принцот вилијам – Kurir.mk

ВРТОГЛАВА СУМА НА ПАРИ КОЈА НЕ МОЖЕ ДА МУ ЈА ОДЗЕМЕ НИКОЈ – еве колкава плата зема принцот Вилијам, како иден крал мора да ја заработува оваа сума!

Дарко Андоновски — Sat, 01 Jul 2023 09:15:48 +0000

Вилијам, принцот од Велс, зема годишна плата од речиси шест милиони фунти, открива неодамна објавениот годишен финансиски извештај на британското кралско семејство. Неговиот приход (платата на принцот од Велс) е регулиран уште во 1337 година со Големата повелба на кралот Едвард III, со која кралот ги оставил приходите од Војводството Корнвол на својот најстар син и наследник. Од пред 700 години, титулата Принц од Велс оди со значителна финансиска привилегија, а тоа е и денес. За да не испадне дека најважната титула на идниот крал се однесува на еден дел од Обединетото Кралство, Велс, и дека тој зема плата од друго војводство, договорено е титулата војвода од Корнвол да оди рака под рака со титулата наследник на тронот. Платата произлегува од годишниот нето приход од имоти, инвестиции и од изнајмување недвижен имот во сопственост на Круната од целото војводство. Истото правило важело и за кралот Чарлс кога бил принц.

Принцот Вилијам почна да спроведува петгодишна програма за помош на бездомниците

Дарко Андоновски — Mon, 26 Jun 2023 06:39:28 +0000

Британскиот престолонаследник, принцот Вилијам почна да спроведува петгодишна програма за помош на бездомници „Homewards“ во која планира да обезбеди средства и стручни совети на шест локации со цел да се намали бројот на бездомници. „Цврсто сум убеден дека со заедничка работа можеме да го направиме бездомништвото ретка појава. Со нетрпение очекувам да работам на нашите шест локации за да ја направиме нашата амбиција реалност“, рече 41-годишниот Вилијам. Проектот е поддржан од Кралската фондација, а секоја од избраните локации ќе добие по 500 илјади фунти. Според проценките на хуманитарните здруженија, дури 270.000 домаќинства во Велика Британија немаат дом, односно семејства меѓу кои и децата спијат на отворено, во автомобили или имаат привремено сместување во хостели или кај роднини. Поради зголемените трошоци за живот, се очекува таа бројка да расте.

Кога Вилијам раскинал со Кејт ја сакал само неа: Која е жената која одбила да стане војвотка од Кембриџ?

Дарко Андоновски — Fri, 23 Jun 2023 19:57:21 +0000

Принцот Вилијам и неговата сопруга Кејт Мидлтон, едноставно изгледаат совршено заедно. Војводата и војвотката од Кембриџ за поголем дел од луѓето се „обични луѓе“, пар којшто е идеал на љубовта, слогата и семејната среќа, па многумина ќе се зачудат кога ќе слушнат дека тие двајца одреден период не биле заедно, односно раскинале. Исто така за многумина едноставно тешко е да го замислат принцот Вилијам со некоја друга жена освен Кејт. Сепак, можеби тоа можело да се случи доколку се поклопиле другите коцки во животот. Пред Вилијам да ја запроси Кејт во 2010 година тој бил вљубен во познатата британска аристократка Изабела Калторп. Изабела е ќерка на наследничката на банкарската империја на леди Мери Гај Курзон и Џон Анструтер Калторп, а нејзината сестра Кресида Бонас исто така била поврзана со кралското семејство со оглед на тоа што се забавувала со принцот Хари од 2012 до 2014 година. Кралскиот експерт Кејти Никол ја споменал Изабела во својата книга „Вилијам и Хари: Зад ѕидовите на палатата“, па наговестила дека нејзината поврзаност со Вилијам довело до раскинување на Вилијам и Кејт во 2004 година. „Многу му се допадна и сакаше да биде со неа. Неколку пати ја запросувал тоа лето, иако Изабела била сингл го одбила Вилијам и кажала дека тоа би било лошо за неа и нејзината кариера“, раскажал извор за „Дејли мејл“ во 2007 година. „Таа има свое име и на пат беше да стане многу успешна. Од негова гледна точка, врската со Вилијам би и штетела“. Никол додала дека Кејт и Вилијам размислувале да се смират, Кејт поставила услов за специфична врска. „Тоа очигледно беше „одмор“ којшто на Вилијам му беше потребен до Божиќ кога веќе беа повторно заедно, но Кејт имала услов. Дознала за посетите на Вилијам на Изабела и инсистирала Вилијам повеќе да не контактира со неа“. Меѓутоа, таквите наводи сепак биле само таблоидни и звучеле како „добра акција“ која би можела да најде место во серијата „Круна“ која се занимава со британското семејство.

Принцот Хари: Новинарите на „АНЛ“ се криминалци

Дарко Андоновски — Wed, 29 Mar 2023 08:03:29 +0000

Британскиот принц Хари денеска сведочеше на судењето меѓу него и други истакнати личности, од една страна, и медиумската групација „Асошиејтед њуспејперс лимитед“ (АНЛ), од друга. Како сведок, даде изјава дека поради кралското семејство, тој морал да го следи правилото „никогаш не се жали, никогаш не објаснувај“ во справувањето со медиумите. - По смртта на мајка ми во 1997 година, кога имав 12 години, морав да трпам притисок од медиумите, со кои оттогаш имав заладени односи и го следев семејното правило од кое нема отстапување. Ми беше многу тешко да се воздржам од зборување за медиумите, по оние бројни обвинувања, вознемирувања, напади и расистички написи за Меган... А, не е претерување да се каже дека сè тргна надолу кога решив да се преселам од Обединетото Кралство во 2020 година, изјави принцот. Според сведочењето, работите само се влошиле кога неговата избраничка забременила со нивниот син Арчи... А, додаде и дека има докази дека неговиот мобилен телефон бил хакиран уште претходно. - Јас не ја поднесувам оваа тужба само за себе, затоа што којзнае колку други членови на (кралското) семејство биле следени на овој начин. Доказите што ги видов укажуваат дека новинарите на „АНЛ“ се криминалци кои имаат посебни овластувања поради нивниот статус на новинари. Британската јавност заслужува да знае сè за ова прикривање, и чувствувам дека е моја одговорност да го направам тоа, нагласи принцот Хари. Сослушувањето на сведоците ќе трае четири дена, а меѓу луѓето кои ја тужат „АНЛ“ има познати лица, како Елтон Џон и Елизабет Харли.

Принцот Хари со дрзок говор ја расплакал Кејт за време на нејзината свадба – Војвотката не му останала должна му возвратила уште повулгарно на неговата венчавка!

Дарко Андоновски — Wed, 12 Oct 2022 08:22:49 +0000

Речиси нема човек кој не ја памети венчавката на принцот Вилијам и Кејт Мидлтон пред десетина години во Вестминстерската катедрала, а церемонијата ја следеа над две милијарди луѓе низ целиот свет. Меѓутоа кога медиумите и новинарите си заминаа дома, за младенците тоа беше обична свадба со танцување, пиење и многу дрзок говор на кумот Хари. Имено важна улога на свадбата на Вилијам имаше неговиот брат Хари кој беше и нивен кум, а во еден момент тој одржал и говор на микрофон исмејувајќи го Вилијам, а Кејт ја натерал дури и да заплаче. Експертот на британското кралско семејство Кејти Никол во биографијата „Хари, живот, загуба и љубов“, пишува дека свадбата била пријатна за сите, полна со смеа и хумор далеку од медиумите. -Говорот беше преполн со класичниот хумор на Хари, исмејувајќи го неговиот брат велејќи дека: „Вилијам немал романтична коска во своето тело пред да ја запознае Кејт, па знаев дека е нешто сериозно кога започна да не го остава телефонот од раце“, пишува во еден дел од својата биографија Кејти Никол. Кога Хари рекол дека десет годишната врска на неговиот брат и Кејт е негова инспирација, Мидлтон речиси и да заплакала, па сите погледи биле вперени кон неа. Секако Кејт не му останала должна на Хари, па на неговата венчавка во 2018 година со Меган Маркл кога Вилјам бил кум, таа раскажувала вулгарни шеги забавувајќи ги гостите во дворецот Фрогмор.

НЕ СМЕЕ ДА ПОМИСЛИ ДА ЈА ПРОДАВА – Вилијам и Кејт наследија „тајна“ куќа од новиот крал, кога ќе видите што има внатре сè ќе ви стане јасно (ФОТО)

Дарко Андоновски — Mon, 03 Oct 2022 08:04:59 +0000

Принцот од Велс, Вилијам и неговата сопруга Кетрин – Кејт Мидлтон наследиле „таен“ дом скриен во руралните средини на Велс. Стариот, но простран имот „Луинивермод“ (Llwynywermod) во Кармартеншир го купил кралот Чарлс Трети, пред 15 години. Поранешниот принц од Велс и неговата сопруга често престојувале во мирната селска куќа, и меѓу месното население. Чарлс и Камила минаа извесно време во „Луинивермод“ и по смртта на принцот Филип лани. Имотот од 192 хектари се наоѓа во близина на селото Мидфаи, кај градот Ландовери. Куќата на имотот се состои од дневна соба, мала кујна и три спални соби. Има камин обложен со камен и големи прозорци. Откако станаа принц и принцеза од Велс по смртта на кралицата и првиот говор на кралот Чарлс, Вилијам и Кејт ќе имаат и финансиска корист од нивниот нов статус. Имено, тие пред смртта на Елизабета Втора ги носеа титулите војвода и војвотка од Кембриџ. По устоличувањето на Чарлс на престолот, тие го презедоа Војводството Корнвол, што ќе им донесе значителна корист. Богатството на Вилијам претходно се проценувало на 30 милиони долари. Но, сега само годишно од Корнвол би можел да заработува повеќе од 20 милиони долари. Војводството Корнвол зафаќа околу 53.000 хектари, а приходите главно доаѓаат од земјоделството и туризмот. Вредноста на Војводството е повеќе од една милијарда евра. Вилијам не смее да го продаде, а кога ќе стане крал, војводството Корнвол ќе го наследи неговиот син Џорџ.

Откриено што му рекол Хари на Вилијам во капелата: Читач од усни ги дешифрирал зборовите на браќата, се вмешала и Кејт со еден единствен збор!

Дарко Андоновски — Tue, 20 Sep 2022 12:34:40 +0000

На вчерашната служба во капелата св. Џорџ во Виндзор, која била одржана по церемонијата во Вестминстерската опатија, се случила средба меѓу принцовите Вилијам и Хари. Читач на зборови од усни открил што младиот принц Хари кажал. Додека принцот Вилијам стоел на влезот во првиот ред, принцот Хари го прашал: „Да поминеме први?“. Вилијам го погледнал својот брат и само кимнал со главата, пред на сопругата, принцезата од Велс да ѝ каже: „Пушти ги да поминат први“, Кејт на тоа одговорила: „Во ред“, а потоа Хари и Меган поминале покрај неа, принцот Џорџ и принцезата Шарлот и ги зазеле своите места. Вилијам на прашањето на својот брат одговорил со кимнување на главата, а потоа како шлаг на тортата следело „во ред“ од Кејт Мидлтон. Сепак, за многумина тоа било доволно покрај турбуленциите во однос на принцовите и фактот дека во саботата вечерта во Вестминстер салата тие оделе одвоено. „Добро е што воопшто комуницираат“, можело да се слушне откако било објавено видеото од нивната средба во Виндзор. Добро е и што Меган, Хари, Кејт и Вилијам седеле во ист ред. Добро е и што оделе еден покрај друг на погребот од кралицата. И, сега одвај се чека продолжението да се види што ќе се случи по денот на жалоста во Британија на 26 септември. Дали примирјето е започнато пред десеттина дена во Балморал каде браќата заедно со сопругите ги поздравувале собраните граѓани и дали истото ќе има подолг рок на траење? Останува времето да покаже.

Принцот Вилијам се прости од својата баба преку писмо: Знаев дека ќе дојде овој ден, откри и кога кралицата му била најпотребна во животот

Дарко Андоновски — Sat, 10 Sep 2022 18:39:59 +0000

Принцот од Велс, Вилијам, и оддаде почит на својата баба, кралицата Елизабета Втора, во обраќање кое го објави палатата Кенсингтон. Обраќањето го пренесуваме во целот: „Во четвртокот, светот загуби извонреден лидер, чија посветеност кон земјата, кралството и Комонвелтот беше апсолутна. Толку многу ќе се зборува во деновите што следат за значењето на нејзиното историско владеење. Јас, меѓутоа, изгубив баба. И додека тагувам што ја загубив, се чувствувам и неверојатно благодарен. Имав корист од мудроста и уверувањето на кралицата до мојата петта деценија. Мојата сопруга имаше 20 години нејзино водство и поддршка. Моите три деца поминуваа празници со неа и создадоа спомени кои ќе траат цел живот. Таа беше покрај мене во моите најсреќни моменти. И беше покрај мене во најтажните денови од мојот живот. Знаев дека ќе дојде овој ден, но ќе помине некое време додека не почне вистински да се чувствува реалноста на животот без баба. И благодарам за љубезноста што ја покажа за моето семејство и за мене. И ѝ благодарам во име на мојата генерација што даде пример за служење и достоинство во јавниот живот кој беше од различна возраст, но секогаш важен за сите нас. Познати се зборовите на мојата баба која рече дека тагата е цената што ја плаќаме за љубовта. Целата тага што ќе ја чувствуваме во наредните недели ќе биде доказ за љубовта што ја чувствувавме кон нашата извонредна кралица. Ќе го почитувам нејзиниот спомен со тоа што ќе го поддржам мојот татко, кралот, на секој начин што можам“.

Принцот Вилијам и Кејт Мидлтон го напуштаат Лондон: Откриено е зошто се селат и каде ќе живеат со децата

Ристе Здравков — Wed, 24 Aug 2022 13:32:24 +0000

Принцот Вилијам и неговата сопруга Кејт Мидлтон го напуштаат Лондон со своите деца – пишува во соопштението објавено од палатата Кенсингтон. Иако учебната година е во тек, парот решил да го напушти Лондон, а причината ги изненадила сите. Имено, како што објаснија во соопштението, на децата сакаат да им овозможат „нормален“ живот и воспитување. Кејт и Вилијам ќе живеат со своите наследници во „колибата Аделаида“, која се наоѓа на околу 40 километри од Лондон, на имотот каде што се наоѓа и замокот Виндзор. Со овој потег тие ќе бидат поблиску со кралицата Елизабета Втора, но и со семејството Мидлтон, кое живее во истиот кварт. Сепак, Кенсингтонската палата ќе продолжи да биде нивна официјална резиденција, се вели во соопштението. Сè уште не се сигурни дали ќе имаат слуги во новата куќа, но голема е веројатноста дека ќе ја донесат дадилката која и помогнала на Кејт со децата, бидејќи децата веќе се навикнати на неа. Како што се наведува во соопштението, родителите на три деца, принцот Џорџ, принцезата Шарлот и принцот Луис, од септември ќе започнат во престижното училиште Ламбрук, во кое веќе има 615 деца, момчиња и девојчиња, на возраст од 3 до 13 години. Училиштето се наоѓа во близина на Виндзор, што ја прави кралицата Елизабета многу среќна. Директорот на училиштето Џонатан Пери изјави дека е многу среќен што децата од кралското семејство ќе бидат дел од нивниот тим и дека им посака многу успех во новата учебна година која започнува во септември. Во официјалното соопштение се наведува и дека Вилијам и Кејт сакаат да бидат „активни“ родители, кои ќе бидат целосно посветени на своите деца, нивното воспитување и образование. – Пред се тие и понатаму сакаат да бидат нормално семејство – се наведува на крајот од соопштението.

И Кејт Мидлтон ги крши кралските правила: Разменува нежности со принцот Вилијам во јавност (ФОТО)

Дарко Андоновски — Sat, 09 Jul 2022 15:51:55 +0000

За време на хуманитарниот поло натпревар во Виндзор, на кој учествуваше и принцот Вилијам, војводата и војвотката од Кембриџ ги изненадија присутните, но и фотографите, кои ја искористија приликата и овековечија моменти на нежност, на кои од нив не сме навикнати.

View this post on Instagram

A post shared by Gala (@galafr)

Вљубени и среќни, Кејт Мидлотн и принцот Вилијам овој пат не се двоумеја да си разменат прегратки и неколку бакнежи, а теренот го напуштија прегрнати. Среќата дополнително ја засили победата на тимот на Вилијам, како и собраните повеќе од милион долари кои ќе одат во различни добротворни задруги.

View this post on Instagram

A post shared by Marie Claire Russia (@marieclairerussia)

Инаку, одамна е познато дека кралицата Елизабета Втора, бабата на Вилијам, никогаш не се согласувала членовите на кралското семејство да разменуваат нежности во јавноста, но се чини дека идниот крал решил да воведе некои промени во монархијата. Војводите од Кембриџ неодамна донесоа одлука и се преселија од Лондон во Беркшир, со цел да бидат што поблиску до семејството, но и нивните деца Џорџ, Шарлот и Луис да растат далеку од љубопитната јавност. Родителите на Кејт Мидлтон живеат на само неколку километри од нив, во селото Баклбери, а почнаа да се шират гласини дека и нејзината сестра Пипа и нејзиното семејство бараат куќа во областа.

View this post on Instagram

A post shared by Revista ¡HOLA! (@holacom)