приведен – Kurir.mk

Приведен крадец во Битола, одземеното вратено на сопственикот

Тале Кристо — Mon, 30 Oct 2023 20:43:48 +0000

Полициски службеници од криминалистичката полиција на СВР Битола денеска (30.10) го лишиле од слобода Г.В.(45) од Битола поради основано сомнение за извршена тешка кражба во угостителски објект во Битола. Г.В. во службен разговор го признал делото, а пронајдени се и парите што ги одземал и вратени се на сопственикот. По документирање на случајот ќе биде поднесена соодветна кривична пријава.

Приведен криминалец баран со потерница за двегодишна затворска казна

Тале Кристо — Thu, 26 Oct 2023 12:41:16 +0000

Денеска (26.10.2023) полициски службеници од Оперативен тим потраги и од ОКР Гази Баба во 12:45 часот на ул.Бутелска во Скопје го лишија од слобода О.М. (47) од Скопје, кој бил баран со потерница по наредба на Основен кривичен суд Скопје за издржување на затворска казна од две години, а во врска со член 144 од КЗ на РСМ. Лицето ќе биде предадено на надлежната казнено поправна установа.

Приведено лице од Батинци, превезувало огревно дрво без документација

Тале Кристо — Fri, 15 Sep 2023 09:58:55 +0000

На 14.09.2023 околу 20.30 часот во с.Батинци, скопско, полициски службеници од Полициската станица Драчево го лишиле од слобода М.Џ.(24) од с.Батинци. Тој бил затекнат како со товарно возило „там“ врши транспорт на огревно дрво без документација. Возилото и дрвата биле одземени за понатамошна постапка, а лицето било приведено во полициска станица. По целосно документирање на случајот против него ќе биде поднесена соодветна пријава.

Приведен крадец во Скопје, одземеното вратено на сопственикот

Тале Кристо — Sat, 10 Jun 2023 08:45:36 +0000

На 08.06.2023 во 16.10 часот на крстосница од бул.„Гоце Делчев“ со ул.„Лазар Личеноски“ во Скопје, полициски службеници од Единицата за интервентна полиција при СВР Скопје го лишиле од слобода Б.О.(34) од Скопје. Тој се сомничи дека претходно со употреба на сила влегол во куќа на подрачје на Центар, при што одзел пари и други предмети. Тој бил задржан во полициска станица и со него бил извршен службен разговор. Одземеното било пронајдено и вратено на сопственикот. На 09.06.2023 тој бил изведен пред судија на претходна постапка кој му одредил мерка притвор.

Приведен разбојник во Скопје

Тале Кристо — Fri, 09 Jun 2023 12:31:17 +0000

Полициски службеници од ЕВР Ѓорче Петров при СВР Скопје денеска (09.06.2023) во Скопје го лишија од слобода П.Ј. (32) од Скопје поради основи на сомнение дека денеска околу 9 часот се обидел да изврши разбојништво во спортска обложувалница во с. Волково, скопско. Кај П.Ј. е пронајден пластичен пиштол и облеката што ја користел при вршење на кривичното дело. П.Ј. се сомничи и за други извршени разбојништва на подрачјето на Скопје. Тој е приведен во полициска станица и по целосно документирање на случајот, во координација со надлежен јавен обвинител, ќе биде поднесена кривична пријава.

ФОТО: Приведен надрилекар во гостиварско Врапчиште

Тале Кристо — Fri, 09 Jun 2023 12:17:38 +0000

На 08.06.2023 во гостиварско Врапчиште, полициски службеници од ОВР Гостивар го лишиле од слобода М.Ч.(33) од Република Турција. При претрес во куќа во содејство со Државен санитарен и здравствен инспекторат, која ја користел како ординација за надрилекарство, извршен со судска наредба, биле пронајдени и одземени поголема количина на таблети, медицинска документација, пари и други предмети. Лицето било задржано во полициска станица и по расчистување и документирање на случајот, против него ќе биде изготвен соодветен поднесок.

Приведен крадец од Гостивар

Тале Кристо — Tue, 06 Jun 2023 08:47:09 +0000

Полициски службеници од ОВР-Гостивар вчера во 16.00 часот го лишиле од слобода С.Б.(45) од Гостивар, осомничен дека извршил тешка кражба, при што од деловен објект на Ш.А.(31) од гостиварско Форино одзел пари. Од МВР денеска соопштија дека одземените пари биле пронајдени и вратени на сопственикот, а лицето било задржано во полициска станица. По целосно документирање на случајот против него ќе биде поднесена соодветна пријава.

Приведен крадец во Охрид, одземеното вратено на сопственикот

Тале Кристо — Wed, 24 May 2023 11:41:32 +0000

На 24.05.2023 во 02 часот во Охрид, полициски службеници од СВР Охрид го привеле З.С.(36) од селото Оморани, општина Чашка. Тој, претходно, на улицата „15 корпус“ во Охрид, од паркирано патничко возило „голф“ одзел паричник и документи. Предметите се вратени на сопственикот на возилото, а против сторителот ќе биде поднесена соодветна пријава.

Приведен насилник од гостиварско

Тале Кристо — Thu, 11 May 2023 14:14:08 +0000

Полициски службеници на СВР Тетово-Одделение за внатрешни работи Гостивар, денеска (11 мај) околу 10.15 часот го лишиле од слобода Б.Т.(48) од Неготино, полошко, кој десетина минути пред тоа бил пријавен дека агресивно се однесувал во објект на општина Врапчиште, во кој бил сместен Секторот за урбанизам. Според пријавеното, тој во една просторија ги заклучил вработените и го оштетил инвентарот и опремата во другите канцеларии на објектот. Набргу потоа, со судска наредба, извршен е претрес во неговиот дом, при што биле пронајдени три парчиња огнено оружје ( две ловечки пушки и пиштол) за кои поседувал соодветни дозволи. Б.Т. е задржан во Полициската станица Гостивар и по целосно расчистување и документирање на случајот ќе биде изготвен соодветен поднесок.

Приведено лице барано со потерница

Тале Кристо — Tue, 02 May 2023 13:14:03 +0000

Денеска (02.05.2023) во 10.30 часот во с.Сопот, кумановско, полициски службеници од Полициската станица за граничен надзор Сопот при Регионалниот центар за гранични работи Север го лишиле од слобода Х.Х.(22) од с.Сопот. Тој бил баран по централна потерница врз основа на наредба на Основен суд Куманово за издржување на затворска казна од девет месеци за сторено кривично дело по член 383 став 2 од Кривичниот законик. Лицето ќе биде спроведено во надлежната казнено-поправна установа за издржување на казната.