принцеза – Kurir.mk

Принцезата Леонора положи заклетва како шпанска престолонаследничка

Тале Кристо — Tue, 31 Oct 2023 14:15:22 +0000

Шпанската принцеза Леонора од Бурбон денеска, на нејзиниот 18-ти роденден, положи заклетва на Уставот за да стане престолонаследник на престолот- иден шеф на шпанската држава. Во присуство на нејзиниот татко - кралот Фелипе Шести, мајката - кралицата Летиција и сестрата, малолетната Софија, принцезата Леонора положи заклетва на вонредната свечена заедничка седница на двата дома на Парламентот. Нејзиниот татко го изврши овој задолжителен службен чин во 1986 година, а нејзиниот дедо, Хуан Карлос I, во 1969 година. Облечена во елегантен бел смокинг, Леонора положи заклетва на истата копија од Уставот како и нејзиниот татко пред 37 години. На свеченоста таа кажа: „Се колнам дека верно ќе ги исполнувам моите функции, дека ќе ги штитам Уставот и законите, ќе ги почитувам правата на граѓаните и автономните заедници и дека ќе му бидам верна на кралот“. Потоа таа доби неколкуминутен аплауз и бакнеж од видно возбудениот татко, кралот Фелипе. Леонора ужива многу висока репутација и популарност во Шпанија, каде што постојано се дебатира за монархијата. Кратка церемонија со интонирање на националната химна беше емитувана на телевизија и на неколку огромни екрани низ улиците на Мадрид. Голем број луѓе се собраа околу парламентот под национални знамиња извикувајќи „Да живее Шпанија!“. Премиерот во заминување Педро Санчез и други политичари присуствуваа на церемонијата во парламентот, но таа беше бојкотирана од радикалната левичарска партија која се противи на монархијата, како и претставниците на баскиските, каталонските и галициските партии кои се залагаат за независност од Шпанија.

За неа велат дека е најопасен член на кралското семејство: Дури ни кралицата Елизабета не можела да ја контролира

Ристе Здравков — Fri, 09 Sep 2022 20:19:10 +0000

Принцезата Ана имала многу турбулентен живот, но сега се труди се да прави според строги правила и затоа е најопасниот член на кралското семејство Принцезата Ана беше единствената со нејзиниот брат, кралот Чарлс III, кои беа со кралицата Елизабета во нејзините последните денови. Неодамна, видовме дека таа презема малку повеќе официјални должности, а покрај Кејт Мидлтон, таа работи за фирмата. Принцезата Ана (72) е единствената ќерка на кралицата Елизабета и принцот Филип. Наводно велат е „тврда како црна земја“, дека не бега од ништо, дека се држи до традицијата како „пијаница на ограда“ и дека прави се по правила за никој да не може да ја обвини за било што. Принцезата Ана е приказна сама по себе! 1. Принцезата Ана никогаш не ги нарекувала родителите „мама“ и „тато“, туку само „кралица“ и „војвода“. 2. Мрази да се ракува и никогаш никому не ја подава раката, максимално се држи на дистанца. „Теоријата е дека на тие настани не можеш да се ракуваш со секого, затоа не ни почнувај. Секогаш сум се држела до тоа, но гледам дека со другите не е така. На крајот на краиштата, мислам дека да се ракува е целосно апсурдно“, изјави Ана. 3. Цел живот чувствувала дека е во сенка на нејзините родители и брат, идниот крал! „Кога бевме тинејџери на турнеја со кралицата, секогаш знаевме дека луѓето не ни аплаудираат на нас. Отпрвин беше тешко, но се навикнав да бидам во сенка, онаа другата, која не е во центарот на вниманието“, вели Ана. 4. Во далечната 1973 година, принцезата Ана одлучила да се откаже од титулата лејди, со што на своите деца Питер и Зара им ги ускратила кралските титули. „Претпоставувам дека им беше полесно и мислам дека многумина би се согласиле дека има различни проблеми кои доаѓаат со титулата“, рече таа. 5. Камила, сопругата на принцот Чарлс, живее во страв од принцезата Ана и тоа е поради една работа: Ана не може да ја поднесе! А, зошто? Имено, пред да се омажи, принцезата Ана била во врска со првиот сопруг на Камила, Ендрју Паркер. Аферата меѓу Андреј и Ана не успеа, но мислам дека тие многу се сакаа. Уште повеќе, мислам дека сè уште се сакаат. Мислам дека тие отсекогаш имале проблеми поради аферата со Ендрју“, вели извор близок до кралското семејство. Се верува дека Ана ќе биде еден од главните советници и голем поддржувач на кралот Чарлс III.

Овие женски имиња значат “принцеза“: Многу Македонки носат едно од нив

Ивана Ефремовски — Sun, 23 May 2021 13:07:44 +0000

Изборот на името е една од поважните одлуки кои родителите ја носат за своето бебе. На оваа тема понекогаш се размислува со месеци, а доколку дознаете дека очекувате девојче, името коешто во превод означува „принцеза“ би било многу симпатично, нели? Всушност, многу култури и народи имаат голем избор на вакви женски имиња, а ова се само дел од нив: Јуки – веројатно погодувате, ова име потекнува од Јапонија. Постои верување дека личноста којашто го носи ќе порасне во смела и авантуристичка жена. Маел – креативно и звучно име, прилично популарно во Ирска. Тиа – јасно, кратко и драматично име со грчко потекло, кое е прилично популарно последниве неколку години на нашите простори. Туала – ова име има исто така ирско потекло. Многу е егзотично и буди восхит. Шари – оригинално и разиграно, ова име потекнува од Индија и сосема добро би можело да се вклопи кај нас. Емира – името е особено популарно во БиХ, а звучи романтично и префинето. Инаку потекнува од арапскиот јазик. Маја – колку девојки познавате со ова име? Сигурно барем една, а името е бајковито и мошне шармантно, со арапско потекло. Многу е често во Македонија. Сораја - име коешто сè повеќе станува популарно, благодарение на неговата звучност, а има иранско потекло. Зара - уште едно име со арапско потекло, кое иако е кратко, звучи многу моќно. Сабрина - името на култната божица на Келтите е уште едно раскошно, кралско име.

Принцезата Кејт Мидлтон потполно разочара девојче при службена посета – целиот свет зборува за овој тажен момент (ФОТО)

Дарко Андоновски — Wed, 12 Jun 2019 14:30:35 +0000

Принцезата Кејт Мидлтон и принцот Вилијам овие денови се во службена посета на северозападна Англија. Кејт во таа пригода се дружеше со насобраниот народ, а едно девојче било особено возбудено што конечно во живо ќе ја види вистинската принцеза. На средбата со Кејт девојчето го донел нејзиниот татко, а по средбата со неа, таа признала дека е потполно разочарана од принцезата. Војвотката од Кембриџ за оваа посета била облечена во мантил во зелена боја, пантолани и кондури на себе, што потполно го разочарало девојчето. -Еве погледни, таа е принцезата. Сакаше да ја видиш, обожуваш принцези, и рекол таткото на неговата ќерка кога и се приближила Кејт. Девојчето веднаш му рекла на својот татко да ја праша принцезата зошто е облечена така и зошто не го носи својот Елза фустан? Кејт преслатко одговарајќи и ги остави присутните воодушевени. Имено таа му изјавила на девојчето дека тој ден таа оди на фарма за да види овци, а поради таа посета не можела да го облече фустанот кој го носи познатата принцеза од цртаните ликови Елза. По средбата Кејт шишаше и овци на локалната фарма како дел од нивната закажана посета на ова место.

По оваа емотивна исповед многумина се згрозија пред Божиќ: Таткото на Меган Маркл ја моли кралицата за помош (ВИДЕО)

Дарко Андоновски — Tue, 18 Dec 2018 11:11:58 +0000

Таткото на Меган Маркл , Томас, во интервју на телевизијата ИТВ побара помош од британската кралица Елизабета II. Томас Маркл се надева дека кралицата ќе може да помогне за повторно да стапи во контакт со својата ќерка, сопруга на британскиот принц Хари. ,,Исклучително многу би ценел каков било ангажман на кралицата и мислам дека и таа би сакала да се решат семејните проблеми.” , вели Томас и додава: ,,Сите семејства , кралски и сите други еднакви се за време на празниците и треба да бидат заедно”, рече таткото и се пожали дека ќерка му Меган Маркл, војвотката од Сасек, не му испратила ниту божиќна честитка. Кенсингтонската палата не ги коментираше изјавите на Томас Маркл.

Од утре е обична жена: Се омажи најтажната принцеза на целиот свет, а поради нејзиниот избраник државата реши богато да ја награди (ФОТО)

Дарко Андоновски — Tue, 30 Oct 2018 18:18:31 +0000

Јапонската принцеза Ајако се омажи на свечена церемонија во храмот Меији во Токио, пренесува Дејли Мејл. Ајако (28) ќерката на царот денеска се омажи со нејзиниот избраник Кеи Мориј (32) кој работи во компанија за изработка на бродови. Жената која се мажи во Јапонија за член од царското семејство веднаш станува член од тоа семејство, но онаа жена од царското семејство која се мажи за личност која нема кралско потекло мора да си заминат од царството и палатата. Поради ова принцезата Ајако морала да се откаже од титулата, а поради тоа од државата ќе добие мираз во вредност од 1,3 милиони долари. Нејзиниот сопружник се надева дека неговата жена лесно ќе се прилагоди на обичниот живот. -Сакам да работиме заедно, рака под рака, да создадеме семејство исполнето со насмевки, вели тој.

Следете во живо: Започна венчавката во британското кралско семејство- за овој раскош кој чини брдо пари зборува целиот свет

Дарко Андоновски — Fri, 12 Oct 2018 09:29:06 +0000

Внуката на кралицата Елизабета Втора, поточно ќерката на принцот Ендру, војводата и војвотката од Јорка, Сара Фергусон, е деветта во редот за тронот, веднаш после својата најстара сестра, принцезата Беатрис. Принцезата Евгенија од Јорка, денес ќе се венча за Џек Бруксбенк. Очекува дека нејзината венчавка ќе биде подеднакво раскошна како таа на принцот Хари и војвотката Меган, а парот судбоносното „ДА“ ќе го каже во истата капела како нив. Принцезата и поранешниот менаџер се запознале во ноќен клуб во Швајцарија, кога таа имала 20, а тој 24 години, а заедно се веќе седум години. Џек ја запросил Јуџин во јануари оваа година, во Никарагва. За време на гостувањето во емисијата „The One Show“, на „BBC“, принцезата го опишала магичниот момент: „Стоевме покрај езерото и го гледавме заоѓањето на сонцето, кога ме праша дали сакам да се венчам со него. Бев пресреќна!“ Нејзиниот венчален прстен го краси редок розов сафир, со мали дијаманти. Венчавката, како што веќе споменавме, ќе се одржи во капелата Св. Јурај, во склоп на дворецот Виндсор, каде што пред пола година се оженил и братот на принцезата, принцот Хари, а во истата капела се венчале и принцот Чарлс и Камила Паркер. Кума на венчавката ќе ѝ биде нејзината сестра Беатрис, додека кум на Џек ќе му биде неговиот брат Томас.

ФОТО: Генијална причина зошто поголемиот број фустани на Меган Маркл имаат џебови

Дарко Андоновски — Sat, 11 Aug 2018 10:36:27 +0000

Овој член на кралското семејство се разликува од останатите по своето минато, потекло, но и по ставовите и правилата кои си ги негува уште од својата младост.

Откако знаеме за неа, Меган Маркл се бори за женските права и служи како одличен пример дека жените можат да остварат сè што ќе наумат, само треба да имаат храброст да излезат од својата комфорт зона. Причината поради која војвотката од Сасекс многу често носи фустани со џебови е од феминистички карактер. Имено, експертите сметаат дека жените кои носат облека без џебови, не знаат што сакаат и често со себе носат огромни ташни кои се преполни со безпотребни работи. Затоа Меган симболично ги избира фустаните кои имаат џебови, со што покажува дека жените не се ништо помалку способни и одлучни од мажите. Секогаш е беспрекорно средена. Меган е свесна за секој изговорен збор во јавноста, а тоа што и со парчињата облека му пренесува силна порака на елитното друштво, само ги наведува обожавателите да ја сакаат и почитуваат уште повеќе.

Меган за влакно избегна инцидент: Со рацете го покри лицето за да не добие по носот (ФОТО)

Дарко Андоновски — Mon, 16 Jul 2018 09:50:33 +0000

Меган и Кејт во придружба со своите блиски пријателки, од кралската ложа ја изгледаа мечот на Ѓоковиќ и Надал. Војвотките убаво се забавуваа, но не се надеваа дека ќе се случи мал инцидент. Имено еден од ударите на Рафаел Надал осегна до кралската ложа, а Меган брзо со рацете го покри лицето, па кога сфати дека е на сигурно, слатко се изнасмеала заедно со Кејт.

Меган со нови маки- повторно го прекрши протоколот и ја налути кралицата која седеше до неа (ФОТО)

Дарко Андоновски — Wed, 27 Jun 2018 19:20:54 +0000

Новата принцеза во кралското семејство Меган Маркл повторно го прекрши кралскиот протокол додека заедно со сопругот принцот Хари и кралицата Елизабета II присуствуваа на свеченост во Бакингемската палата. Имено Меган се најде на мета откако за време на церемонијата на млади лидери од целиот свет ги прекрсти нозете на погрешен начин. Меган на почетокот не седна како што седи кралското семејство, но кога тоа го сфати веднаш ја исправи грешката.

Meghan Markle Forgot Her "Duchess Slant"—Then Saved It at the Last Minute https://t.co/X4JbQhwK4C pic.twitter.com/m8somzb8JH
— Marie Claire (@marieclaire) June 27, 2018