приведено лице – Kurir.mk

Приведен криминалец од Арачиново, баран со потерница

Катерина Бојаџиева — Mon, 30 Oct 2023 14:05:37 +0000

Полициски службеници од Оперативен тим потраги при СВР Скопје, денеска во 12:15 часот во скопското село Арачиново го лишиле од слобода Ф.К.(54) од село Арачиново. Како што информираат од МВР, тој бил баран по централна потерница врз основа на наредба на Казнено – поправната установа Затвор Идризово за издржување на казна затвор од пет години и девет месеци. Лицето ќе биде предадено во надлежната казнено – поправна установа за издржување на казната.

Приведен гостиварец, пронајдени дрога и оружје

Катерина Бојаџиева — Sat, 28 Oct 2023 11:25:53 +0000

Полициски службеници од СВР Тетово вчера (27 октомври) околу 18 часот и 40 минути, на улица "Вонвардарска" во Тетово, го лишиле од слобода М.Т.(28) од гостиварско Неготино. При негов и преглед на патничкото моторно возило „бмв" со гостиварски регистарски ознаки, кое М.Т. го управувал, биле пронајдени и одземени: ловечка пушка со 3 патрони, пиштол со 5 куршуми калибар 7,65 милиметри и марихуана. Пушката и пиштолот тој ги поседувал без потребните документи. М.Т. е задржан во Полициската станица Тетово за расчистување и документирање на случајот, по што ќе биде поднесен соодветен поднесок.

Приведена кумановка, расчистени две кражби во куќи во Куманово

Катерина Бојаџиева — Tue, 24 Oct 2023 12:19:18 +0000

На 23.10.2023 во 13.15 часот, полициски службеници од СВР Куманово ја лишиле од слобода М.З. (25) од Куманово поради основи на сомнение дека истиот ден влегла во две куќи во Куманово и одзела предмети и пари. Дел од предметите биле пронајдени и вратени на сопствениците. М.З. била приведена во полициска станица и по целосно документирање на случајот против неа ќе биде поднесена соодветна пријава.

Приведен скопјанец за издржување двегодишна затворска казна

Катерина Бојаџиева — Wed, 04 Oct 2023 12:57:30 +0000

Денеска (04.10.2023) во 14.00 часот на бул. „Мајка Тереза“ во Скопје, полициски службеници од Оперативен тим потраги при СВР Скопје го лишиле од слобода М.Д.(59) од Скопје. Тој бил баран по централна потерница врз основа на наредба на Основен кривичен суд Скопје за издржување казна затвор од две години за сторено кривично дело „затајување“, по член 239 од Кривичниот законик. Лицето било предадено во Полициска станица Центар за понатамошна постапка, по што ќе биде спроведено во надлежната казнено-поправна установа за издржување на казната.

Приведено лице од Скопје за издржување затворска казна

Ивана Ефремовски — Wed, 04 Oct 2023 12:05:18 +0000

Денеска (04.10.2023) во 13.15 часот на бул.„Димитрија Чуповски“ во Скопје, полициски службеници од Оперативен тим потраги при СВР Скопје го лишиле од слобода К.Ј.(39) од Скопје. Тој бил баран по централна потерница врз основа на наредба од Основен кривичен суд Скопје за издржување затворска казна за сторено кривично дело по член 131 од Кривичниот законик. Лицето било предадено во Полициска станица Центар за понатамошна постапка, по што ќе биде спроведено во надлежната казнено-поправна установа за издржување на казната.

Приведен криумчар од неготинско, пронајдени 320 литри акцизна стока

Катерина Бојаџиева — Mon, 02 Oct 2023 07:43:12 +0000

На 01.10.2023 во 15.20 часот на наплатната станица Градско, полициски службеници од Мобилната единица за компезаторни мерки при Одделот за гранични работи и миграции во Биро за јавна безбедност го привеле К.Ц.(23) од с.Тимјаник, неготинско. При преглед во патничкото возило „мерцедес“, кое го управувал, бил пронајдена и одземена акцизна стока, односно 17 туби со вкупно 320 литри алкохолен пијалак без никакви документи. Лицето било задржано во полициска станица, а за настанот била известена Царинската управа. По целосно документирање на случајот против него ќе биде поднесена соодветна пријава.

Приведена жена од Куманово, затекната при кражба

Катерина Бојаџиева — Thu, 28 Sep 2023 09:48:34 +0000

На 27.09.2023 во 08.25 часот во Куманово, полициски службеници од СВР Куманово ја лишиле од слобода М.З.(24) од Куманово. Таа била затекната при обид да одземе предмети од приватен имот на улицата „Драган Стопаревиќ“ Куманово. М.З. била приведена во полициска станица и по целосно документирање на случајот против неа ќе следува соодветна пријава.

Претрес во прилепско Дебреште, пронајден пиштол, приведено едно лице

Катерина Бојаџиева — Wed, 27 Sep 2023 08:18:10 +0000

На 26.09.2023 во с.Дебреште, прилепско, полициски службеници од ОВР Прилеп го лишиле од слобода И.И.(53) од с.Дебреште. При претрес во неговиот дом, извршен со судска наредба, биле пронајдени и одземени пиштол калибар 7.65 мм, рамка за пиштол калибар 7.65 мм и други предмети. Лицето било задржано во полициска станица и по целосно документирање на настанот против него ќе следува соодветна пријава.

Приведено лице од Студеничани за бесправно градење

Катерина Бојаџиева — Tue, 26 Sep 2023 11:32:39 +0000

Единицата за економски и компјутерски криминал при СВР Скопје поднесе кривична пријава против М.М.(33) од с.Цветово, општина Студеничани, поради постоење основи на сомнение за сторено кривично дело „бесправно градење“ по член 244-А од Кривичниот законик. Во текот на мај 2023 година, при извршен инспекциски надзор од овластен градежен инспектор од општина Сопиште, пријавениот бил затекнат како на катастарска парцела во негова сопственост гради објект без да поседува одобрение за градење издадено од општина Сопиште.

Приведена гостиварка за издржување на мерка притвор

Катерина Бојаџиева — Tue, 26 Sep 2023 11:12:15 +0000

На 25.09.2023 околу 12.30 часот на улица „Душко Поповиќ“ во Гостивар, полициски службеници на СВР Тетово - Одделение за внатрешни работи Гостивар, со судска наредба ја привеле 39-годишната гостиварка Е.Ј. за издржување на мерка притвор. Таа била спроведена во Казнено-поправната установа Затвор Скопје за издржување на мерката.