природен прираст – Kurir.mk

Намален природниот прираст на населението во земјава

Ивона Петрова — Wed, 01 Mar 2023 11:27:29 +0000

Државниот завод за статистика соопшти дека природниот прираст на населението во земјава е намален. Во четвртото тримесечје од 2022 година изнесува - 616 лица што значи дека за толку лица е помал бројот на живородените деца од бројот на умрените лица. Во четвртото тримесечје од 2022 година живородени се 4 427 деца и во споредба со истиот период од претходната година нивниот број е намален за 4,7 отсто. Бројот на умрените лица во четрвтото тримесечје од 2022 година бележи намалување од 26,8 отсто во споредба со истото тримесечје од 2021 година, односно 5 043 лицa, од кои девет се умрени доенчиња. Во ова тримесечје од годината се склучени 2 762 бракови и нивниот број е намален за два отсто во споредба со истиот период од 2021 година. За четвртото тримесечје од 2022 година се добиени 339 извештаи за разведени бракови, што претставува намалување од 39,1 отсто во споредба со истото тримесечје од 2021 година.

Природниот прираст негативен и покрај тоа што има повеќе родени а помалку умрени

Магдалена Андонова — Fri, 25 Feb 2022 13:53:03 +0000

Во четвртото тримесечје лани, во земјава се евидентирани 5 015 живородени деца, што е зглемување од 12,4 отсто во споредба со истиот период од претходната година, соопшти Државниот завод за статистика. Бројот на умрените лица во четвртото тримесечје од 2021 година е 7 186, од кои 34 се умрени новороденчиња и бележи намалување од 23,9 % во споредба со истото тримесечје од 2020. Природниот прираст е -2 171, односно за толку лица е помал бројот на живородените деца од бројот на умрените лица. Бројот на склучените бракови во ова тримесечје од годината е намален за 3,5 отсто во однос на истиот период во 2020 година, односно склучени се 2 707 бракови. За ова тримесечје се добиени 499 извештаи за разведените бракови, што претставува намалување за 5,3 проценти во споредба со истото тримесечје во 2020 година.

Природен прираст од 673 лица во третиот квартал, за 12 проценти повеќе разводи

Дарко Андоновски — Wed, 27 Nov 2019 13:08:16 +0000

Бројот на живородени деца во третиот квартал годинава изнесува 5.374 и во споредба со истиот период од претходната година, е намален за 7,4 проценти. Во третото тримесечје годинава имало 4.701 починато лице, за 2,2 проценти повеќе споредено со третиот квартал лани. Од вкупниот број починати, 14 се доенчиња, објави денеска Државниот завод за статистика. Природниот прираст изнесува 673, односно за толку лица е поголем бројот на живородените деца од бројот на умрените лица. Во третиот квартал биле склучени 4.302 брака, за 0,2 процента помалку во однос на истиот период лани, но се регистрирани 355 разводи или за 12,2 процента повеќе споредено со јули, август и септември минатата година.