принцот Чарлс – Kurir.mk

КНИГА КОЈА СИГУРНО НЕМА ДА МУ СЕ ДОПАДНЕ – кралот Чарлс не водел љубов со принцезата по раѓањето на Хари, причината која и ја кажал е фрапантна

Дарко Андоновски — Fri, 04 Nov 2022 15:19:04 +0000

Книгата со наслов „Кралот: Животот на Чарлс III“ открива дека Чарлс по раѓањето на принцот Хари (роден во 1984 година) „еднострано ги прекинал сексуалните односи со неговата сопруга“. Избор кој – во комбинација со Камила – предизвикал жестоки кавги меѓу сопружниците. Најновите откритија доаѓаат од Кристофер Андерсен, автор на „Кралот: Животот на Чарлс III“, книга која ќе биде објавена на 8-ми ноември. Поранешниот келнер на тогашната кралска двојка раскажува дека Чарлс и Дијана постојано се расправале. Честа тема на нивните дискусии, се разбира, била Камила: „Принцезата ја нервираше опсесијата на нејзиниот сопруг со нејзината грда ривалка“. Келнерот вели дека често ја гледал Лејди Д „буквално како го брка својот сопруг по ходниците, по скалите и од соба во соба“ во Хајгров Хаус, селската резиденција на тогашниот принц од Велс. „Зошто не доаѓаш во кревет со мене?“ му викнала еднаш Дијана, со која Чарлс „еднострано ја прекина нивната сексуална врска“ од раѓањето на принцот Хари во 1984 година. Чарлс тогаш саркастично ѝ одговорил: „Не знам, драга. Мислам дека можеби сум геј“. За време на уште една бесна кавга, пишува Андерсен, Чарлс се обидел да ја замолчи Лејди Дијана барајќи од неа да ја почитува неговата позиција. „Знаеш ли кој сум јас?“, ја прашал сопругата. Таа му возвратила: „Никогаш нема да бидеш крал! Вилијам ќе ја наследи мајка ти.“. Со текот на времето, односите меѓу двајцата станувале се побурни.

На чуден начин ја поздрави премиерката на Британија, па стана хит во целата земја – кралот Чарлс буквално ја остави со отворена уста Трас (ВИДЕО)

Дарко Андоновски — Fri, 14 Oct 2022 13:52:59 +0000

Во средата вечерта, Чарлс Трети се сретнал со премиерката Лиз Трас, а кралот набрзо стана главна тема на коментарите на социјалните мрежи поради начинот на кој ја поздравил премиерката. Трас му се поклонила на Чарлс со зборовите: „Ваше височество“, а Чарлс ѝ рекол: „Повторно сте тука. „Тоа е големо задоволство“, рекла Трус. „Драга, ох драга. Како и да е“, продолжил Чарлс.

A scene straight from the Office.
Truss: “Your Majesty… Lovely to see you again.” King: “Back again. Dear oh dear. Anyway…” Political awkwardness and unintentional comedy at its finest. pic.twitter.com/o5G7Tsz3IA — Dr. Jennifer Cassidy (@OxfordDiplomat) October 12, 2022

Видеото од оваа средба брзо стана вирално, а оние кои го видоа видеото меѓу другото коментираа дека премиерката Трас сигурно се запрашала што се случува кога Чарлс вака ѝ се обратил. Иако како што може да се заклучи од видеото, да се работело за некој друг немаше да се дигне толку голема врева околу пречекот што ѝ го приредил Чарсл на премиерката, сепак оваа средба привлече толкаво внимание бидејќи сепак станува збор за официјална средба , а секоја постапка на кралот Чарлс е под лупата на јавноста. Чарлс Трети ќе биде крунисан на 6 мај следната година во лондонската Вестминстерска опатија. Новиот монарх најави помалку раскошна монархија под неговата палка, а крунисувањето ќе биде првиот показател за тоа. Тој најави дека неговото крунисување ќе биде поскромно од крунисувањето на Елизабета Втора, кое траеше три часа.

ОВА Е НАЈГОЛЕМАТА ТАГА ЗА МЕНЕ – се огласи принцот Чарлс, тажните зборови ќе го распара срцето на секој човек

Дарко Андоновски — Thu, 08 Sep 2022 19:01:55 +0000

„Смртта на мојата сакана мајка, нејзиното височество Кралицата, е момент на најголема тага за мене и за сите членови на моето семејство“, се наведува во соопштението од кралското семејство во име на Чарлс, новиот крал на Обединетото Кралство. „Длабоко жалиме за смртта на омилениот суверен и многу сакана мајка. Знам дека оваа загуба длабоко ќе се почувствува низ целата земја, кралството и Комонвелтот и кај безброј луѓе ширум светот. Во овој период на жалост и промени, моето семејство и јас ќе најдеме утеха во тоа што знаеме колку длабока беше почитта и наклонетоста за кралицата„, се наведува во соопштението од кралот Чарлс Трети.

ОВА ГО ЧЕКАШЕ ЦЕЛИОТ СВОЈ ЖИВОТ: Чарлс е новиот крал на Велика Британија

Дарко Андоновски — Thu, 08 Sep 2022 18:08:37 +0000

Кралицата Елизабета Втора почина на 96-годишна возраст, што значи дека принцот Чарлс официјално е крал Чарлс. И покрај фактот дека крунисувањето на кралот Чарлс нема да се случи во слендите неколку месеци, тој стана крал во моментот кога почина кралицата Елизабета. Доколку одлучи да го задржи името Чарл, тој ќе биде крал Чарлс Трети. Чарлс помина седум децении како прв во редот за тронот – најдолготрајниот наследник во британската историја. Сега, тој конечно стана крал по смртта на неговата мајка, кралицата Елизабета Втора. – Целиот негов живот го подготвуваше за оваа улога, изјави кралскиот коментатор Кристофер Ворвик за Скај Њуз. – Она што треба да го избегнува, што кралицата го правеше прекрасно, е контроверзност. – Тој не може да се гледа како шеф на држава кој се меша во политиката – тоа е патот до катастрофата, оценува кралскиот коментатор. Чарлс е роден во Бакингемската палата на 14 ноември 1948 година, за време на владеењето на неговиот дедо Џорџ VI. Непосредно пред полноќ на оградите на палатата беше објавена веста дека принцезата Елизабета родила син по име Чарлс Филип Артур Џорџ. Неговиот татко, војводата од Единбург, не бил присутен на породувањето, а наводно се одлучил наместо тоа да игра сквош со пријател. Чарлс ја прекрши кралската традиција кога веднаш отиде на универзитет по неговото А-ниво, наместо да се приклучи на вооружените сили. Студирал археологија и антропологија во првата година на Кембриџ, пред да се префрли на историја до крајот на своето дипломирање. Во 1969 година, Чарлс формално ја доби титулата најтесно поврзана со него, Принцот од Велс, откако помина еден мандат на универзитетот во Абериствит каде научи да зборува велшки. Тој стана првиот престолонаследник со универзитетска диплома кога му беше доделена 2:2 од Кембриџ во 1970 година.

Камила признаена како Кралска дама: Воведена во британскиот „највозрасен ред“ на витештвото

Катерина Бојаџиева — Tue, 14 Jun 2022 12:25:08 +0000

Војвотката од Корнвол, Камила слави свечен настан заедно со британската кралица Елизабета Втора и нејзиниот син-престолонаследник, принцот Чарлс. Имено, вчера, кралицата формално ја воведе војвотката (74) во „највозрасниот ред“ на витештвото во Обединетото Кралство – Редот на жартиерот. Во чест на оваа пригода, Бакингемската палата објави нов портрет на Камила заедно со Чарлс (73) и 96-годишниот монарх. Приватната свеченост се одржа во Собата на жартиерот во замокот Виндзор. Таа сега и формално е признаена како Кралска дама, во Редот на жартиерот. Жартиер, инаку, е подврска за придржување на чорапите, појасче коешто се врзува веднаш под коленото. Камила е почестена и „многу задоволна“ од новата титула, изјави за „Пипл“ извор од кралското семејство. Во традиционалната пригодна кадифена облека и капа, Камила застана до кралицата Фотографијите ја симболизираат иднината на монархијата. Кралицата, која страда од постојани проблеми со подвижноста и користеше бастун за време на службата, не им се придружи на членовите на нејзиното семејство во јавниот дел од кралскиот настан вчера. Таа беше домаќин на приватниот состанок и ручекот внатре во замокот. Секој јуни, Големата поворка на витезите се одржува во замокот Виндзор, придружувана од марш на музичари и офицери на Редот, во свечена облека. Витешкиот Ред на жартиерот бил основан од кралот Едвард Трети во 1348 година.

Шок во Англија по одлуката дека Камила ќе стане кралица – сега сите се прашуваат што ќе се случи со нејзините деца од првиот брак, еве го законот!

Дарко Андоновски — Mon, 07 Feb 2022 14:12:46 +0000

Кралицата на Велика Британија, Елизабета Втора годинава ја прославува 70-годишнината на стапувањето на престолот, одбележувајќи ја, меѓу другото, и со изјава дека сака Камила Паркер Боулс да стане кралица на денот кога нејзиниот син ќе стане крал. Последниве 17 години, откако Камила и принцот Чарлс се во брак, се сметаше дека таа нема да ја преземе титулата кралица и оти на денот кога Чарлс ќе стане крал, таа ќе остане „принцеза сопружничка“. Одлуката Камила да биде „само“ принцеза беше донесена поради атмосферата што владее околу неа последните речиси 40 години. Законски, Камила ја има титулата принцеза од Велс, но не ја користи. Кралското семејство проценило дека јавноста лошо ќе реагира доколку Камила ја преземе титулата на покојната принцеза Дијана, за која Британците тагуваат веќе 25 години од нејзината смрт. Освен тоа, Камила е сметана за одговорна за пропаѓањето на бракот на Дијана и Чарлс. Но, она што беше сосем незамисливо пред 20 години ќе стане реалност – по волја на кралицата на Велика Британија, ако принцот Чарлс стане крал, тој ќе има право на својата сопруга да ѝ ја додели титулата кралица. Но, Камила ќе биде и првата кралица во историјата која зад себе има поранешен сопруг и деца од првиот брак. Таа била мажена за Ендрју Паркер Боулс и има две деца – Том и Лора. Според официјалните кралски правила и решенија, тие двајца нема да добијат никакви титули. Член на кралското семејство може да се стане само со раѓање или преку брак. Тоа значи, не постои можност Том и Лора, во овој случај посинокот и поќерката на идниот крал, да добијат некакви кралски титули и привилегии. А пак, правото на британскиот престол може да се стекне само со раѓање. Така што, и гласините дека Камила би можела да стане монарх по евентуална смрт на Чарлс, се целосно неосновани.

Принцот Чарлс сака да се смири со Хари и Меган – една работа ужасно му недостасува, ќе сфатат само тие што го искусиле ова

Дарко Андоновски — Wed, 19 Jan 2022 19:36:13 +0000

Принцот Чарлс одлучил да се смири со својот син Хари со тоа што ќе го покани неговото семејство да остане со него следниот пат кога ќе ја посетат Англија. Принцот од Велс изрази силна желба да поминува време со своите внуци, бидејќи Арчи не го видел од кога имал шест месеци и никогаш не ја запознал ќерката на неговиот син Хари и сопругата Меган Маркл, Лилибет Дијана. Планот на Чарлс можеби нема да се оствари бидејќи Хари сугерираше дека враќањето би било преголем ризик поради неговата безбедносна ситуација. Имено, Хари тврди дека не може да се врати дома откако му е одземено правото на лична заштита што го имаат членовите на кралското семејство по напуштањето на кралското семејство. Се сметаше дека Хари и Меган дефинитивно ќе се потрудат и ќе присуствуваат на настаните за прослава на платинестиот јубилеј на кралицата во јуни. Се верува дека Хари им рекол на членовите на семејството дека ќе присуствува на комеморацијата за неговиот покоен дедо, принцот Филип, во Вестминстерската палата, закажана за април. Хари решил да ја тужи британската влада, па поднел барање за судско преиспитување на одлуката, поради што би можел да се најде на суд. Според извори блиски до семејството, принцот Чарлс одржал неколку добродушни и пријатни видео повици со својот син, Меган и децата во последните неколку месеци. – Принцот од Велс беше тажен што немаше можност да поминува време со своите внуци, кои навистина му недостигаат – изјавија извори блиски до семејството.

Не можеше да ја издржи средбата со синот Хари: Еве каде замина принцот Чарлс 24 часа по погребот на својот татко, таму ќе тагува сам (ФОТО)

Дарко Андоновски — Tue, 20 Apr 2021 08:06:56 +0000

Принцот Чарлс веднаш по погребот на својот татко, принцот Филип се упатил кон својата куќа во Велс за да тагува сам, но и да размислува за судбината на кралското семејство по средбата на неговите два сина како и самиот тој со принцот Хари. Имено како што пишува „Дејли Маил“, принцот само 24 часа по последниот поздрав за тато му заминал сосема сам во куќата во Велс каде ќе тагува сам во наредните неколку денови. Тој се повлекол во себе и поради средбата која ја имаше лице в лице со својот син во палатата Виндзор каде започнаа да ги стоплуваат и нивните односи по интервјуто кај Опра. Според медиумот Вилијам и Чарлс сакале да се сретнат со Хари за да не можат светските медиуми погрешно да го толкуваат нивниот однос.

Принцот Чарлс ги повика Британците да помогнат во бербата на овошје и зеленчук

Тале Кристо — Wed, 20 May 2020 11:36:55 +0000

Британскиот престолонаследник Чарлс ги повика своите сонародници и им порача да се „изборат за Британија, така што ќе им помогнат на земјоделците во бербата на овошје и зеленчук, за време на пандемијата на новиот коронавирус, затоа што е од витално значење за земјата. Во апелот, што е дел од кампањата започната во Англија, со наслов „Бери за Англија“ (Pick for Britain), Чарлс преку видео дистрибуирано на социјалните мрежи, ја спореди потребата за труд во земјоделството со важноста на копнената армија во Втората светска војна и движењето на жените кои одгледуваа и помогнаа во производство на храна. – Ако оваа година ги береме британските овошје и зеленчук, потребна ни е помош од армија луѓе, изјави принцот Чарлс и додаде дека е од голема важност во екот на оваа глобална пандемија да се даде важен придонес во целокупниот национален напор за да се победи пандемијата. Принцот Чарлс изјави дека ќе бидат потребни илјадници луѓе во наредните месеци за да помогнат во бербата на земјоделските култури, и истакна дека е свесен дека работата ќе биде непривлечна, а понекогаш и тешка.

Прв пат уловен гол: Принцот Чарлс облече цветни шорцеви на плажа, додека Камила изгледа како просечна баба (ФОТО)

Дарко Андоновски — Thu, 21 Mar 2019 09:52:21 +0000

Принцот Чарлс (70) , наследник на британската круна, за прв пат по 40 години е фатен папарацо на плажа на Карибите, заедно со сопругата Камила (71). Двојката е на 12-дневна турнеја на егзотичните острови, а ќе ги посети и Кајманските острови. Принцот не е фатен во костим за капење уште од 1980 година, кога е фотографиран во Сиднеј. Костимот за капење на Чарлс е „Vilebrequin“, омилениот бренд и на актерите Бред Пит и на Џорџ Клуни. За безбедноста на кралската двојка се грижат телохранители кои им ги носат пешкирите на плажа. Принцот Чарлс е поранешно воено лице и страствен играч на поло. За време на официјалните обврски, принцот Чарлс се сретна на Барбадос и со поп-ѕвездата Лајонел Ричи со кого се потсетија на неговите хитови од 80-тите.