привремен сообраќаен режим – Kurir.mk

ЌЕ СЕ ФРЛААТ ЛОПАТИ МАЛТЕР, А СОБРАЌАЈОТ ЌЕ БИДЕ ВО КОЛАПС – утре автопатот Тетово-Гостивар во прекин, доколку тргнувате од Скопје ова имајте го на ум!

Дарко Андоновски — Mon, 03 Apr 2023 07:53:43 +0000

Секторот за внатрешни работи Тетово ги известува и посетува граѓаните дека утре, вторник, 4 април 2023 година, од 11 часот и 45 минути до 13 часот и 15 минути, на потегот од Стража до тетовски Групчин, ќе се воведе посебен сообраќаен режим поради одржување на пригодна свеченост по повод започнувањето на градежните работи на автопатот Тетово - Гостивар. Во овој период целосно ќе биде запрен товарниот сообраќај, при што товарните возила кои ќе бидат затекнати на автопатот ќе се исклучуваат од сообраќај, а ќе бидат отворени сите регионални патни правци на подрачјето кои ќе се користат за таа намена. -Што се однесува до патничкиот сообраќај од Скопје кон Тетово ќе се одвива до клучката Југ и потоа ќе се пренасочува по регионалните патишта, а од Гостивар кон Тетово ќе се одвива до клучката Камењане и ќе се пренасочува по регионалните патишта, порачаа од СВР Тетово. Секторот за внатрешни работи Тетово апелира до возачите да ги почитуваат наредбите и насоките од полициските службеници, како и сообраќајната сигнализација која дополнително ќе биде поставена на овој потег.

Поради градежни работи времен прекин на сообраќајот на патот Кичево – Охрид

Дарко Андоновски — Tue, 14 Sep 2021 05:14:13 +0000

Поради изведување градежни работи на пат – минирање и дупчење на косини во двата правци, денеска ќе има прекин во сообраќајот на патниот правец Кичево – Охрид, на делницата Пресека – Песочан. Како што информира ЈП „Македонија пат“, прекинот на сообраќајот ќе биде во времетраење од 15 до 20 минути во периодот помеѓу 11 и 14 часот.

Утре времен прекин на сообраќајот на патот Кичево – Охрид, ова мора да го имате на ум доколку патот ве води натаму

Дарко Андоновски — Mon, 13 Sep 2021 06:54:45 +0000

Поради изведување градежни работи на пат – минирање и дупчење на косини во двата правци, ќе има прекин во сообраќајот на патниот правец Кичево – Охрид, на делницата Пресека – Песочан. Како што информира ЈП „Македонија пат“, прекинот на сообраќајот ќе биде во времетраење од 15 до 20 минути во периодот помеѓу 11 и 14 часот.

Привремен сообраќаен режим утре на булеварот „Босна и Херцеговина“

Дарко Андоновски — Fri, 16 Aug 2019 15:21:00 +0000

На булеварот „Босна и Херцеговина“ утре ќе се изведуваат прекопи за поставување подземни инсталации и поради тоа ќе биде воведен привремен сообраќаен режим. – Поради изведување прекоп кај сервисната улица за влез во објектите на „Едел пром“ и на „Шкода“ во периодот од 5 до 9 часот, сообраќајот на булеварот „Босна и Херцеговина“ ќе се одвива наизменично по една коловозна лента, соопшти Град Скопје. Поради изведување прекоп на крстосницата на булеварот „Босна и Херцеговина“ со улицата „Александар Урдаревски“ во периодот од 8 д 18 часот, сообраќајот на овој потег ќе се одвива по намален број коловозни ленти. Градските власти апелираат граѓаните да имаат разбирање додека траат градежните активности и сите учесници во сообраќајот да ја почитуваат поставената патна сигнализација.

Нов привремен сообраќаен режим на мостот „Гоце Делчев“

Предраг Кукиќ — Mon, 12 Aug 2019 15:52:54 +0000

Нов привремен сообраќаен режим се воведува утре на мостот „Гоце Делчев“ во Скопје при што сообраќајот на потегот од Мавровка кон Влада ќе се одвива во една сообраќајна лента, а сообраќајот на потегот од Пошта кон Судска палата ќе се одвива во две сообраќајни ленти, информира Град Скопје. -Од среда (14 август) до понеделник (19 август), под времен сообраќаен режим ќе биде само потегот од Мавровка кон Влада и ќе се одвива во една сообраќајна лента, а сообраќајот на потегот од Пошта кон Судска палата ќе се одвива нормално. Знаците за времено водење на сообраќајот на потегот од Пошта до Судска палата ќе останат на булеварот до завршување на работите на тротоарот, а барикадите ќе бидат поставени на работ на коловозот заради безбедност при работа на самиот тротоар, соопшти Град Скопје. Оттаму потсетуваат дека фазите на имплементација на времениот сообраќаен режим за проектот „Реконструкција на дилатации на мост „Гоце Делчев“ во двата правци“ се со целокупно времетраење од 40 денови, односно од 9 јули до 19 август годинава. Градот Скопје апелира сите учесници во сообраќајот да ја почитуваат поставената сообраќајна сигнализација, да се придржуваат до времениот режим на сообраќај и да имаат трпение и разбирање поради можното отежнато одвивање на сообраќајот во овој дел на градот.

Од денеска: Дел од „Партизанска“ затворен за сообраќај ќе се пренасочуваат и автобуси

Катерина Бојаџиева — Wed, 17 Jul 2019 14:01:49 +0000

Град Скопје ги информира граѓаните дека поради изведување на градежни работи на дел од булеварот Партизански одреди, од денеска ќе се воведе привремен сообраќаен режим. Поради нанесување завршен асфалтен слој на дел од трасата на булеварот Партизански одреди, од мостот Обединети Нации до ул. Московска, целосно за сообраќај ќе биде затворен делот од булеварот од кружниот тек кај Порта Влае до крстосницата со улица Московска (кај ТЦ Сити мол), во правец на движење од Ѓорче Петров кон Центар. По трасата во спротивниот правец сообраќајот ќе се одвива непречено. За време на привремениот режим, автобусите на ЈСП кои сообраќаа по овој дел од бул. Партизански одреди, ќе се пренасочат преку ул. Адолф Циборовски и бул. Митрополит Теодосиј Гологанов, а ќе се вратат на нормалната траса преку ул. Московска. Асфалтирањето се врши во рамките на проектот за реконструкцијата на коловозот на дел од булеварот Партизански одреди, на потегот од крстосницата со булеварот 8.Септември до мостот Обединети нации, на должина од два километра. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Не возете по „Партизанска“- и автобусите ќе се пренасочуваат

Катерина Бојаџиева — Sat, 13 Jul 2019 11:02:59 +0000

Град Скопје ги информира граѓаните дека поради изведување на градежни работи на дел од булеварот „Партизански одреди“, утре (14.07.2019 година, недела) ќе се воведе привремен сообраќаен режим. Поради нанесување на завршен асфалтен слој на дел од трасата на булеварот „Партизански одреди“ од мостот „Обединети Нации“ до ул. „Московска“, целосно за сообраќај ќе биде затворен делот од булеварот од кружниот тек кај Порта Влае до крстосницата со улица „Московска“ (кај ТЦ Сити мол), во правец на движење од Ѓорче Петров кон Центар. По трасата во спротивниот правец сообраќајот ќе се одвива непречено. Времениот режим ќе се реализира доколку тоа го дозволат временските услови за извршување на асфалтирањето, а истото ќе биде во сила до завршување на градежните активности. За време на привремениот режим, автобусите на ЈСП кои сообраќаа по овој дел од бул. „Партизански одреди“, ќе се пренасочат преку ул. „Адолф Циборовски“ и бул. „Митрополит Теодосиј Гологанов“, а ќе се вратат на нормалната траса преку ул. „Московска“. Асфалтирањето се врши во рамките на проектот за реконструкцијата на коловозот на дел од булеварот Партизански одреди, на потегот од крстосницата со булеварот 8.Септември до мостот „Обединети нации“, на должина од два километри. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Привремен сообраќаен режим на „Гоце Делчев“

Катерина Бојаџиева — Mon, 08 Jul 2019 12:37:43 +0000

Град Скопје ги информира граѓаните дека од утре, поради градежни активности за реализација на проектот „Реконструкција на дилатации на мост Гоце Делчев во двата правци“, на дел од бул. Гоце Делчев, ќе биде воведен привремен сообраќаен режим, што фазно ќе го опфати потегот од крстосницата со булеварот Свети Климент Охридски до крстосницата со улицата Филип Втори Македонски, како и булеварот ВМРО од булеварот Партизански одреди до самиот мост. Градежните работи ќе се изведуваат во две фази, истовремено во двете насоки на движење на мостот. Во првата фаза при изведба на градежните работи, сообраќајот на потегот од Мавровка кон Влада ќе се одвива во две сообраќајни ленти, а сообраќајот на потегот од стара пошта кон Судска палата ќе се одвива само во една сообраќајна лента. Во втората фаза при изведба на градежните работи сообраќајот на потегот од улица Филип Втори Македонски кон бул. Илинден ќе се одвива во само една сообраќајна лента, додека сообраќајот во спротивниот правец ќе се одвива во преостанатите две сообраќајни ленти. Фазите на времениот сообраќаен режим се со времетраење од 20 денови по фаза, вкупно 40 денови. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Утре и задутре не возете на овој потег- ќе има пренасочување и за автобусите

Катерина Бојаџиева — Fri, 05 Jul 2019 07:50:48 +0000

На мостот „Гоце Делчев“ утре и задутре ќе биде воведен привремен сообраќен режим поради изведување комплексни градежни активности. – Поради изведување градежни активности за реконструкција на дилатационите фуги на мостот, во сабота во периодот од 5 часот изутрина до 17 часот попладне ќе биде целосно затворена за сообраќај страната на мостот во правец од ТЦ „Мавровка“ кон Влада (исток-запад). Во недела поради изведување на истиот градежен зафат на мостот во периодот од 5 часот изутрина до 17 часот попладне, ќе биде целосно затворена за сообраќај страната на мостот во правец од Влада кон ТЦ „Мавровка“ (запад- исток), се вели во соопштението од Град Скопје. За време на привремениот сообраќаен режим ќе има пренасочување на сите автобуски линии кои поминуваат на овој потег. Град Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времено поставениот режим на сообраќај. Ги замолуваат сите учесници во сообраќајот за трпение и разбирање поради можното отежнато одвивање на сообраќајот во овој дел на градот.

Ќе се пренасочуваат автомобили и автобуси: Викендов избегнете ја оваа локација во Скопје

Катерина Бојаџиева — Thu, 04 Jul 2019 08:22:17 +0000

Поради изведување комплексни градежни активности во сабота и во недела на мостот Гоце Делчев ќе биде воведен привремен сообраќен режим, информираат од Град Скопје. Во сабота (06.07.2019 година) поради изведување градежни активности за реконструкција на дилатационите фуги на мостот во периодот од 5 часот изутрина до 17 часот попладне, ќе биде целосно затворена за сообраќај страната на мостот во правец од Мавровка кон Влада (исток-запад). А во недела (07.07.2019 година) поради изведување на истиот градежен зафат на мостот во периодот од 5 часот изутрина до 17 часот попладне, ќе биде целосно затворена за сообраќај страната на мостот во правец од Влада кон Мавровка (запад- исток). За време на привремениот сообраќаен режим ќе има пренасочување на сите автобуски линии кои поминуваат на овој потег. Градот Скопје апелира до сите учесници во сообраќајот да ја почитуваат поставената сообраќајна сигнализација и да се придржуваат до времено поставениот режим на сообраќај. Истовремено, ги замолуваме сите учесници во сообраќајот за трпение и разбирање поради можното отежнато одвивање на сообраќајот во овој дел на градот, велат од таму.