деца, принцот Ендру не бил со својата мајка во последните часови. Зошто е така? Кога властите известија дека кралицата Елизабета е во критична состојба, внатрешниот круг на семејството побрза во Балморал каде што беше кралицата. Кралот Чарлс е со својата мајка со денови, како и принцезата Ана. Принцот Вилијам пристигнал на време да се поздрави со кралицата, додека Кејт Мидлтон се качила во автомобилот и отишла да ги земе децата на училиште, пренесува Стил. Принцот Хари тргнал кон резиденцијата на кралицата, но не стигнал на време да се поздрави со својата баба. Но, што се случи со принцот Ендрју? 61-годишниот војвода од Јорк е трет син на кралицата и деветти во редот за тронот, а зад него стојат неколку скандали. Синот на кралицата Елизабета II неодамна беше обвинет за сексуална злоупотреба, а по многу шпекулации за тоа како ќе реагира круната, беше донесена одлука – кралицата одзеде се што му беше загарантирано со раѓањето. Американката Вирџинија Робертс Џуфре го тужеше принцот Ендру, во Њујорк, а во својата тужба тврди дека била принудена да има секс со принцот кога имала 17 години. Дел од злоупотребата вклучувало и нејзино предавање на други моќни луѓе – вклучувајќи го и принцот Ендру, тврди таа. Вирџинија Џуфре вели дека војводата сексуално ја нападнал во три наврати кога имала под 18 години. Принцот Ендрју постојано ги негираше сите обвинувања. Во интервју за BBC Newsnight во 2019 година, тој рече дека не се сеќава дека некогаш ја сретнал Вирџинија Џуфре.

Принцот Едвард откри: Смртта на мојот татко остави голема празнина во животот на кралицата Елизабета

Магдалена Андонова — Sun, 11 Apr 2021 15:25:45 +0000

Принцот Едвард денеска откри дека британската кралица Елизабета Втора изјавила дека смртта на нејзиниот сопруг Филип оставила „голема празнина во нејзиниот живот“, јави Скај Њуз. Војводата од Јорк процени дека неговиот татко „секогаш мислел повеќе на другите отколку на себе“ и бројните успеси ги нарече „фантастични“. Членовите на кралското семејство присуствуваа на церемонија во Кралската капела во паркот Виндзор. - Смртта на татко ми беше голем шок. Колку и да се подготвувате за најлошото, сепак сте погодени од ужасен шок. Ние се уште се обидуваме да се освестиме, и тоа е многу, многу тажно, нагласи принцот Едвард. Денеска беа одржани служби низ цела Британија во чест на покојниот принц Филип, а архиепископот од Кантербери се молеше за оние кои сметаат дека смртта оставила многу голема празнина во нивните животи. За време на третиот од осумте денови национална жалост, луѓето се собраа на кралските места каде што оставија цвеќе, додека верските и политичките лидери изразија поддршка на 94-годишната кралица. - Можеме да се молиме и да им дадеме љубов на сите што веруваат дека големиот живот остава голема празнина, рече архиепископот од Кантербери Џастин Велби. Филип, војводата од Единбург, почина во петокот на 99-годишна возраст. Бакингемската палата вчера објави дека погребот ќе се одржи в сабота, на 17 април. Принцот ќе има свечен кралски погреб, а не државен погреб, во кругот на замокот Виндзор и на кој ќе присуствуваат 30 лица.(МИА)

принц едвард – Kurir.mk

Во последните часови САМО ТОЈ не бил до Елизабета: За третиот син на кралицата принцот Ендру никогаш не се зборува, а еве и зошто

Принцот Едвард откри: Смртта на мојот татко остави голема празнина во животот на кралицата Елизабета