прљаво казалиште – Kurir.mk

Даворин Боговиќ од „Прљаво Казалиште“ за прв пат ќе одржи концерт во Македонија

Ивана Ефремовски — Tue, 09 Aug 2022 11:26:40 +0000

Сцена продукција оваа година со концерт ќе го одбележи својот втор роденден. Првиот вокал и еден од основачите на еден од најпопуларните поп-рок состави во поранешна Југославија, загрепско „Прљаво Казалиште“ за прв пат ќе одржи концерт во Македонија и тоа ексклузивно во Битола. Даворин Боговиќ екс „Прљаво Казалиште“ на 17-ти август во Битола ќе го донесе својот црно-бел свет. „Moje ime je Davorin Bogović, a ovo sve oko mene je crno-bijeli svijet“ се стиховите со кој Даворин влезе во историјата на поп-култарата на овие простори и се лансираше во орбитата на популарноста. Даворин и Боговичи на задоволство на сите ќе ги отпеаат хитовите кои го одбележаа југословенскиот new wave: „На 17-ти август конечно ќе имам концерт во Битола. Во Битола претходно бев со театарска претстава но ова е она вистинското. Ви ветувам добра свирка и забава. Почнуваме со старите хитови како „Mi plešemo“, Crno-bijeli svijet“, „Sve je lako kad si mlad“... па се до поновите како „Moja voljena“, „Niz brdo od ljubavi“, „Ljubav vjerna kao pas“. Се радувам на скорото доаѓање ! Дојдете да се дружиме во што поголем број“, вели Даворин пред концертот во Битола. Атмосферата ќе ја загрева метал сензацијата од крајот на деведесеттите и почетокот на милениумот, една од најдобрите македонски метал групи ФАЏ (FUDGE), кои повторно се враќаат на сцената со концертни настапи. Oд 6-ти Август до денот на концертот цената ќе биде 500 денари. На денот на концертот истите ќе се продаваат по цена од 700 денари.

Групата „Прљаво казалиште“ се распадна, а нивната најубава балада ја крие оваа СТРАШНА трагедија!

Магдалена Андонова — Thu, 05 May 2022 20:20:21 +0000

Во медиумите ширум регионот одекна веста дека се распадна познатиот бенд „Прљаво казалиште“. Како што беше потврдено за „Јутарњи лист“, по 45 години момците од бендот решија да се разделат. Со години плачеме со познатата песна на групата „Прљаво казалиште“, а една од нивните најтажни балади се смета „Таа ноќ кога се омажи“ која излезе во 1993 година. Песната е заснована на вистински настан, а доколку некогаш ви била тажна, не е тоа ништо во споредба со она што ќе биде кога ќе ја слушнете позадината на приказната на која се заснова песната. Според легендата која следи „Таа ноќ кога се омажи “, лидерот на бендот Јасенко Хоура имал девојка која му била се. Раскинале кога тој отишол во војска, но таа му ветила дека ќе го чека. Меѓутоа, кога се вратил од војска, на една свадба имал закажана свирка со бендот, која се испоставила дека е нејзина! Лидерот на бендот никогаш не зборувал за ова, но се вели дека девојката по венчавката се застрелала со пиштол во глава.

Се распадна „Прљаво Казалиште“: Основачите веќе не ни разговараат меѓу себе

Магдалена Андонова — Thu, 05 May 2022 16:04:30 +0000

Готово е! Се случи она што со месеци се шпекулираше на музичката сцена. Нема веќе Прљаво Казалиште, барем не како што го знаеме со години. За Јутарњи лист е потврдено, по 45 години се распадна најмоќниот бенд, кој во 1979 година го издаде својот прв ЛП наречен „Прљаво казалиште“. Но, тоа е долго и славно минато, напишано од долгогодишни пријатели, кумови и големи музичари кои заедно ги исполнија арените и стадионите и ја фрлија публиката во транс. Денеска, Тихомир Филеш и Јасенко Хоура, основачите на бендот за чие распаѓање нивната публика вечно ќе жали, веќе не зборуваат, а како почнало, во иднина би можеле да разговараат само преку своите адвокати. За тоа дека членовите на бендот имаат различни музички визии и желби, како и тоа што се заситија еден од друг, се зборуваше уште во 2021 година. Никој не му придаваше преголема важност на тоа, бидејќи престрелките и полошите периоди не се невообичаени за групи со повеќе луѓе, па така и за бенд колку што е Прљаво казалиште. Но, наместо да се смират страстите, да се заборават лошите денови, работата ескалирала и резултирала со распад на бендот, но и можни тужби. Имено, иако е јасно дека нема да продолжат да соработуваат, Хоура, вели Филеш, се договорил на 24 јуни за изведбата на Прљаво Казалиште во Врбник на Крк. Во соопштението објавено на социјалните мрежи од Туристичкиот одбор на Врбник не пишува кој ќе пее и кој ќе свири, но Филеш, кој е сопственик на брендот и името на бендот, вели дека настанот не треба да се нарекува „Прљаво Казалиште концерт“ ако музичарите и туристичкиот одбор не сакаат да биде тужени. - Секако, бендот може да настапува под друго име. Не е проблем. Но, под името Прљаво Казалиште - не - се определува Филеш.

ФОТО: Почина легендарниот басист на „Прљаво казалиште“

Дарко Андоновски — Tue, 12 Mar 2019 13:40:33 +0000

Легендарниот басист на групата „Прљаво казалиште“ Дубравко Ворих утрово починал во болницата во Загреб. Лекарите на 59 годишниот музичар минатата пролет му дијагностицирале карцином, но тој не сакал да си замине од групата, па продолжил да свири на турнејата во САД и на големиот концерт кој групата летово го имаше во Загреб. Ворих со групата „Прљаво Казалиште“ свиреше повеќе десетици години.