притворени – Kurir.mk

Во Тетово приведени повеќе лица од Албанија

Тале Кристо — Fri, 09 Sep 2022 14:06:53 +0000

Полициски службеници на СВР Тетово вчера (8 септември) околу 7 часот, на улица „Љуботенска“ во Тетово, поради непријавен престој на подрачјето, ги привеле Ф.К.(31), Б.К.(43),Е.Д.(25) и подоцна Х.И.(39), сите од Република Албанија. Тие се задржани во Полициската станица Тетово за натамошна постапка.

CPJ: Рекорден број притворени новинари во светот во 2021 година, најмалку 24 убиени

Тале Кристо — Thu, 09 Dec 2021 09:09:43 +0000

Во 2021 година во светот е регистриран рекорден број на приведени новинари, се наведува во новиот извештај на непрофитниот Комитет за заштита на новинарите (CPJ), во кој се прецизира дека дури 293 новинари се затворени до 1 декември годинава. Во истиот период се убиени најмалку 24 новинари при известување, а други 18 загинале во околности што го отежнуваат утврдувањето дали биле цел заради нивната работа, објави CPJ во своето годишно истражување за слободата на медиумите и нападите врз медиумите, што го објави денеска. Иако причините за затворање на новинарите варираат од земја до земја, рекордниот број ги одразува политичките превирања ширум светот и растечката нетолеранција кон независното известување, наведува оваа непрофитна организација со седиште во САД. -Ова е шеста година по ред како CPJ документира рекорден број новинари затворени ширум светот, изјави извршниот директор на CPJ Џоел Сајмон. „Бројот одразува два нераскинливи предизвици – владите се решени да ги контролираат и управуваат со информациите и тие се сè подрски во нивните напори да го сторат тоа“, се наведува во извештајот. Кина има најмногу затворени новинари, дури 50, потоа следат Мјанмар со 26, земјата во која новинарите најмногу беа апсени во воениот удар од 1 февруари и во екот на пресметките на воената хунта со демократските протести, потоа Египет со 25, Виетнам, со 23 и Белорусија со 19, наведува СPЈ.

МВР: 121 лице не ја почитувале забраната за движење, приведени 92 лица

Тале Кристо — Mon, 20 Apr 2020 08:09:49 +0000

Во текот на изминатиот ден (19.04.2020) на територијата на Република Македонија на 238 лица им се издадени решенија за изолација, а 108 лица потпишале изјави за самоизолација. Од страна на полициски службеници извршени се контроли кај лица во изолација и самоизолација и утврдено е дека едно лице не ја почитувало мерката за изолација. По однос на забраната за движење во текот на изминатите 24 часа евидентирано е дека на ниво на целата држава 121 лице не ја почитувало забраната за движење, при што приведени се 92 лица, а за останатите се земени податоци и ќе следуваат соодветни мерки, соопштија од МВР.

ВМРО-ДПМНЕ: Мерката притвор е злоупотребена, СДСМ никогаш нема да успее да ги замолчи сите кои се критички настроени кон нив

Ивана Ефремовски — Mon, 12 Feb 2018 09:47:41 +0000

Република Македонија го достигна дното. Република Македонија во моментов е единствена земја која има политички затвореници и е рамо до рамо со земјите во кои владеат режими, реагираат од ВМРО-ДПМНЕ. -Владата и судскиот систем во дослух едни со други монтираат политички случај и држат во притвор 3 месеци невини патриоти кои гласно говореле против aктуелните политики. Мерката притвор е злоупотребена. Невини глумци, режисери, пратеници, граѓани се држат во притвор во катастрофални услови каде што се изживуваат врз нив. Судот наместо да гарантира правда за сите, тој е најголем подривач на правниот систем. Наместо да гарантира заштита на Уставот и законите, Судот работи спротивно на нив и во дослух со Владата на СДСМ е најголем и најдиректен виновник за продлабочување на политичката криза, се наведува во партиското соопштение. Од ВМРО-ДПМНЕ порачуваат дека СДСМ никогаш нема да успее да ги замолчи сите кои се критички настроени кон нив. -Со секој изминат ден на невините патриоти во притвор, Судот го продлабочува јазот помеѓу наелектризираните страни во државата. Реваншизмот и одмаздата кои ни се случуваат во моментов еден ден ќе бидат ревидирани и сите одлуки ќе бидат преиспитани. Затоа, уште веднаш невините патриоти да се пуштат на слобода, порачуваат од партијата.

ВМРО-ДПМНЕ: Неправедно притворените мора да бидат ослободени

Дарко Андоновски — Fri, 12 Jan 2018 08:37:51 +0000

Граѓаните на Република Македонија вчера ја видоа сета деструкција на власта и анти-државните политики кои ги спроведуваат. Собранието без опозиција донесе неуставен закон за двојазичност со кој што се редефинира државата, реагираат во денешното соопштение од ВМРО-ДПМНЕ. -Истовремено власта ја задолжува Македонија за половина милијарда евра, пари кои ќе ги трошат за задоволување на мегаломанските потреби. Вицепремиерот Кочо Анѓушев ја продава сопствената компанија на грчка фирма, додека Никола Димитров е на тајни преговори во Солун за промена на името. Паралелно владата одлучува ТАВ да не гради карго аеродром во Штип со кој што економски ќе заживееше цела источна Македонија и ќе се обезбедеше економски просперитет на подолг рок, се наведува во соопштението. Како што истакнуваат од партијата, во вакви услови невини луѓе патриоти се носат со лисици пред суд, а потоа пред камери ги враќаат во притвор иако за тоа нема никаква основа. -Македонската јавност ги слушна аргументите изложени од нивната одбрана и се увери дека овие луѓе не се терористи туку жртви на политички прогон. Апелациониот суд може да го запре процесот на агонија во кој запаѓа општеството и да го врати принципот на владеење на правото како императив во својата работа. Судот ја има шансата како контролор на законитоста да го издржи притисокот и во интерес на демократијата и иднината на земјата да одлучува единствено врз база на закон. Судството мора да биде институцијата која во овие тешки времиња за македонската демократија ќе биде стожерот на државата. Судот ги има на увид сите докази и аргументи кои јасно и недвосмислено упатуваат на фактот дека делото тероризам за кое се товарат десетици македонски патриоти е чиста конструкција, која нема врска со правото. Судот ја има на увид и оценката на Народниот правобранител, кој јасно кажа дека се прекршени законите при приведување. Судот ги има на увид и фактите кои говорат дека правата на осомничените се ускратени и во истражниот затвор. Токму затоа треба да биде воден од совеста, да одлучува единствено врз база на закон, стои во партиското соопштение. Од ВМРО-ДПМНЕ потенцираат дека правосудството мора да биде стожерот на државата, бидејќи институциите се целосно разнишани, а, како што велат, пракса стана законите да се кршат за потребите на власта. -Демократијата е уништена. Со секој поминат ден Република Македонија е се подалеку од своите стратешки определби за членство во ЕУ и НАТО. Судот има шанса да застане во одбрана на правдата. Судот има обврска да застане во одбрана на аргументите. Само цврсто правосудство ќе создаде цврста држава. Неправедно притворените мора да бидат ослободени, велат од партијата во своето соопштение.

Ѓорчев: Продолжениот притвор го отежнува политичкиот дијалог, затворените треба да бидат со своите семејства

Ивана Ефремовски — Wed, 27 Dec 2017 19:14:17 +0000

Ѓорчев во своето кратко интервју за Канал 5 телевизија потврди дека дијалогот помеѓу власта и опозицијата ќе продолжи, но дека продолжениот притвор на 29 лица обвинетите за настаните од 27-ми април ја отежнува комуникацијата и политичкиот дијалог. Тој истакна дека овие луѓе за новогодишните празници треба да бидат дома со своите семејства, а не во притвор. Според Ѓорчев, политичкиот прогон кој се случува во Македонија не е во корист на никого во државата, раката од опозицијата е подадена, но тоа треба да биде двонасочна улица од едната и од другата страна. Пратеникот ја коментираше и изјава на Заев во која тој тврди дека нема можност да влијае врз судската власта. Тој вели дека Заев има доволен број на механизми да ја промени состојбата на овие луѓе. Меѓу другото опозицијата бара да се прифати предлог закон за амнестија на обвинетите за настаните од 27 април, за дојде до нормализација на политичкиот дискурс. -Овој закон би довел до намалување на тензиите во државата, потенцираше Ѓорчев. -Токму поради тоа и новиот претседател на ВМРО-ДПМНЕ ја подал раката на опозицијата, а сега на ред е власта која треба да одговори со дела, а не зборови, вели Ѓорчев. За Ѓорчев е најважно е оние луѓе кои се неправедно затворени кои имаат свои семејства, синови, ќерки, мали деца да бидат ослободени.

Советничката група на ВМРО-ДПМНЕ од Гази Баба изрази поддршка за неправедно затворените

Дарко Андоновски — Mon, 25 Dec 2017 13:23:03 +0000

Советничката група на ВМРО-ДПМНЕ и Коалицијата „За подобра Македонија“ најнапред изразува поддршка за неправедно затворените граѓани од Општина Гази Баба во врска со настаните од 27-ми април, ова на денешната прес-конференција го истакна Елизабета Стојменова од ВМРО-ДПМНЕ. -Како мнозинство во советот на Општина Гази Баба сакаме да го искажеме својот револт поради што градоначалникот на Општина Гази Баба, господинот Борис Георгиевски нема предвидени нови мерки против загадувањето, а истите им беа главна тема во нивната изборна програма. Бидејќи во изминатите два месеци не работеа на овој проблем се здобивме со титулата најзагаден град во светот, тоа е градот Скопје и најзагадена Општина Гази Баба, потенцира Стојменова. Таа додава дека тие сакаат да потенцираат дека постојано го напаѓаа ВМРО-ДПМНЕ и Коалицијата „За подобра Македонија“ за не преземање на мерки и проекти во врска со загадувањето за време на владеењето на ВМРО-ДПМНЕ. Исто така обвинуваа дека вината за големите поплави кои ја зафатија Општина Гази Баба е проблемот во ВМРО-ДПМНЕ, а истите денес не предвидуваат никакви мерки за заштита од пороите.