принцеза дајана – Kurir.mk

Откако му дијагностицирале рак, поранешниот батлер на принцезата Дајана сака да зборува со Хари и Вилијам: Мора да знаат…

Ивона Петрова — Tue, 28 Feb 2023 13:04:04 +0000

Поранешниот батлер на принцезата Дајана, Пол Бурел, откри дека сака да разговара со нејзините синови, принцовите Хари и Вилијам. Минатиот месец открил дека има рак на простата, па решил дека е време да разговара со синовите на Дајана за да им каже се што знае за нивната мајка. - Знам дека дел од тоа не е убаво, но ако го напуштам ова место и отидам на друго место, никогаш нема да дознаат. Мислам дека треба да знаат. Мојата болест го фокусираше моето внимание да им кажам на момчињата работи пред да биде предоцна, кажувајќи им што навистина требаше да знаат. Мислам дека Дајана би ми рекла: Пол, ова мора да ти биде приоритет. Мора да ги посетите моите момчиња, рекол Пол, пренесува Мирор. Пол бил многу близок со Дајана и многу време поминувале заедно. Претходно се опиша себеси како најдобар пријател на Дајана и тврдеше дека тој е единствениот маж на кој му верувала. - Поминав многу часови со Дајана, во нејзините најсреќни и најмрачни времиња. Таа ми се довери и има многу работи за кои никогаш не сум зборувал, но чувствувам дека сега е вистинското време. Мислам дека тоа што имам да го кажам може да ги зближи повторно нејзините синови, што Дајана очајно би го сакала. Само ќе им ја кажам вистината, тоа е се. Не барам ништо за возврат, рече Пол. Пол мисли дека она што ќе им го каже би можело повторно да ги спои. - Зарем не би било прекрасно да се видат како принцовите работат на нивната врска и да се вратат таму каде што треба да бидат? Јавноста би го сакала тоа. Би сакал да го видам Вилијам како го прегрнува својот брат, но мислам дека нема да го видиме тоа бидејќи има премногу пречки на патот, рече Бурел. - Има работи што се случиле во светот на нивната мајка за кои можеби не знаат. И мислам дека тоа може да пополни некои празнини. Ако некогаш седнеме, би му рекол на Вилијам: Ова е внатре во овие ѕидови и никогаш нема да излезе, изјавил поранешниот батлер на принцезата Дајана.

ФОТО: Во жестоко наддавање, фустан на принцезата Дајана продаден за над 600.000 долари

Ивона Петрова — Wed, 01 Feb 2023 10:16:57 +0000

Виолетовиот фустан што го носеше принцезата Дајана е продаден за 604.800 долари по „жестоко наддавање“, објави аукциската куќа Сотби на Твитер. - Фустан на принцезата Дијана на дизајнерот Виктор Еделштајн достигна цена од 604.000 долари, скоро 500.000 долари над проценката - по повеќе круга жестоко наддавање во аукциската соба, беше објавено на Твитер. Сотби нагласи дека фустанот „ја запечатил неговата судбина како највредниот фустан некогаш продаден на аукција“.

#AuctionUpdate: Sold! Princess Diana's iconic Ball Dress by Victor Edelstein achieves over $604K— nearly $500K over its high estimate— after rounds of fierce bidding in the #SothebysNewYork auction room. pic.twitter.com/ilSJYV4uTQ
— Sotheby's (@Sothebys) January 27, 2023

Проценет во Сотби помеѓу 80.000 и 120.000 долари, тој беше дел од колекцијата од 80 фустани на принцезата Дајана кои беа продадени на аукција во 1997 година за добротворни цели. Принцезата Дајана го носеше фустанот додека позираше за официјален кралски портрет во 1991 година, како и за интервју за „Venity Fair“ во 1997 година, непосредно пред нејзината смрт.

On 27th of January, the iconic, aubergine-coloured dress of Princess Diana, first worn in 1991 for a portrait, was sold at an auction for $604800 #History #RoyalFamily #Royals #Archwell #WilliamAndKate #Queenconsort #BritishEmpire #PrinceHarryIsRight pic.twitter.com/rilWpOC8gh
— Patrick the royal history nerd (@patrick19980720) January 28, 2023

Принцезата Дајана ова никогаш не му го простила: Тоа што го направил принцот Чарлс на нивниот меден месец засекогаш го уништил нивниот однос

Дарко Андоновски — Sat, 10 Sep 2022 20:42:32 +0000

И по 25 години од нејзината смрт, нејзината судбина продолжува да ја интригира јавноста, а постојано се шпекулира за деталите кои го одбележаа нејзиниот живот. Принцезата Дијана ја обожаваа сите. Важеше за храбра жена која не ги почитуваше општествените норми, беше поинаква, сите ја сакаа и им даваше голема љубов не само на синовите што ги доби со принцот Чарлс, туку и на сите луѓе кои и се восхитуваа. Меѓутоа, судејќи по тоа што се случило на почетокот на бракот со неа и Чарлс, тој во тоа време веќе бил осуден на пропаст, а се верува дека причина за тоа е принцезата Камила. Принцезата Дијана и принцот Чарлс се венчаа на 29 јули 1981 година, но свадбата како од бајките се претвори во кошмар. Срцето на Камила Паркер која беше во брак со Ендрју Паркер му припаѓаше само на принцот Чарлс и тоа беше јавна тајна. Дека ова тврдење е точно може да се заклучи и од писмото од принцот Чарлс испратено до Лорд Маунтбатен за Камила: – Претпоставувам дека чувството на празнина ќе помине еден ден. Тоа го почувствувала и Лејди Ди на нејзиниот меден месец кога пронашла фотографија од Камила со принцот Чарлс. После тоа се скарале, а тој безуспешно се обидел да го оправда овој потег. Таа се скршила, но му простила и решила да остане со него. Со текот на годините нивната врска се влошувала, а во моментот кога таа го родила нивниот втор син, настанале уште поголеми несогласувања. „Тој е момче, па дури има и црвена коса“, рекол Чарлс кога го видел вториот наследник и отишол да игра поло. Дијана била скршена од таквото однесување. Сепак, и денес по смртта на Дијана, принцот Чарлс е во брак со својата прва љубов Камила.

Изложба посветена на принцезата Дaјана во Лас Вегас

Ивона Петрова — Fri, 02 Sep 2022 09:22:30 +0000

Нова изложба посветена на животот на покојната британска принцеза Дaјана се отвора денеска во Лас Вегас, САД, неколку дена по 25-годишнината од нејзината смрт во сообраќајната несреќа во Париз, Франција. „Принцезата Дaјана: Изложба со посвета“ содржи повеќе од 700 оригинални лични предмети на принцезата, вклучувајќи вечерни тоалети и други артефакти. Една од главните атракции е репликата на венчаницата на Дијана направена од белгиската уметница Изабел де Боршграв. Дејвид Корели, куратор и одговорен за изложбата, рече дека просторот за венчавки на изложбата ги инспирирал креаторите да им нудат на гостите пакети за нивните сопствени свадби во просторијата „Свадбата на векот“, што ќе ја вклучува целата церемонија и приватна вечера – меѓу кралските сувенири… „Лас Вегас е главен град на свадбите во светот. Секоја година во градот се одржуваат 120.000 венчавки. Така, тука ја имаме оваа одлична соба што ја слави најпознатата венчавка на сите времиња, со неверојатните артефакти коишто ве опкружуваат“, рече Корели. Изложбата не ја претставува само принцезата Дaјана. Изложени се и предмети поврзани со принцот Чарлс, принцовите Вилијам и Хари, а има и предмети поврзани со кралицата Викторија од 19. век.

Таа е копија на својата тетка – очите на целиот свет денес се вперени во внуката на принцезата Дајана која порасна во вистинска убавица (ФОТО)

Дарко Андоновски — Wed, 31 Aug 2022 12:24:13 +0000

Внуката на принцезата Дајана, Кити Спенсер денеска е во центарот на вниманието поради тоа што медиумите очекуваат таа да објави фотографија со која ќе се потсети на најтажниот ден во нејзиниот живот, но и во светот.

View this post on Instagram

A post shared by Kitty Spencer (@kitty.spencer)

Имено иако речиси сите светски медиуми секоја година очекуваат таа да сподели фотографија со која ќе се потсети на својата тетка, таа иако има се уште болка во своето срце, такво нешто не објавува од година во година.

View this post on Instagram

A post shared by Kitty Spencer (@kitty.spencer)

Таа е заштитно лице на „Долче и Габана“, а на најезиниот профил на Инстаграм каде ја следат близу еден милион следбеници се почесто објавува фотографии поврзани со брендот, но не и со приватниот живот.

View this post on Instagram

A post shared by Kitty Spencer (@kitty.spencer)

Инаку таа минатата година правеше и гламурозна свадба во Рим, а нејзиниот кралски фустан уште еднаш потсети колку си наликуваат со тетка и

View this post on Instagram

A post shared by Kitty Spencer (@kitty.spencer)

ДЕНОТ КОГА СВЕТОТ ПЛАЧЕШЕ: 25 години од смртта на принцезата Дајана

Ивона Петрова — Wed, 31 Aug 2022 08:57:50 +0000

Британската принцеза Дајана, поранешната сопруга на британскиот престолонаследник принцот Чарлс, загина на 31 август 1997 година, во сообраќајна несреќа во тунелот Понт де ал Алма во Париз. Со неа беа и Доди Ал-Фајед и менаџерот за безбедност на хотелот Риц-Париз, Анри Пол, кој возел изнајмен „мерцедес-бенц“. По нив возеле папараци кога нивниот автомобил удрил во столб во тунелот. Ниту еден од четворицата патници во автомобилот не носел појас. Принцезата Дијана во тоа време беше најпопуларната жена во светот, а нејзините приватни фотографии вредеа милиони. Затоа папараците не сакаа да ја остават на мир дури и кога лежела мртва во болницата во Париз, тврди нејзиниот личен возач Колин Тебут, кој пред три години првпат проговори за трауматските настани во Париз. Тестовите покажале дека Хенри Пол бил под дејство на алкохол додека возел и имал три пати повеќе алкохол во крвта од дозволеното. За да ги избегне папараците возел со голема брзина. Таа ноќ Дајана починала од добиените повреди во сообраќајна несреќа. Многумина сè уште веруваат дека била убиена. Една од теоорите е дека непосредно пред нејзината трагична смрт Дајана му напишала писмо на својот батлер Пол Бурел дека ќе биде убиена во сообраќајка. Таа пред несреќата неофицијално го промовирала Пол од батлер во нејзин доверник и пријател. Бурел во својата книга, Royal Duty, пишува дека Дајана му рекла дека ќе го напише ова писмо, наведувајќи: „Ќе му ставам датум и сакам да го задржиш. За секој случај“. Таа го ставила писмото во плик. Пол го чувал пликот, во кое стоело името на човекот кој планирал да ја убие. „Мирор“ објави дел од писмото, но, плашејќи се од тужби, името на убиецот не било објавено во јавноста. „Седам на моето биро, копнеејќи некој да ме прегрне и да ме охрабри да бидам силна и да ја држам главата високо. Оваа посебна фаза од мојот живот е најопасна“, напишала Дајана во писмото. Таа објаснила во писмото дека некој планира да ѝ ги расипе сопирачките на автомобилот. Објаснила дека некој планира да го расчисти патот за нејзинот брак со Чарлс. Според некои теории, принцезата била убиена од непријатели на семејството Фајед. Името на Мохамед ал-Фајед постојано се поврзува со теории на сомнителни зделки, поткуп на членовите на парламентот, па дури и трговија со оружје. Многумина веруваат дека главна цел на несреќата била Доди. А, присуството на принцезата било совршен начин да се сврти вниманието од вистинскиот мотив. Една од теориите е дека Дајана била бремена и дека таа носела дете на Доди. Потенцијалниот брак со него би бил непријатен за многу луѓе, особено за кралското семејство. Ваквата теорија ја изнел Крис Лафајет, поранешен вработен во списанието „Пари мач“, кој исто така напишал книга за Дајана. Книгата излезе на десетгодишнината од смртта на принцезата, а во неа Лафајет објаснува колку луѓе би биле погодени од можната бременост на Дајана. Некои сметаат дека Доди веќе бил тајно верен со Дајана. Некои, пак, тврдат дека Дајана била бремена од нејзиниот поранешен љубовник, кардиохирургот од пакистан Хаснат Кан. Француски новинар цитирал таен документ од архивата на една париска болница, кој бил доказ дека во моментот на нејзината смрт принцезата била бремена десет недели. Во тие моменти, Дајана со Доди била само еден месец. Дури и истакнати пакистански семејства, кои биле остро против врската на Кан со Дајана, се вклучени во теориите на новинарите. Тоа што книгата е објавена точно на десетгодишнината од смртта на принцезата, става сомнеж дека станува збор за обид да заработат пари од трагедијата. Постојат исто така и теории дека смртта на Дајана, нешто слично како и трагичната судбина на голем број славни лица, е лажирана. Некои се сомневаат дека принцезата и Доди ја режирале својата несреќа и смрт, за да можат да се повлечат на приватен остров и да живеат изолирани од сите. Според психолозите, ваквите теории се сосема природни, бидејќи кога заминува лице од такво значење за луѓето, нормално е неговата смрт да биде доведена во прашање, бидејќи е тешко да се стави крај на една легенда.

„Ова парче е на Дајана“: Меган читаше приказна за деца, а сите гледаа во нејзината рака (ФОТО)

Ивана Ефремовски — Fri, 29 Oct 2021 08:03:06 +0000

Меган Маркл на Јутјуб-каналот „Brightly Storytime“ читаше приказна за деца, под наслов „Клупа“, што самата таа ја напишала. Сепак, најмногу внимание привлече еден дел од накитот што таа го имаше… Меган беше облечена лежерно – со сина кошула и фармерки, и со косата во опавче. Но, на левата рака носи часовник „Картие“ кој некогаш ѝ припаѓал на принцезата Дајана, а неговата цена е 23.000 долари (речиси 20.000 евра, или над 1,2 милиони македонски денари). Тој часовник ѝ го подарил принцот Хари, наводно, на почетокот на нивната врска. Меѓу накитот таа носеше и нараквица Картие од 7.000 долари и тениска нараквица „Џенифер Мајер“ од 3.000 долари. Прстенот од дизајнерката Лорејн Шварц кој чини околу 62.000 долари покрај вереничкиот прстен. Меган, инаку, учествуваше во иницијатива со цел да им се помогне на родителите да ја разбудат кај децата љубовта кон читањето книги. -Се надевам дека ви се допадна „Клупа“ (The Bench). Мило ми е што успеав да го споделам со вас и се надевам дека ќе успеете да најдете своја посебна клупа или столче, или мала тивка лулашка – место кое многу ќе ви значи и што ќе го споделите со некого што го сакате, рече таа на крајот. (МИА)

Пред да се венча со принцот Чарлс, Лејди Дајана ја работела оваа работа: Заработувала по само 5 долари од час

Дарко Андоновски — Fri, 15 Oct 2021 21:52:08 +0000

Дајана Спенсер, попозната како Лејди Дајана, била сопруга на принцот Чарлс. Пред бракот со синот на кралицата Елизабета Втора, Дајана водела целосно нормален живот. Во 1980 година принцезата се вработила како дадилка на момчето Патрик во американско семејство кое во тоа време живеело во Лондон. Мајката на момчето не знаела дека 18-годишната девојка потекнува од познатото британско аристократско семејство Спенсер и дека се забавува со принцот Чарлс за кој се венчала во јули наредната година. Дајана за семејството на Робертсон работела само неколку месеци, три дена во седмицата, а никој не бил свесен дека наскоро ја очекува глобална популарност која ќе ја стекне со влегувањето во кралското семејство. „Кога Дајана во нашето семејство дојде како срамежлива 18-годишна дадилка, имаше многу малку животно искуство, но знаење да работи со деца, па својата работа совршено ја завршуваше“, изјавила оваа деловна жена и се присетила како седнала на подот покрај Патрик и била фокусирана само на него. Меѓу смените, за кои била платена само по пет долари од час, таа се школувала за медицинска сестра. Робертсон за аристократското потекло на Дајана дознала дури кога пред домот забележала многу папарацо фотографи кои ја следеле поради веридбата со принцот Чарлс. „Дајана беше многу ценета, тоа го сметам за нејзина најмоќна карактеристика. Сакаше да ги прегрнува луѓето, да ги допре“, изјавила Робертсон и открила дека принцезата била топла, полна со доверба и љубов. „Продолживме да се допишуваме наредните 16 години“, изјавила таа откривајќи дека Дајана ѝ испратила десеттина писма и честитки во текот на сите тие години сакајќи семејството да ѝ дојде во посета во кралското семејство. Да ве потсетиме, Дајана почина во сообраќајна несреќа во 1997 година кога бегала од папарацо фотографите, а Робертсон нејзиниот погреб го опишува како најтажните и најболни моменти во нејзиниот живот.

ФОТО: Кејт Мидлтон и оддаде почит на Дајана, медиумите веднаш ја забележаа неверојатната сличност

Ивона Петрова — Thu, 30 Sep 2021 10:43:44 +0000

Кејт Мидлтон на премиерата на новиот Џејмс Бонд филм и оддаде почит на принцезата Дајана и тоа со изброт на фустан. Таа се појави на премиерата во фустан сличен на оној кој принцезата Дајана го носела на премирата на Џејмс Бонд во 1985 година. Британските медиуми веднаш почнале да објавуваат за неверојатната сличност на фустаните на Кејт и Дајана. Стилот на Мидлтон неретко се споредува со оној на принцезата Дајана, а војвотката од Кембриџ со секој детал и натаму покажува колку и се восхитува на починатата свекрва.

СВЕТОТ УШТЕ НЕ ЈА ДОЗНА ВИСТИНАТА: 24 години од смртта на принцезата Дајана

Ивона Петрова — Tue, 31 Aug 2021 06:52:44 +0000