Патот Приштина – Скопје денеска и утре затворен за сообраќај

Ивона Петрова — Fri, 07 Dec 2018 08:16:47 +0000

Магистралниот пат од Качаник до Генерал Јанковиќ, односно до граничниот премин Блаце меѓу Косово и Македонија денеска и утре ќе биде затворен за сообраќај поради градежни активности на автопатот „Арбен Џафери“ што ги поврзува Приштина и Скопје, јавува дописникот на МИА од Приштина. Министерството за инфраструктура на Косово информира дека патот што ги поврзува Приштина и Скопје денеска ќе биде затворен од 9 до 12 и од 14 до 17 часот, а утре од 9 до 17 часот. МИА

Патот Приштина-Скопје се пушта во сообраќај за пет дена

Дарко Андоновски — Sat, 26 May 2018 12:57:26 +0000

Најдоцна за пет дена, односно пред 1. јуни, ќе биде пуштен во сообраќај патот Приштина-Скопје, на потегот Качаник-Генерал Јанковиќ, а набргу потоа ќе се отвори уште една делница на автопатот „Арбен Џафери“, која ќе ја поврзува Приштина со граничниот премин Блаце на границата со Македонија, јавува дописникот на МИА од Приштина. Заменик министерот за инфраструктура на Косово Реџеп Кадриу, во интервју за телевизијата КТВ, изјави дека на реконструкцијата на магистралниот пат Качаник-Генерал Јанковиќ се работи интензивно во две смени, додека многу бргу се очекува и пуштање во сообраќај на делницата Урошевац-Качаник од автопатот „Арбен Џафери“. - Во јуни ќе го отвориме автопатот до Качаник, но не можам да ви кажам дали тоа ќе биде на 1. јуни, бидејќи датумот треба да го одредиме заедно со премиерот (Рамуш) Харадинај, изјави Кадриу. Тој додаде дека работите на изградбата на автопатот до границата со Македонија ќе завршат пред крајот на годинава. Магистралниот пат меѓу Качаник и Генерал Јанковиќ беше затворен на 8. мај, со цел да се расчистат местата на кои често има одрони.

приштина-скопје – Kurir.mk

Патот Приштина – Скопје денеска и утре затворен за сообраќај

Патот Приштина-Скопје се пушта во сообраќај за пет дена