Јавен повик за пријавување штети од природна непогода од поплави и град во Делчево

Катерина Бојаџиева — Mon, 12 Jun 2023 10:21:32 +0000

Граѓаните на Општина Делчево кои имаат материјална штета предизвикана од невремето што ја зафати Општина Делчево од денеска можат да поднесуваат пријави до Комисија за проценка на штети од елементарни непогоди од поплава и град. Образецот на пријавата за штета,како што информираа од Општината, можат да го подигнат од Eдношалтерската канцеларија во Oпштинта или да го симнат од веб-страницата на Општина Делчево. - Кон пријавата во прилог потребно е да приложат копија од лична карта со изјава за користење на личните податоци потпишана од подносителот на барањето, копија од трансакциска сметка, пријава и изјави за штети која можат да ја преземат од (Архива или од веб-страницата delcevo.gov.mk), информираа од Општина Делчево. Пријавувањето, како што додадоа, може да се врши во период од 10 дена. - Пријавувањето до 22.06.2023 година, секој работен ден од 7,30 ч до 15.30 ч. За дополнителни информации можат да се обратите кај лицето Кире Цоневски на телефонскиот број 078/705-513, додадоа од Општината. Воедно, Општина Делчево отвори донаторска сметка за собирање средства во хуманитарни цели. Сметката е со број 7200140320785N3 и е објавена на општинската веб-страница, а средствата собрани на оваа сметка ќе бидат наменети за санација на штетите од природната непогода од поплави и град што го зафати Делчево на 8 јуни 2023 година во попладневните часови.

Албанија прогласи состојба на природна непогода

Ивона Петрова — Wed, 25 Mar 2020 09:29:05 +0000

Албанската Влада прогласи состојба на природна непогода на целата територија на земјата во период од 30 дена. Донесувањето на оваа одлука значи дека Владата и општините имаат законска обврска да ги компензираат сите граѓани погодени од природната непогода. „Законот за цивилна заштита предвидува дека, во зависност од видот на вонредна состојба, владата треба да преземе мерки како што се: Назначување државни објекти за да им служат на граѓаните за засолниште, евакуација на граѓаните и сместување во во безбедни места. Владата и општините се законски должни да ги компензираат сите граѓани погодени од природни непогоди,пренесува Топ чанел телевизија. Одлуката на Владата доаѓа две недели по појавата на коронавирусот во земјата, стапува во сила веднаш. Заклучно со вчерашните објавени податоци во земјата од „Ковид-19“ заразени се 123 лица, десет од нив се излекувани, додека пет починале. Претходно прогласување состојба на природна непогода побара опозициската Демократска партија, која експресно ја поздрави одлуката на Владата. „Демократската партија ја поздравува одлуката за прогласување состојба на природна непогода пет дена по официјалното барање на опозицискиот лидер Љуљзим Баша,наведува партијата. За денеска исто така претседателот Илир Мета најави онлајн седница на Советот за национална безбедност, на која поканет за учество е и лидерот на Демократската партија, Љуљзим Баша.

природна непогода – Kurir.mk

Јавен повик за пријавување штети од природна непогода од поплави и град во Делчево

Албанија прогласи состојба на природна непогода