приврзаници – Kurir.mk

Во Вашингтон судир меѓу приврзаниците на Трамп и на АНТИФА

Тале Кристо — Sun, 13 Dec 2020 09:03:26 +0000

Неколку лица се повредени, а повеќе од 20 уапсени во новиот судир меѓу приврзаниците на американскиот претседател Доналд Трамп и АНТИФА на демонстрациите што се одржаа синоќа во Вашингтон. Според американските медиуми, на насилните демонстрации учествувале повеќе од 200 членови на насилната, десничарска група „Горди момчиња“ (Proud Boys) кои се приклучија на приврзаниците на Доналд Трамп и извикувајќи пароли против Антифа, приврзаниците на новоизбраниот претседател Џо Бајден и движењето „Црните животи се важни“ (Black Lives Matter). Судирот меѓу двете групи ескалираше синоќа, кога приврзаниците на двете групи сретнаа во еден дел од Вашингтон. Иако полицијата употреби солзавец, приврзаниците на обете групи ги продолжија судирите што се проширија низ улиците на Вашингтон. Според последните информации објавени од полицијата во Вашингтон, неколку лица биле прободени со нож за време на демонстрациите, а повеќе од 20 лица биле уапсени. Покрај Вашингтон, приврзаниците на Трамп организираа демонстрации низ САД, пред се во Џорџија, Невада, Аризона, Мичиген и Висконсин. Иако сите американски држави ја прогласија победата на Џо Бајден на претседателските избори, Доналд Трамп сè уште не е помирен со поразот, ниту неговите приврзаници, кои најавија нови протести во Вашингтон и други градови во наредните денови. Тие сметаат дека имало масовна изборна измама на изборите во САД, иако за таквите тврдења не доставија докази, а сите обиди да ги оспорат изборите на суд им пропаднаа.

Приврзаниците на Трамп на масовни протести ќе носат некролози од луѓе кои „гласале“

Тале Кристо — Mon, 09 Nov 2020 12:05:26 +0000

Американскиот претседател, Доналд Трамп, планира да организира масовни протести низ земјата на кои ќе се буни против кражба на изборните резултати, а на овие демонстрации планирано е да се прикажат некролози на луѓе кои наводно „гласале“ на изборите, јави „Дејли мејл“. Интернет страницата axios.com синоќа јави дека изборниот штаб на Доналд Трамп мобилизира „војници“ и се подготвува за „војна“. -Ние сакаме да се осигураме дека имаме доволно луѓе за борба гради в гради, изјави еден од советниците во изборниот штаб на Трамп. Екипи на Трамп веќе се испратени во Пенсилванија, Аризона, Џорџија, а постизборната кампања треба да биде организирана како „медиумска операција“. Интернет страницата наведува и дека Трамп собрал досега најголем тим во историјата на изборите, со невиден број адвокати подготвени да ги поништат изборните резултати.

Во центарот на Белград жестока кавга меѓу приврзаниците на власта и опозицијата

Дарко Андоновски — Sat, 31 Aug 2019 12:07:21 +0000

Во центарот на Белград, на денешното отворање на реконструираниот Плоштад на Република, дојде до жесток судир на претставниците и поддржувачи на опозицискиот Сојуз за Србија (СзС) и владејачката Српската напредна партија (СНС). Вербалната расправија, туркањето и за малку општа тепачка се случи откако на оддалеченост од неколку метри беа закажани настани на двете групи. Претставниците на СзС, функционерот на Народната партија (НС) Никола Јовановиќ и функционерот на Партијата за слобода и правда (ССП) и воедно градоначалник на општината Стари Град, Марко Бастаќ, на плоштадот имаа перформанс на кој сакаа да укажат на предолгата и прескапа реконструкција на плоштадот, додека, во исто време, на почетокот на улицата Кнез Михајлова претставници на градската власт и на СНС ја фалеа реконструкцијата. Кога функционерите од СНС тргнаа да се возат со мини бус, наидоа на претставниците на СзС. Јовановиќ пријде да се поздрави со претседателот на Градското собрание на Белград, Никола Никодијевиќ и други градски власти, но мини-бусот запре само на кратко и продолжи, што беше доживеано како бегање. Тогаш дојде до дофрлање и туркање со лицата кои беа до мини-бусот, беа разменети и а во неколку наврати за малку што не дојде и до тепачка. По некое време, насобраните се разделија.