Македонци приведени и ставени во притвор во Србија: Познати нивните идентитети и делото кое го направиле

Ивана Ефремовски — Sat, 11 Apr 2020 12:06:36 +0000

Српката полиција приведе двајца државјани на Македонија, М. J. (1975) и А. J. (1992), со пребивалиште во Темерин (Војводина), под сомнение дека сториле кривично дело непостапување според законска регулатива за време на епидемија, соопштија од министерството за внатрешни работи. Како што јави дописникот на МИА од Белград, двајцата Mакедонци се сомничат дека во својот локал во Темерин им служеле пијалоци на гостите, со што ги прекршиле прописите за работа за време на епидемија. Ним им е одреден притвор до 48 часа, а ќе им бидат поднесени и кривични пријави до Основното јавно обвинителство во Нови Сад.

Приведени седум македонски државјани кои се бореле во Сирија и Ирак

Дарко Андоновски — Tue, 07 Aug 2018 06:27:35 +0000

Министерството за внатрешни работи и надлежните институции на Република Македонија во соработка со партнерите од Глобалната коалиција за борба против тероризмот и Сириските Демократски Сили, денеска приведоа седум македонски државјани за кои постојат основани сомненија дека како странски терористички борци активно учествувале во војните во Сирија и Ирак. Станува збор за македонските државјани С.Р. 1990, Џ.А. 1993, Б.Ф. 1994, О.Ж. 1987, Е.О 1994, И.Ш. 1977, А.М. 1995, за кои е распишана меѓународна потерница и за кои според член 322а и 394а од Кривичниот законик на Република Македонија се поднесени кривични пријави во рамки на полициските акции „Ќелија 1“ (август 2015) и „Ќелија 2“ (јули 2016), соопшти МВР. - Во рамки на глобалната коалиција за борба против тероризмот, Република Македонија продолжува и понатаму со континуирани активности во насока на детектирање, идентификување, неутрализирање и кривично гонење на странски терористички борци. Република Македонија како една од земјите коja ги прифати резолуциите 2178 (2014) и 2396 (2017) на Советот за безбедност на Обединетите Нации, презеде обврски за кривично гонење на своите државјани кои како странски терористички борци учествувале во кризните боишта во Сирија и Ирак и нивно враќање во матичната земја, почитувајќи го домашното и меѓународното право, како и основните човекови права и слободи. Оваа акција е уште еден показател дека институциите на Република Македонија имаат капацитет и кредибилитет да се справат со актуелните безбедносни предизвици и се сериозен партнер во Глобалната коалиција за борба против тероризмот. Согласно Националните стратегии за спречување на насилен екстремизам и борба против тероризмот, Република Македонија спроведува програми за дерадикализација на странските терористички борци во затворите, презема активности за зголемување на свесноста за ризикот и заканите од тероризмот и ги зајакнува механизмите за превенција од радикализација на локално ниво, се вели во соопштението од МВР.

приведени македонци – Kurir.mk

Македонци приведени и ставени во притвор во Србија: Познати нивните идентитети и делото кое го направиле

Приведени седум македонски државјани кои се бореле во Сирија и Ирак