природни лекови – Kurir.mk

Природни лекови против кашлица

Катерина Бојаџиева — Tue, 02 Nov 2021 08:09:07 +0000

Пониските температури со себе носат и почести настинки кои може да предизвикаат кашлање. Иако лекарот треба да ја утврди дијагнозата и третманот, постојат помошни, природни лекови како мед, мајчина душичка и ѓумбир, коишто можат да ја спречат оваа непријатна појава. Кашлицата е природен рефлекс што се јавува кога нешто ви го иритира грлото или дишните патишта. Повремената кашлица е нормална, па дури и здрава, бидејќи му помага на телото да ги исфрли наталожените слуз и остатоци. Сепак, тоа не го прави помалку исцрпувачко, а понекогаш, и болно… Најчести причини за кашлица се: чад од цигари, бактериски инфекции, алергии, астма, бактериски и вирусни заболувања како настинка или грип. Кашлицата предизвикана од астма, инфекции и алергии треба да ја лекува лекар, но ако таа опстојува по вирусна инфекција или иритација, неколку природни состојки може да помогнат при лекување дома… Meд Медот делува слично како капките за кашлица – кога го консумирате, ја обложува слузницата на грлото, ублажувајќи ја болката и гребењето. Труд од 2007 година објавен во „Журналот“ за педијатриска и адолесцентна медицина посочува дека медот е поефикасен во лекувањето на ноќната кашлица отколку декстрометорфанот – вообичаен лек за кашлица. Медот има и противвоспалителни, антиоксидантни и антибактериски својства – што може да придонесат за смирувачко дејство. Овие својства помагаат во борбата против инфекциите и може да го зајакнат имунолошкиот систем. „Гаргара“ со солена вода „Гаргарата“ со солена вода може да помогне да се сузбијат бактериите и да се ослободи слузот во грлото. Тоа ќе помогне да се исчистат синусите и за побрзо ослободување од кашлицата. Солената вода, исто така, може да помогне да се намалат отоците и иритацијата предизвикани од постојаната кашлица. Ѓумбир Тој е тропско растение кое најчесто се користи како додаток во исхраната. Може да помогне во лекувањето на разни здравствени проблеми, а како оние во медот, биоактивните соединенија во ѓумбирот имаат антиоксидантни, антимикробни и антиинфламаторни својства. Ѓумбирот има и посилен вкус, којшто го стимулира лачењето плунка и помага против сува уста и грло. Корен од бел слез Се работи за растителен додаток за кој се смета дека ги смирува иритираните делови на грлото и устата. Корените и лисјата од бел слез содржат слуз која, кога се меша со вода, се создава нешто како гел, којшто го обложува грлото, слично како медот. Мајчина душичка За ова растение се смета дека ги смирува грчевите во мускулите, вклучувајќи ги и оние предизвикани од кашлање. За ублажување на кашлицата, може да се конзумира како билен чај или во облик на таблети.

Три природни лекови против анемија

Ивона Петрова — Fri, 14 Feb 2020 12:07:24 +0000

Доколку имате проблеми со анемија важно е исхраната да ја збогатите со состојки кои се природни лекови за оваа состојба. Во продолжение ќе прочитате зошто сусамот, спанаќот и доматот се одлични во борбата против анемијата. 1. Сусам Црното семе во сусамот е одличен извор на железо, а еве како да го употребите во борбата против анемијата. Ставете една лажичка сусам во вода и оставете да отстои два часа. Исцедете го сусамот и изгмечете го за да добиете паста. Додадете една лажичка мед и добро промешајте Земајте по една лажичка од пастата два пати дневно. 2. Спанаќ Само половина шоља спанаќ е се што ви е потребно да ја зајакнете крваната слика. Богат е витамините А, Б9 и Ц, железо, калциум и бета каротен. Вклучете го спанаќот во секојдневната исхрана, но внимавајте да не го преварите бидејќи на тој начин ќе го сманите нивото на оксална киселина која ја спречува апсорбцијата на железото. -Спанаќот додадете го во салата. Може да го измешате со целер, брокула, кељ и ќе добиете здрав и поинаков додаток за вашиот ручек. -Сварете половина шоља спанаќ за да направите супа. Додадете ги вашите омилени зачини и оваа вкусна супа јадете ја два пати дневно. -Во чаша со сок од листовите од спанаќ додадете две лажички мед. Овој сок пијте го секој ден, наредните 40 дена. 3. Домат Не е доволно да имате високо ниво на железо во крвта, потребно е и вашето тело да го апсорбира. Доматот е одлично решение за подобра апсорбција за железото. Богат е со витамин Ц. -Јадете свеж домат секојдневно. Внесувајте го во салата, сендвич или едноставно јадете го самостојно. -Испијте чаша сок од домат барем еднаш дневно. -Додајте домат во јадењата кои ги подготвувате.

Десет најмоќни природни лекови

Предраг Кукиќ — Fri, 21 Jun 2019 18:29:37 +0000

Луѓето со милениуми лекувале различни болести и состојби со помош на лековитите својства набилките, со храната или со комбинација на едното и другото, а бидејќи природните лекови во најголем број на случаи немаат никакви несакани споредни ефекти, и денеска многу луѓе ги користат наместо конвенционалните медикаменти. Освен тоа, билната медицина е всушност и темел на модерната медицина и има многу предности: го поттикнува природното лекување, попристапна е (финансиски) од конвенционалната медицина, има помалку или воопшто нус ефекти, го поттикнува имунитетот и ги стабилизира хормоните и метаболизмот. Еве кои се најмоќните природни лекови: Ѓумбир Ѓумбирот е силен природн лек против болки и воспалителни процеси, а има и антибиотски својства, без оглед на тоа дали го користите во свеж облик, како тинктура, лековито масло. Лук и кромид Имаат силно антибактериско дејство, делуваат против габички, а имаат и својства кој штитат од рак. Лукот е еден од најчесто користените прирдни антибиотици ширум светот. Ехинацеа Ехинацеата е исто така природен лек, со антибактериски својства. Помагапри настинка, грозница, воспалние на синусите, инфекции на увото, габични инфекции на стапалата (атлетско стапало). Мајчина душица Есенцијалното масло на мајчината душица има силно антимикробно и антисептичко својство. Мајчината душица во различниформи (чаеви, сирупи, тинктури и слично) лекува кашлица, бањата со есенцијално масло од мајчина душица ја смирува нервозата и ги ублажува болките во зглобовите. Кога се нанесува на кожата помага во ублажување на егземите, акните и слични проблеми. Мед За медот е познато дека уништува повеже од 60 различни видои бактерии. Каранфилче Есенцијалното масло одкаранфилчиња исто така делува антибактериски, а често се користи во лекување на проблемите со непцата (гингивитис, воспаление на непцата), го забавува создавањето на плак на забите и генерално го подобрува оралното здравје. Кокосово масло Исто така делува антибактериски, но и против габички и вируси, ако се зема орално, спречува продор на патогени организми во систеот на органите за варење. Масло од диво оригано Моќен природен лек против вируси, габи ибактерии. Има противвоспалително дејство, а помага кај проблеми со кожата (осип, псоријаза, егзем, акни, себореја), ја смирува забоболката, ја забавува парадентозата, помага за проблеми с варењето. Жолт корен Го подобрува здравјето на системот на органи за варење, ги ублажува симптомте на гастритис и цревни инфекции, а е прилично ефикасно и во борбата против хеликобактер пилори. Има антивоспалително, антибактериско и антигабично дејство. Корисен е кај инфекции со ешерихија коли, затоа што спречува лепење на оваа бактерија на ѕидовите на уринарниот тракт. Јаболков оцет Има силно антивоспалително дејство и ги ублажува симптмите на различни воспалителни процеси во организмот, од акни, преку гихт до артритис.