привлекување – Kurir.mk

Што ги привлекува жените?

Ристе Здравков — Mon, 18 Sep 2023 10:21:59 +0000

Честа машка дилема е – што ги привлекува жените? Што всушност жените сакаат од мажите? Мажите имаат сопствена идеја за тоа кој е добар фраер, а кој не е, кои особини се пожелни, но таа идеја често пати не се поклопува со женското мислење. Ако сакаат таа дилема да ја решат и отворено да прашаат некоја жена за тоа, ќе се разочараат. Не само што секоја жена ќе има некоја своја престава за тоа како треба да биде идеалниот маж, туку и затоа што многу често не умеат рационално да објаснат зошто им се допаѓа ова или она. Сега некој злобник би можел да каже дека жените и онака не се познати по рационалното расудување, но тука не се работи за тоа. Тука станува збор за она што жените го сметаат за привлечно, како и причините за тоа. Се работи за тоа што девојчињата релативно рано формираат престава за тоа каков би требало да биде „принцот на бел коњ“. Случувањата и искуствата низ кои поминуваат девојчињата помеѓу својата трета и десета година најмногу ќе влијаат на нејзиното формирање на идеата за идеален маж. Што се однесува до физичкиот изглед, може да се случи да и се допадне широки рамења на кои им се восхитувала додека била мала, а спасувач со широки рамења ја спасил, можеби во некој момент се изгубила и расплакала, а чичко со топли смеѓи очи ја сослушал и и помогнал да ја најде мама. Во такви случаи несвесно ќе ги поврзува широките рамења и смеѓите очи со сигурност и топлина – а лесно може да се случи да не се сеќава на случките и затоа да не се сеќава зошто баш тие физички карактеристики и се допаѓаат. Приказната е слична и за особините. Она што девојчето го доживеало како особини кои и годат, или кои што научила да ги поврзува со мажевноста, како жена ќе бара и ќе сака да ги има идниот маж. Може да дојде и до стекнување на спротивставени искуства – да речеме крупен, груб маж истовремено да биде гледан и како застрашувачки и како некој кој што може да ја заштити, па жената подоцна може истовремено да се плаши од такви мажи, но и да сака да биде со нив. Како да знаете што ќе ја привлече жената за која сте заинтересирани? Нема начин тоа да го дознаете, освен да ја запознаете и да научите што е тоа што таа го цени. Нејзината престава за идеален маж таа ја формирала во детството, а вие тешко можете однапред детално да знаете какво и било детството и што и оставило најсилни впечатоци. Ви останува само да пробате – и да се надевате на најдоброто.

Неверојатен трик за привлекување на богатство: Ставете го ова во паричникот и очекувајте чуда!

Магдалена Андонова — Wed, 16 Nov 2022 15:26:01 +0000

Ритуалното значење на растенијата отсекогаш им било познато на многу народи, а некои од нив редовно се користат како шарм за привлекување среќа, љубов и богатство. Има различни ритуални намени, на пример, жалфија, која поради силниот мирис и силните масла се користи за темјан на куќата. Се верува дека може да ја отфрли негативната енергија и да го освежи просторот во кој ќе влезе здравјето и изобилството. Нането се почитува и често се користи поради неговите здравствени придобивки, а во ритуалите се користи како амајлија за заштита на семејството и неговата благосостојба. Третото растение кое се користи во бројни обреди за привлекување богатство е ловорот. Нејзините миризливи листови се популарен зачин и имаат лековити својства. Сепак, верувањето вели дека треба да се чува во куќата, на тајни места каде што се чува вашата „златна резерва“ на пари. Секое од овие три листови, народот смета дека вреди да се чува во паричникот, за постојано да се слеваат пари во него. За секоја потрошена пара ќе има три, велат старите, ако паметно се троши и почитува се што ќе потроши. Исто така, парите во паричникот треба да бидат уредно наредени, а од него мора да ги отстраните старите сметки. Тие треба да се чуваат во посебна кутија во куќата, а исто така треба редовно да се средуваат.

Какви мажи најмногу ги привлекуваат жените?

Ристе Здравков — Sun, 13 Feb 2022 09:31:42 +0000

Енергијата на самодоверба е она што сите ги претвора во неверојатно привлечна личност и личност кон која сите се вртат. Повеќето жени сакаат самоуверени мажи кои не мора да се поврзуваат со дебели банкарски сметки или добар автомобил, па дури и со нечија естетика. 1. Мажите кои се сигурни во себе емитуваат многу харизма и веруваат во себе. Кога влегуваат во просторија, носат многу енергија што им сигнализира на другите дека пристигнале. Тие не делуваат како освојувачи туку како познавачи на ситуации и личности кои се во просторијата. 2. Секогаш е заштитнички натсроен, но такво однесување кое не задушува, туку е сосема природно и луѓето се чувствуваат безбедно во негово друштво. Не посегнува по озборувања, нема краток фитил и во сѐ ја бара позитивната страна. 3. Не се фокусира се на вашите недостатоци и не се жали премногу. не игра улога на жртва ниту оди на таа карта. Храбро се справува со сите работи. 4. Се чувствува добро во својата кожа. Не изгледа како фитнес модел или личност како од Instagram, но разбира колку е важно да се има физичка активност. Тоа е и можност да запознава нови пријатели. 5. Емитуваат позитивна енергија така што се слабо депресивни и нивната насмевка ви ја пренесуваат како и љубовта што треба да ви ја дадат.

МАГНЕТ ЗА ПРИВЛЕКУВАЊЕ ПАРИ: Шест фенг шуи совети за вашата заработка да биде повисока

Ристе Здравков — Mon, 17 Jan 2022 08:15:24 +0000

Шест важни Фенг Шуи совети за поголем проток на пари во вашиот дом. Според фенг шуи, со правилно поставување на работи низ куќата, можете да влијаете на поголема заработка. Поентата е во тоа да создадете услови во вашиот живот за непрекинат проток на животна енергија, што исто така ќе обезбеди благосостојба. Еве шест важни совети за да внесете повеќе пари во вашиот дом. 1. Поправете сè што е расипано: особено славините и покривот ако прокиснува Според фенг шуи, водата може да значи две работи: пари и емоции. Водата тече, а парите и емоциите се вид на енергија што, повторно, како и водата, имаат свој проток. Затоа поправете ги славините ако истекува вода од нив. Или покривот што протекува. 2. Затворете го капакот на WC школката Бањата е одличен „потрошувач“ на позитивна енергија. Водата од чешма ја носи во одводот, а енергијата се троши и со испирање на тоалетот. За да избегнете непотребна потрошувачка на енергија, затворете го капакот на тоалетот, особено при пуштање вода. Исто така, ако не ви е многу лудо, би било добро да врзете црвена панделка на цевката зад шолјата, што, според правилата на фенг шуи, ќе ги заштити вашите финансии. 3. Уредете ја влезната врата Многу е важно влезната врата да „посакува добредојде’’. Отстранете ги сите непотребни работи (ѓубре, стари чевли…), бидејќи тие ќе го блокираат патот на позитивната енергија. Исто така, проверете дали работи ѕвончето, за да можете да слушнете кога ќе ви заѕвони некоја деловна можност. Адресата и бројот на куќата (или станот) мора да бидат лесно видливи, така што енергијата може брзо да се најде до вашиот дом. 4. Погледнете лево Кога ќе поминете низ влезната врата, што има од левата страна на просторијата каде што сте? Според старото тибетско учење, тој дел од вашиот дом е важен за парите. Што има таму? Дали работите се уредно наредени или се во целосен хаос? Ако сè е натрупано и неорганизирано, можно е вашите финансии да се во истиот хаос. Но, ако во тој дел има растение кое брзо напредува и воодушевува со својот мирис – очекувајте да напредуваат и вашите финансии. На sидовите ставете слики од природата, дрвја, водопади, едрилици, реки, галопирачки коњи … Секоја од овие слики ја симболизира слободата и предизвикува позитивна енергија. 5. Дали имате печка на дрва или камин? Можеби треба Според учењето на фенг шуи, шпоретот на дрво симболизира изобилство и богатство, но треба да внимавате да е секогаш чист и редовно да го одржувате оџакот. На овој начин ќе го отворите патот до енергија што ќе овозможи создавање на повеќе деловни можности, а со тоа и заработка. 6. Научете да ги цените парите По претходните пет чекори, време е да се справите со сопствениот став кон парите. Можеби имате деформација на сликата за пари и богати луѓе уште од детството. И можеби е време да го промените вашето мислење. Започнете да гледате на парите како награда за добрите дела, љубезноста, интелигенцијата и посветеноста кон другите. Без разлика дали трошите, штедите, примате или давате пари, секогаш бидете благодарни во животот. Вашиот оптимизам и позитивна енергија ќе делуваат како магнет за привлекување пари.

Пет изненадувачки факти за љубовта и привлекувањето

Ристе Здравков — Wed, 22 Dec 2021 08:38:27 +0000

Сите знаеме дека љубовта е едно неверојатно, прекрасно чувство. Еден од најубавите начини да ја почувствуваме магијата на животот е да бидеме вљубени. Сепак, психолозите откриле дека љубовта е многу посложена отколку што веруваме, а ова се дел од фактите за љубовта кои сигурно ќе ви се чинат изненадувачки. 1. Љубовта е сложена Она за кое верувате дека се должи како резултат на љубовната магија, всушност е комбинација од страст, привлечност и приврзаност која може да доведе до различни емоции почнувајќи од задоволство па сè до болка. Според истражувачите, хормоните серотонин, допамин и адреналин контролираат кого нè привлекува преку регулирање на нашето однесување во мозокот, придонесувајќи да се чувствуваме возбудено. Мозочните хемикалии или невропептиди како окситоцин и вазопресин од друга страна, ја регулираат нашата врска со друго лице. 2. Љубовта може да го намали апетитот Сте се запрашале ли зошто понекогаш пеперутките во стомакот ве тераат да заборавите на секакво чувство на глад? Факт е дека кога сте заљубени не се чувствувате гладни како вообичаено. За време на фазата на привлечност, во мозокот се ослободуваат во големи количини хормонот на среќата или допамин, хормонот на љубовта или окситоцин и хормонот на стрес норепинефрин. Овие хормони го потиснуваат вашиот апетит и придонесуваат да се чувствувате еуфорично и мрзеливо. Тоа понекогаш може да резултира и со губење на тежината и несоница. 3. Љубовта е зависност Научниците покажале дека љубовта може да биде позитивна зависност. Според едно истражување од 2016 година, симптомите на раната фаза на интензивна, романтична љубов како еуфорија, желба, зависност, повлекување, се слични со симптомите на зависност од дрога. За среќа, овие симптоми исчезнуваат како што напредува љубовната врска. 4. Љубовната болка може да биде вистинска Не можете да се однесувате нормално секогаш кога ви недостига партнерот? Кога сте вљубени, се зголемува нивото на хормонот на стресот кортизол кој од друга страна може да доведе до занемарување на имунитетот. Истражувања покажале исто така дека партнерите можат да си влијаат еден на друг во поглед на менталното и физичкото здравје, па така здравствените проблеми на едниот можат да влијаат врз целокупната благосостојба на другиот. 5. Љубовта е лек Дали знаевте дека интензивното чувство на страсна љубов може да помогне при ублажувањето на болката? Љубовта може да ја зголеми или намали нашата перцепција за болка во зависност од нашата индивидуална психолошка регулација на чувствата. Љубовта е поврзана со функционалната врска на мозокот и помага да се контролира болката.

Еве како едноставно да откриете дали само ве привлекува личноста или навистина сте заљубени

Ристе Здравков — Sat, 15 Aug 2020 18:20:29 +0000

Интензивната интимна привлечност навистина може да го замати здравиот разум и интуицијата дури и кај најразумните луѓе, а причината за ова лежи во основните човечки потреби. Во раната фаза од една врска, токму ваквото влијание на физичката привлечност и улогата на хормоните, може да предизвикаат да имаме сосема погрешна слика за личноста со која сме во врска, односно привлечноста ќе ја ставиме над сите работи и така лесно може да се занемарат недостатоците кај партнерот. За таа цел, психологот Џудит Орлов во нејзината „Водич низ интуитивното исцелување“ ни открива како лесно и едноставно да сфатиме и да откриете дали вашиот партнер само ве привлекува физички или навистина сте заљубени во него.

Знаци дека само ве привлекува

Целосно сте фокусирани на изгледот и телото на личноста
Ве интересираат само интимните односи, но не и разговорот и комуникацијата
Повеќе би сакале врската да ја одржувате на нивно на фантазија отколку да разговарате за вистинските чувства.

Повеќе би сакале да ја оставите личноста веднаш после интимните односи отколку да спиете со неа, да се гушкате и да го поминете следното утро заедно.
Вие сте љубовници, но не и пријатели.

Знаци дека навистина сте заљубени

Покрај интимните односи, сакате да поминувате квалитетно време заедно со личноста
Се губите во разговорот со личноста и не сфаќајте дека поминувате долги часови во вашето дружење
Сакате искрено да ја сослушате таа личност, да ги разберете нејзините чувства и да сакате да истата да биде среќна и исполнета.

Тој или таа ве мотивираат да бидете подобра личност.
Сакате да се запознаете нејзиното (неговото) семејство и пријатели.

Пет навики на исклучително привлечните жени- дали сте меѓу нив?

Катерина Бојаџиева — Wed, 27 Feb 2019 19:46:29 +0000

Што е тоа што ја опишува атрактивната жена, она која совршено комуницира со својата женственост и се чувствува одлично во својата кожа? Сигурност, интелегенција или став? Едно е јасно: таа совршено е релаксирана, освојува со поглед, гест и движење на телото. Но освен тоа тоа, таа има пет изразени навики кои ја одвојува од толпата. 1. Атрактивните жени не влегуваат пребрзо во интимни односи Оваа жена е многу опуштена и ужива во љубовта, но сака да чека пред да се одлучи за интимност со нов партнер, осбено ако сака сериозна врска и искреност. Таа едноставно знае дека брзањето со физички однос има преголема цена. Сексот предизвикува лачење на окситоцин - „дрога“ на љубовта, а под нејзино дејство партнерот може да ни изгледа како наша сродна душа, но таквата илузија често завршува со неуспех. Посакуваните жени излегувањата ги гледаат како можност за запознавање. Додека одржуваат дистанца и објективност можат полесно и посигурно да ја проценат личноста која само бара добра забава. Таквите жени никогаш не брзаат и не дозволуваат нетрпеливост и притисок врз нив. 2. Тие се страствени во се што прават Дамата која зрачи женственост не е зависна од нејзиниот партнер, не се држи со сите сили за него. Мажот го прави нејзиниот живот поубав, но тој не го претставува нејзиниот живот. Додека многу жени погрешно го спојуваат својот живот со животот на партнерот со надеж, дека ќе достигнат многу блискост, опуштената и сигурната жена знае дека нејзината независност не е пречка, туку шанса за поубава и побогата врска. Привлечна е и онаа жена која својот живот го исполнува со интересни и вредни активности, осмислува цели и ги достигнува, а често има и целосно одвоена кариера, хоби и банкарска сметка. 3. Тие се емоционално стабилни Жените кои се одликуваат со женственост и сила во голема мера се стабилни и смирени и знаат да ја контролираат нивната лутина. Посакуваните жени знаат дека среќата потекнува од внатре, спротивно на сите надворешни извори кои ги опкружуваат. Затоа тие создаваат стабилност со тоа што успеваат од различни извори да ги задоволат своите емотивни потреби: го негуваат својот психички и духовен живот, одржуваат добри пријателства, вежбаат, се ослободуваат од стрес со различни техники на опуштање и на тој начин со партнерот можат да бидат потоли, понежни, полни со разбирање и љубов. Ваквите жени знаат дека само со урамнотежен живот можат да имаат среќна и успешна врска. 4. Тие ги познаваат своите граници Силните и привлечните жени не се плашат да зборуваат и слободно да ги изразуваат ставовите. Тоа особено се однесува на границата која сакаат да ја постават во врската. Жените кои се однесуваат како „крпа за бришење“ не будат желба и интерес кај мажите. Женствените и силни жени не се толку тешки и не бараат посебен третман. Тие едноставно очекуваат одредено ниво на почитување и не се плашат да ги изразат своите потреби. 5. Тие не ги следат стереотипите и не избрзуваат во донесување одлуки Жената денес се бори со голем број притисоци: што да јаде за да биде слаба, кога е вистинско време за мажење, кога треба да раѓа... Сепак, таквото брзање не само што му пречи на развојот и зацврстувањето на женственоста, туку доведува и до погрешни избори и големи потешкотии при разделбите. Привлечната жена е сигурна во себе и својот квалитет, во целост ги држи уздите на животот во свои раце и го следи својот љубовен однос од ден на ден. Ако почувствува дека тоа сепак не е искрено и вистинско партнерство, побрзо се одлучува за самотија, а со моќната женственост таа самотија никогаш не трае предолго.

Хороскопот открива на кој начин ги привлекувате другите

Катерина Бојаџиева — Thu, 07 Feb 2019 20:29:40 +0000

Секоја личност е атрактивна на свој начин. Но, всушност хороскопот открива на кој начин ги привлекувате другите. Овен – страст Независни и импулсивни, овие личности точно знаат како да го привлечат вниманието и да освојат на „прва топка“. Не е лесно да се биде во нивно друштво, но онаа личност што ќе успее, целосно го заслужува нивното внимание. Со нив, никогаш не е досадно, тие постојано се во движење и подготвени за акција, а за многумина тоа е многу привлечно. Бик – успех Има ли нешто што е посекси од личноста и точно знае што сака? Што и да прават претставниците на овој знак, го прават како што треба, успешно и со многу верба во себе, а иста е ситуацијата и на полето на љубовта. Тие се даваат максимално, прават сè за оние што ги сакаат и за кој ќе проценат дека е вреден за нивниот труд и борба. Ретко кој може да одолее на нивната енергија. Близнаци – комуникативност На шегите на Близнаците ретко кој останува рамнодушен. Тие умеат да бидат остри на јазик и знаат да повредуваат често, но исто така знаат и опаснo да заведат и да ги освојат другите. Тие се оние личности во кои можете да се заљубите само слушајќи ги или пак надмудрувајќи се со нив. Рак – непредвидливост Раковите се личности кои кога сакаат, сакаат до крај и тешко се откажуваат од својот партнер. Спеак освен тоа што се нежни, секогаш расположени за љубов и предадени партнери, тие освојуваат и со својата непредвидливост - во еден момент се мили, фини и добри, а друг момент се диви и расположени. Секако, со нив никогаш не е досадно. Лав – шарм Луѓето родени во овој знак лесно се забележуваат. Тие се шармантни и имаат магнетска привлечност на која веднаш „ќе паднете“. Обично се издвојуваат од останатите во друштвото, самоуверени се, знаат што сакаат и знаат како тоа да го добијат. Тешко е да се остане рамнодушен на нивниот шарм, но исто така тешко е да се следи нивниот темперамент. Девица – интелигенција Знаете веќе дека интелигенцијата е многу секси. Лесно е да засакаме некого поради неговиот изглед, но кога некој ќе ве освои со неговиот мозок, тогаш тоа е тоа вистинското. Тоа се оние луѓе кои играат на таа карта. Со нив нема досадни разговори и нерешливи проблеми. Вага – чувствителност Но, во позитивна смисла. Вагите се грижливи, внимателни и секогаш ќе бидат тука за вас кога ќе ви бидат потребни. Ако некому му е потребен вистински заштитник, тогаш тоа ќе го добие од родените во овој знак. Шкорпија – таинственост Ако некој е мистериозен и мрачен, тоа се Шкоприите. Но, тоа и ги прави атрактивни и неодоливи. Малку драма и силни емоции не се на одмет за оние луѓе кои навистина ги сакаат. Тоа е нешто што морате да го прифатите доколку сакате да сте блиску до Шкорпиите. Сепак, таа нивна изразена чувствителност и драматичност се дел од нивниот шарм. Стрелец - добрина Стрелците се добри, мили и драги и веднаш можат да ги освојат останатите. Тие се бескрајно симпатични личности кои се дружељубиви, грижливи, но и откачени и забавни. Родените во овој знак се одлично друштво за сите прилики. Освен тоа, тие се природни и посветени на оние кои ги сакаат. Јарец – молчаливост Тие се карактеризираат со молчаливост која се граничи со мудрост и таинственост и токму затоа се многу привлечни за останатите. Јарците се шармантни што и да прават, како и да се однесуваат и секој гест може да ве освои. Тие имаат „нешто“ што ги издвојува од останатите. Водолија – минимализам Родените во овој знак се мирни личности кои не прават ништо посебно за да ве освојат и токму во тоа лежи нивниот шарм. Тие се креативни, уметнички души кои му се потребни на светот, бидејќи различно гледаат на него од останатите. Риби – флексибилност Рибите се многу емотивни, нежни и прилагодливи. Без оглед на тоа дали станува збор за љубов или работа, тие наоѓаат начин да се прилагодат и вклопат, но и да ги исполнат сите барања. Со нив нема несогласувања, со нив се е можно, а таа отвореност и позитивност е многу симпатична.