приведени две лица – Kurir.mk

Пронајдена дрога во Тетово, приведени две лица

Дарко Андоновски — Tue, 17 May 2022 08:52:04 +0000

Денеска (17.05.2022) во 00.35 часот во с.Камењане, полициски службеници од СВР Тетово – Полициско одделение Камењане го лишиле од слобода Б.М.(39) од Гостивар. При преглед кај него и во возилото „шевролет каптива“ со гостиварски регистарски ознаки, кое го управувал, биле пронајдени и одземени марихуана и дробилка со остатоци од марихуана. Во 03.00 часот на ул.„Борис Кидрич“ во близина на спортската сала во Тетово, полициски службеници од СВР Тетово го лишиле од слобода П.М.(27) од Тетово. При преглед во возилото „фолксваген шаран“ со тетовски регистарски ознаки, кое го управувал, бил пронајден и одземен кокаин. Двајцата биле приведени во полициска станица и по целосно документирање на случаите против нив ќе бидат поднесени соодветни пријави.

Приведени две лица за предизвикување општа опасност – едниот пукал со пиштол во воздух

Дарко Андоновски — Sun, 29 Aug 2021 13:43:41 +0000

На 28.08.2021 околу 17.45 часот на подрачје на Чаир од полициски службеници од СВР Скопје се лишени од слобода Р.И.(39) и М.И.(47) двајцата од Скопје, поради постоење основано сомнение за кривично дело „предизвикување општа опасност“ казниво по чл. 288 од Кривичен законик и кривично дело „недозволено изработување држење и тргување со оружје и распрснувачки материјали“ казниво по чл.396 од Кривичен законик, при што е одземен пиштол, две рамки и седум куршуми калибар 9мм. Претходно Р.И. бил забележан како пука од огнено оружје во воздух. Известен е јавен обвинител и по целосно документирање на случајот ќе биде поднесен соодветен поднесок.

Приведени две лица кои превезувале производи без потребна документација

Дарко Андоновски — Fri, 20 Aug 2021 13:32:53 +0000

На 20.08.2021 околу 07.15 часот на регионалниот пат од Скопје кон с.Танушевци, во близина на с.Бродец, од полициски службеници од Полициска станица Танушевци, во содејство со полициски службеници при Регионалниот центар за гранични работи Север, биле лишени од слобода А.А.(38) и Е.Е.(29), двајцата од Скопје, поради постоење на основано сомнение за сторено кривично дело „недозволена трговија“. Имено, при извршена контрола на товарно возило „фиат дукато“, со скопски регистарски ознаки, управувано од А.А., во кое сопатник бил Е.Е., биле откриени поголемо количество производи кои пријавените ги превезувале без да поседуваат соодветна документација, без декларација на производите и со невалидна испратница. Лицата се предадени на полициски службеници од Полициска станица Чаир за понатамошна постапка, а по документирање на случајот против пријавените ќе биде поднесен соодветен поднесок.