принц – Kurir.mk

Одмазда од палатата? Еве каде ќе седи Хари за време на крунисувањето на Чарлс

Ристе Здравков — Mon, 24 Apr 2023 09:32:11 +0000

Големо внимание предизвика веста дека принцот Хари добил покана за крунисувањето на својот татко Чарлс, а иако некои мислеа дека принцот конечно ќе се смири со семејството, се чини дека ништо од тоа нема да се случи со оглед на понижувањето кое го очекува. Хари ќе седи 10 редови зад другите високи членови на кралското семејство на крунисувањето на Чарлс Трети и Камила на 6 мај во Вестминстерската опатија во Лондон, изјави извор близок до палатата. Поранешниот батлер Пол Бурел верува дека војводата од Сасекс ќе има малку време да разговара со кралот или со неговиот брат принцот од Велс за време на неговиот престој во Британија. Тој додаде дека нема шанси Хари да се смири со дворот откако на почетокот на оваа година беа објавени неговите мемоари „Spare“ во кои тој презентираше низа обвинувања и негативни приказни за семејството, пишува „Сан“. Распоредот на седиштата е во согласност со функциите кои ги извршуваат вработените членови на семејството. Хари и Меган се откажаа од своите должности и привилегии со тоа што решија да се повлечат како високи членови на дворот. Сепак, познато е и дека Чарлс Трети во последните месеци често ги прекршуваше протоколите и традицијата. Зарем не можеше да направи отстапка за својот син? Можеби позицијата на Хари е индиректна порака и одговор на сето она што досега го кажал за најблиските во Британија. Дури и да не е така, во палатата секако се свесни дека многумина ќе мислат така.

Смртта на кралицата го направи принцот Вилијам милијардер

Ристе Здравков — Mon, 12 Sep 2022 19:15:11 +0000

Според „Дејли Мејл“ богатството на синот на новиот крал Чарлс Трети, претходно проценето на 34 милиони фунти (околу 40 милиони долари), пораснало на 1,1 милијарда фунти (1,3 милијарди долари) откако ја доби новата титула, како имотот што му следува со тоа. Наследникот на британскиот трон принцот Вилијам стана милијардер веднаш по смртта на кралицата Елизабета Втора, со добивањето на титулата принц од Велс, објави „Дејли стар“. Според весникот, богатството на синот на новиот крал Чарлс Трети, претходно проценето на 34 милиони фунти (околу 40 милиони долари), пораснало на 1,1 милијарда фунти (1,3 милијарди долари) откако ја доби новата титула, како имотот што му следува со тоа. Според написот, покрај претходните титули на војводата и војвотката од Кембриџ, принцот Вилијам и неговата сопруга Кејт Мидлтон стануваат војвода и војвотка од Корнвол и принц и принцеза од Велс. Титулата принцеза од Велс не ја носеше никој по смртта на принцезата Дијана во 1997 година. Според таблоидот, тоа значи дека двојката сега поседува речиси 52 000 хектари земја во Англија и Велс. Традицијата на британската монархија предвидува титулата принц од Велс да ја носи престолонаследникот. Кога најстариот син на кралицата, принцот Чарлс, се искачи на тронот по смртта на неговата мајка како Чарлс Трети, тој му ја даде на Вилијам титулата принц од Велс. Монархот, исто така, истакна дека принцот Вилијам ќе ги преземе шкотските титули, вклучувајќи ја и титулата војвода од Ротези, како и титулата војвода од Корнвол, која новиот крал ја има повеќе од пет децении.

Оваа фатална Украинка е најскапа љубовница во светот – ужива во луксузот на принцот, а кога ќе прочитате колку заработува дневно ќе се онесвестите

Дарко Андоновски — Fri, 06 May 2022 15:24:52 +0000

Украинската манекенка Јана Орфева стана интернет сензација бидејќи е љубовница на саудискиот принц, а поради тоа секојдневно на нејзината сметка легнува голема сума на пари. Таа последните две години живее на овој начин, па така дневно заработува 4.700 евра, а мултимилионерот и подарува и скапоцени автомобили и луксузни патувања.

View this post on Instagram

A post shared by @yana.orfeeva

Сепак, Јана не патува секогаш сама, а кога ја придружува принцот таа добива и скапи подароци, а една фотографија е доказ дека принцот и подарил и прстен специјално направен за неа во вредност од 200 илјади евра, што како што пренесуваат странските медиуми за неа е ситница.

View this post on Instagram

A post shared by @yana.orfeeva

Инаку таа на Инстаграм е вистинска сензација, ја следат околу 166 илјади луѓе, а секојдневно објавува и како го живее луксузниот живот, но го објавува и своето секси тело и витка фигура со која го освоила и принцот.

View this post on Instagram

A post shared by @yana.orfeeva

Полициска истрага против принцот Чарлс, се сомничи за донации од саудиски милијардер

Тале Кристо — Wed, 16 Feb 2022 14:12:29 +0000

Британската полиција започна истрага за наводите дека добротворната организација на принцот од Чарлс го прекршила Законот за чест и примила донации со цел да се обезбедат почести и државјанство за саудиски милијардер. -Одлуката уследи по проценката на писмото од септември 2021 година и медиумските извештаи во кои се наведува дека на организацијата и биле дадени донации со цел да се обезбедат почести и државјанство за саудиски државјанин, соопшти полицијата. Од полицијата додаваат дека извесно е дека ќе се спроведе подетална истрага, но дека досега никој не е уапсен ниту сослушан во врска со обвинувањата. Претходно медиумите во Британија пишуваа дека фондацијата на принцот Чарлс во моментоц е под истрага бидејќи неговиот главен помошник Мајкл Фосет (58) е обвинет дека на Махфуз Мареи Мубарак бин Махфуз му понудил титула витез, во замена за добротворни донации. Принцот Хари, исто така, се сретнал како милијардер во паб во Челзи во Западен Лондон, а еден саудиски милијардер претходно донирал 50.000 фунти во добротворната организација на принцот Хари. Меѓутоа, војводата од Сасекс неодамна ги прекина сите врски со Бин Махфуз бидејќи то, како што изјавии, бил „длабоко загрижен за намерите на саудјскиот донатор“.

ВИДЕО: Њукасл со гол по само ДВЕ минути му посака добредојде на принцот!

Ристе Здравков — Sun, 17 Oct 2021 17:20:48 +0000

Фудбалерите на Њукасл со гол по само две минути игра му посакаа добредојде на новиот газда на клубот. Пред неколку седмици саудискиот принц Мохамед Бин Салман го купи култниот клуб од северна Англија. На натпреварот на „Сент Џејмс Парк“ „страчките“ експресно ја затресоа мрежата на Тотенхем, откако летното засилување, Калум Вилсон, на асистенција на Манкиљо, го совлада Лорис и донесе голема радост на трибините. Голот на Вилсон против Тотенхем:

Инаку, саудискиот принц го купи Њукасл за 300 милиони фунти од претходниот сопственик Мајк Ешли.

Арчи не е единствен во кралското семејство без титула

Ивона Петрова — Thu, 11 Mar 2021 09:39:53 +0000

Контроверзните изјави на војводата и војвотката од Сасекс во интервјуто кај Опра Винфри, во коешто Меган Маркл ги посочи проблемите со кои се справувала за време на престојот во британската палата Кенсингтон, фрлаат ново светло врз неа самата, пишува „Хола“. Поранешната глумица зборуваше и за Арчи, кој во мај ќе наполни две години. Таа вели, ѝ било кажано дека детето нема да добие титула, а тоа значи – ни соодветна обезбеденост. Таа, исто така, рече дека одлуката за одрекување од титулата на Арчи не ја донеле тие, туку Кралскиот дворец. Британската Монархија е управувана од Кралскиот едикт издаден од Џорџ Петти во 1917 година со којшто им се припишуваат титули на новите членови на семејството. Според овој документ, само децата и внуците на крал или кралица автоматски ја добиваат титулата принц и принцеза, но и оние од највозрасниот потомок на принцот од Велс (првиот престолонаследник). Таков е случајот со децата на најстариот син на принцот Чарлс – војводата од Кембриџ, Вилијам, а тие се – принцот Џорџ, принцезата Шарлот и принцот Луис. Останатите внуци на престолонаследникот, кои потекнуваат од машката линија на наследство, ќе уживаат во категоријата деца на војвода или војвотка. Арчи Маунтбатн-Виндзор е правнук на кралицата Елизабета Втора и седми по ред за наследување на тронот, но следејќи ги законите на Џорџ Петти, тој не може да се квалификува во категоријата принц затоа што не е потомок на најстариот син на првиот наследник. Откако Чарлс ќе седне на престолот, Арчи може да биде принц, оти во тој случај е директен внук на кралот. Сепак, протоколите може и да се променат, како што беа информирани војводите, од желбата на Чарлс за намалена монархија. Но, ова не е единствениот случај кога член на семејството Виндзор не поседува титула. Децата на принцезата Ана, Зара Тиндал и Питер Филипс, исто така, немаат титула принц. Нешто поинаков е случајот со грофовите на Весекс, Едвард (четвртиот и последен син на кралицата) и неговата сопруга Софија. Кога парот се венчал 1999 година, кралската Бакингемска палата одлучила да му додели на Едвард округот Весекс, а не на Војводството, но и дека може да ја добие титулата војвода од Единбург, по нејзиното ослободување. Поради оваа причина, неговите две деца, лејди Луиз Виндзор (17) и Џејмс, виконт Северн (13), имаат титула деца на грофови и не ја користат титулата принц или принцеза. Случај сличен на оној на Арчи би бил Огист Филип, потомок на принцезата Јуџини и Џек Бруксбанк, чиј син е рангиран на 11-то место за наследување на престолот. Тој во мигов нема никаква кралска титула затоа што е правнук, а не внук на монархот. Војводата и војвотката од Сасекс во интервју за Опра објавија дека второто дете кое го очекуваат е девојче и дека ќе се роди летово. Среде своите, според весникот – противречни изјави, Меган Маркл тврди дека кралското семејство било многу загрижено за бојата на кожата што ќе ја има Арчи и дека нема да му обезбедат заштита како на другите членови на Кралскиот дворец. Сепак, има слични случаи во институцијата, како што се принцезата Јуџини и Беатрис де Јорк, кои во мигов немаат обезбедување платено од даночните обврзници. Овој договор е склучен меѓу семејството, Министерството за внатрешни работи и полицијата во главниот град, бидејќи пошироките членови на Кралската куќа немаат автоматско право на полициска заштита.

Принцот Вилијам првпат се огласи по одлуката на Хари и Меган да се повлечат од кралските должности: „Не можам повеќе да го поддржувам“

Тале Кристо — Sun, 12 Jan 2020 11:34:29 +0000

Цел живот го поддржував брат ми, но повеќе не можам, изјави принцот Вилијам откако Меган Маркл и принцот Хари донесоа одлука да се повлечат од кралските должности. Тој изјави дека е тажен поради одлуката на принцот Хари да се повлече од кралското семејство. -Цел живот сум тука за него, го заштитувам, но веќе не можам. Ние сега сме два различни света и сè што можам да направам е да го поддржам во она што го прави и да верувам дека еден ден повторно ќе бидеме на истата страна, во истиот тим“, изјавил принцот, а изјавата ја пренеле „Сандеј тајмс“, повикувајќи се на извор близок до кралското семејство. Кралицата Елизабета за утре го повика својот внук, принцот Хари, на „кризен состанок“ , за да разговара за идните аранжмани за него и неговата сопруга Меган, откако одеднаш, без никаква најава, двојката соопшти дека сакаат да се повлечат од кралските должности. Таткото на Хари, принцот престолонаследник Чарлс, и неговиот брат, принцот Вилијам, исто така, ќе присуствуваат на состанокот, што ќе се одржи утре на имот на кралицата Сандрингам во Нортфолк, на истокот од Англија, изјави извор од Бакингемската палата.

Не е лажна вест: „Принцот“ Чернетиќ на Заев му дал безусловна поддршка од „империјалното кралско семејство“

Љупчо Цветаноски — Thu, 09 Jan 2020 13:38:25 +0000

Лажниот принц Стефан Чернетиќ му даде вистинска поддршка на екс премиерот Зоран Заев. Истиот тој Чернетиќ беше дел од аферата кога Заев го прими лажниот принц и се сликаше со него и прими медал од него во просториите на Владата. Ова беше еден од најсилните гафови на Заевиот протокол, заедно со знамињата на Австрија, Порошенко, Столтенберг, знамето на Црна Гора итн. – Денеска Зоран Заев поднесе оставка како премиер на Македонија. Империјалното и кралското семејство на Црна Гора и Македонија посакуваат да му се заблагодарат за пријателството и љубезноста на официјалниот пречек на принцот Стефан, принцезата Харула и принцот Константин официјално во Скопје во септември 2018 година. Во таа прилика, премиерот Заев беше одликуван со Најт Гранд крст и Цариградски орден на Свети Ѓорѓи од неговото Царско кралско височество. Му посакуваме се најдобро во неговите идни политички активности!- се вели во објавата на Фејсбук од лажниот принц. Како што објавивме тогаш во 2018 година лажниот принц на официјална средба во Владата го одликува Заев од која ги објавуваме фотографиите, како и последниот пост од Чернетиќ. Инаку, за Стефан Чернетиќ беше издадена потерница од италијанската полиција за лажно претставување како принц од Црна Гора и Македонија. Ова тој наводно го правел, за да се стекне со финансиска корист. Има одликувано многу јавни личности, помеѓу кои и Памела Андерсон. Чернетиќ и’ подарил титула и на поранешната македонска мисица, Дунавка Трифуновска. Тој ја прогласил Дунавка за дама од висок ранг на сребрениот медал на Св. Ѓоргија“, или на англиски, „Dame of the Silver Medal of Saint George“.

Ердоган: Трпеливо чекаме објаснување од принцот

Дарко Андоновски — Tue, 13 Nov 2018 09:51:16 +0000

Претседателот на Турција Реџеп Тајип Ердоган изјави дека трпеливо чека објаснување од саудискиот принц Мохамед Бин Салман за убиството на новинарот Џамал Кашоги. Ердоган рече дека снимката од убиството која Турција го сподели со други држави е толку ужасна што еден саудиски разузнавач кој ја преслушал снимката смета дека убиецот бил под дејство на хероин. Турскиот претседател вели дека саудискиот принц ги уверил дека ќе го расветли убиството и ќе го направи она што е неопходно. Кашоги влезе во Конзулатот на Саудиска Арабија во Истанбул на 2 октомври и оттаму никогша не излезе. По повеќедневни притисоци официјален Ријд им дозволи на турские истражни тимови да влезат во зградата на Конзулатот. Откако стана јасно дека дописникот на „Вашингтон пост“ со саудиско потекло веќе не е жив, Ријад призна дека Кашоги е мртов и оти тоа се случило при несреќни околности при испитувањето во Конзулатот. Ријад наводно не знаел за акцијата на специјалците кои со намера да го натераат Кашоги да се врати во Саудиска Арабија дошле во Турција на денот кога тој бил во Конзулатот, а истата вечер го напуштиле Истанбул.

Саудиски принц: Го сакам Трамп, им плативме на САД за оружјето

Ристе Здравков — Sat, 06 Oct 2018 08:47:36 +0000

Саудискиот престолонаследник Мухамед бин Салман ги отфрли тврдењата на американскиот претседател Доналд Трамп, кој рече дека го предупредил саудискиот крал дека нема да опстане на власт ниту две недели без поддршка на американската армија, и побара Ријад во целост да го плати долгот. - Сакам да работам со него. Знаете, морате да прифатите дека секој пријател ќе каже и добри и лоши работи, рече саудискиот престолонаследник во интервју за „Блумберг“. Тој додаде дека Саудиска Арабија верува оти целото оружје кое го добила од САД е платено, истакнувајќи дека не станува збор за бесплатно оружје. Мухамед бин Салман нагласи дека откако Саудиска Арабија и САД вопоставиле односи, Ријад „се купувал со пари“. Трамп пред неколку дена рече дека саудискиот крал можеби нема да биде на власт ниту две недели без американска поддршка, со што го зголеми притисокот врз еден од своите најблиски арапски сојузници да прекине со зголемување на цената на нафтата и да плати за воена заштита.