привремени вработувања – Kurir.mk

Општина Бутел лидер во привремени вработувања, поткуп или потреба?!

Ристе Здравков — Sat, 15 Aug 2020 14:39:04 +0000

Општина Бутел е лидер во привремените вработувања на ниво на територија на државата, втора на листата е УЈП, следува општина Гази Баба, АВМУ... Дали со ваквиот начин на вработување, власта сака да ги поткупи граѓаните на кои очајно им треба работа, па по принципот на „замачкување очи“ сака да прикаже дека се грижи за нив. Еве на пример зошто општината Бутел има потреба од толкава бројка на привремени вработувања, а не важи за една од најголемите општини во нашата држава. Од опозициската ВМРО-ДПМНЕ неколку пати обвинуваа за ваквиот начин на вработување, но од Велимир Смилевски, градоначалникот на општината немаше никаков одговор.

Колариќ: Шилегов во ек на пандемија врши предизборен поткуп односно привремени вработувања

Тале Кристо — Mon, 08 Jun 2020 08:05:17 +0000

Во „Утрински Брифинг“ свое гостување имаше советник во Советот на Град Скопје од редовите на ВМРО-ДПМНЕ, Светлана Колариќ која што посочи дека се врши изборен поткуп во ек на пандемија, Петре Шилегов објавува повици за вработување во јавните претпријатија. -Советничката група на ВМРО-ДПМНЕ заедно со Коалицијата навистина ја критикуваме работата на градоначалникот Петре Шилегов и неговите директори. Заради тоа што сметаме дека не е периодот во време на корона, во време на кризата која што ја зафати Република Македонија да објавува јавни повици во овој момент за привремени вработувања односно за агенциски времени вработувања, истакна Колариќ. Колариќ додаде дека советничката група на ВМРО-ДПМНЕ смета дека се трошат парите на граѓаните, и тоа станува збор за околу 300.000 евра за јавниот повик на ЈП „Дрисла“ кој што беше прв повик, а втор повик беше на ЈП Комуналното хигиена околу 140.000 евра, и не се знае сумата на која што ќе ја издвои ЈП ЈСП. „Сметаме дека станува збор за предизборен поткуп односно привремени вработувања иако календарски погледнеме дека привремено ќе се вработат луѓе во периодот некаде од јули или август 2020 година и ќе трае тоа вработување некаде до јули, август 2021, дефинитивно тоа покажува уште една небулозна мудрост на Петре Шилегов и неговите директори во насока на предизборен поткуп за 2020 година во пресрет на парламентарните избори , но истовремено и повторно поткуп и држење на тие граѓани кои што евентуално би се вработиле за 9.000 денари пред локалните избори следната 2021 од кои што ќе зависи и мандатот на Петре Шилегов и неговите градоначалници“.

Мисајловски: Неприфатливо е да се исплаќаат средства за СЈО и привремени вработувања, кога здраствените работници немаат содветна заштитна опрема

Тале Кристо — Sun, 05 Apr 2020 14:47:30 +0000

Дали треба да прифатиме реалност каде што има 555 заболени лица, а се исплатуваат средства за рекетарското СЈО? Реалност во која нема средства за заштитна опрема за здравствените работници кои се во голем број заболени, а има за привремени вработувања и кетеринзи за мене е неприфатлива, реагира потпретседателот на ВМРО-ДПМНЕ Владо Мисајловски. Вкупно 555 заболени лица, за еден ден 72 новозаболени, а само во Куманово 21 новозаболено лице. Дали вонреднава власт е свесна што направи во Куманово, каде изминативе неколку дена делеа компири, брашно и зејтин на граѓаните спротивно на сите препораки? Им станува ли сега појасно што направија во Куманово? Дали беше хуман пристапот во петокот кога одлуката за спроведување на полицискиот час преку целиот викенд беше соопштена неколку часа пред тој да започне, по што граѓаните беа приморани да ги наполнат маркетите, пазарите и другите набавни места со цел да се снабдат со храна ? Колкумина граѓани во овие две ситуации се новозаболени ? Доволно беше да постапувате по предлозите кои ви беа давани од опозицијата, граѓаните и од локалниот кризен штаб за да спречите ваква ескалација. Со овој ваш однос дали после Куманово, Скопје е следно за целосен карантин ? Освестете се пред да биде предоцна!, порачува потпретседателот Мисајловски.

Министерството за одбрана на привремени вработувања ќе потроши 200 илјади евра

Предраг Кукиќ — Fri, 17 May 2019 09:49:43 +0000

Министерството за одбрана – сектор за логистика распиша тендер за ангажирање на лица преку приватна агенција за вработување. Проценетата вредност на договорот со ДДВ е 12.000.000 денари или околу 200 илјади евра. Огласот е објавен на 7 мај, а крајниот датум за поднесување на понуди е 6 јуни.

Додека Манчевски најавува отпуштања на администрацијата од работа, Владата ќе потроши 4,5 милиони денари за нови вработувања

Предраг Кукиќ — Mon, 05 Nov 2018 17:56:11 +0000

Додека министерот за инфроматичко општество Дамјан Манчевски најавува бран отпуштања од јавната администрација, Владата објави нов оглас за вработувања. Службата за општи и заеднички работи на Владата на Република Македонија распиша оглас за доделување на договор за јавна набавка во кој како предмет на договорот стои ставката привремени вработувања. Според огласот кој е објавен на Бирото за јавни набавки Владата за оваа цел планира да потроши 4,5 милиони денари односно околу 75 илјади евра. Со овие огласи за вработувања се наметнува прашање зошто доколку власта мисли дека треба да дојде до реорганизација на јавната администрација, наместо засилено да распишува огласи за вработување не врши префрлање на веќе вработените, од место со вишок на вработени во места со помал број? -За некои можеби ќе биде и болен процес, но тоа е нешто што мора да се направи за да се стави ред на хаосот. Тоа ќе значи укинување можеби на институции, намалување на бројот на менаџери, управни одбори и раководни лица. Во прв план да се обидеме на луѓето да им најдеме место во системот доколку анализата нормално укаже дека одреден број на луѓе се прекубројни како што веќе најавуваме долго време ќе подготвиме една понуда до приватниот сектор и под одредени услови ќе се обидеме да ги префрлиме луѓето таму, изјави денеска министерот Дамјан Манчевски, одговарајќи на новинарско прашање. Како и по кој основ ќе биде вршено префрлување на вработените од јавниот во приватниот сектор, не кажува Манчевски, ниту по која методолигија. Дали со ова Манчевски сака индиректно да посочи дека ќе има бркање од работа на луѓето кои не се по нивна волја односно не се партиски војници, допрва треба да се одговори.