принцеза мако – Kurir.mk

ЦЕЛА НАЦИЈА РОНИ СОЛЗИ: Еве каде ќе живее јапонската принцеза која се откажа од круната поради љубовта – освен тоа загуби и 1 милион евра

Дарко Андоновски — Wed, 27 Oct 2021 17:37:08 +0000

Принцезата Мако, внука на јапонскиот император, се откажа од царскиот статус и од обештетувањето во иснос од 1,2 милиони евра кога се омажи за 30-годишниот Кеи Комуру овој вторник. Неколку часа по венчавката, младенците одржаа куса прес-конференција на која не одговараа на прашања, туку го искажаа своето задоволство. „Благодарна сум од се срце“, рече Мако кога првпат ѝ се обрати на јавноста како цивил, изразувајќи благодарност до луѓето кои ѝ помагаа и ја поддржуваа. „Ја сакам Мако. Сакам да го поминам животот со личноста што ја сакам“, им рече младоженецот Кеи на новинарите собрани во просторијата што двајцата ја изнајмија за настанот. Младенците рекоа дека планираат заедно да изградат топла и мирна семејна атмосфера и иако не открија каде ќе живеат, јапонската телевизија NHK објави дека ќе се вселат во еднособен стан во Токио пред да се преселат во Њујорк. На почетокот на овој месец, царската институција појасни дека нема да се одржи свадбена церемонија ниту приемен банкет или други ритуали, и дека не се одобрува паушалот од 1,2 милион евра што вообичаено им се дава на жените од царското семејство кога се мажат за обични граѓани.

Ја напушти царската палата: Се омажи за јапонската принцеза Мако

Ивана Ефремовски — Tue, 26 Oct 2021 07:07:19 +0000

Принцезата Мако, внука на јапонскиот цар, по долгогодишни контроверзии околу нејзината врска, се пак, се омажи за свршеникот Кеј Комуро. Таа претходно се откажа од традиционалните благороднички привилегии и значителен паричен надомест. Јапонската телевизија ја прикажа Мако како ја напушта царската палата во царската област Акасака, во Токио и се збогува со семејството, поклонувајќи им се на родителите и прегрнувајќи ја сестра сѝ. На почетокот на овој месец, царските служби појаснија дека свадбената свеченост, приемот и другите ритуали нема да се одржат и дека не се одобрува обредот со парично дарување, макар што тоа им следува на жените од царското семејство кои се мажат за луѓе од неблагородно потекло. Инаку, се работи и за паричен износ еднаков на 1,2 милиони евра. Внуката на императорот Нарухито, која викендов наполни 30 години, ја загуби својата кралска титула кога таа и Кеј Комуро официјално се венчаа. Тоа е вообичаено за жените од царската лоза, но принцезата Мако е прва во поновата историја на Јапонија која го отфрли свадбениот паричен надомест. Ќерката на помладиот брат на царот Нарухито со години трпеше критики и одолговлекување во врска со нејзиниот брачен план со, исто така 30-годишниот Кеј Комуро, кој беше напаѓан поради тврдењата дека неговата мајка позајмила пари од нејзиниот поранешен партнер и одбила да му врати. Оваа афера, која сè уште не е докрај решена, предизвика низа контроверзи во Јапонија, каде што вообичаено се очекува беспрекорно однесување на царското семејство. Свадбата потоа беше одложувана, а Кеј Комуро се пресели во САД во 2018 година за да ги продолжи студиите по право. (МИА)

View this post on Instagram

A post shared by royals_cradit_in the world (@royalskids_cradit)

Се откажува од цело богатство бидејќи избра љубов – ова е приказната на принцезата Мако

Ивана Ефремовски — Thu, 02 Sep 2021 20:12:05 +0000

Јапонската принцеза Мако, внука на царот Нарухито, планира да се омажи за своето долгогодишно момче Кеи Комура до крајот на оваа година и планира да одбие исплата од 1,3 милиони долари од јапонската влада, пишува Тајмс.

Јапонската влада традиционално им плаќа на жените кои го губат својот кралски статус кога ќе се венчаат. Принцезата Мако ќе се откаже од кралските титули за да се омажи за Комура, бидејќи законот во Јапонија бара принцезата да го напушти царското семејство откако ќе се омажи за човек од народот. Тајмс исто така пишува дека принцезата планира да се пресели во Соединетите држави, каде нејзиниот иден сопруг има намера да работи во адвокатска фирма во Њујорк. Двојката се запознала за време на студиски настан во ресторан во Токио. И двајцата во тоа време биле студенти на Меѓународниот христијански универзитет во Токио. „Прво ме привлече неговата светла насмевка“, рекла Мако во една прилика. Тие се вериле во 2013 година, по неколкугодишна врска на далечина. Имено, Мако поминала извесно време на студии во Велика Британија.