проба – Kurir.mk

Лара, Ирина и Јован ја имаа првата проба на импресивната евровизиска сцена

Тале Кристо — Wed, 07 Dec 2022 11:39:41 +0000

Задоволни и возбудени со нетрпение го очекуваат стартот на спектакуларното шоу кое ќе се одржи на 11-ти декември во Ереван, а гледачите на Македонската телевизија ќе го можат да го следат настанот во живо со почеток од 16:00 часот. Полни со енергија, насмеани и весели Лара, Ирина и Јован заедно со танчарките Александра и Мила, ја имаа првата проба на импресивната евровизиска сцена. Задоволни и возбудени со нетрпение го очекуваат стартот на спектакуларното шоу кое ќе се одржи на 11-ти декември во Ереван, а гледачите на Македонската телевизија ќе го можат да го следат настанот во живо со почеток од 16:00 часот. На годинашното 20-то јубилејно издание ќе настапат вкупно 16 земји-учеснички. Лара, Јован и Ирина настапуваат 10-ти по ред.

Самоопределување на Албин Курти утре ќе одржи нова „проба за протест“ со 5.000 луѓе во центарот на Приштина

Тале Кристо — Wed, 27 May 2020 10:37:57 +0000

Владејачката партија Движење Самоопределување (ВВ) најави дека утре ќе одржи нова, втора по ред, „проба за протест“ во центарот на главниот град на Косово, на која се очекува да учествуваат околу пет илјади нејзини активисти и следбеници, јави дописникот на МИА од Приштина. Од партијата на вршителот на должноста премиер на Косово, Албин Курти, за порталот „Газета експрес“ изјавија дека одлучиле да ја одржат манифестацијата, која тие ја нарекуваат „перформанс“, по „големиот интерес и бројните барања од граѓаните“. – Постојано во последно време имаме големо интересирање и бројни барања од граѓаните за протестирање во врска со равојот на настаните во земјата. По успешното реализирање (на 12 мај) на првата проба од граѓаните и активистите одлучивме да го реализираме второто тестирање, но во поголем обем. Значи ова сигурно не е протест, туку перформанс со 3.500 до 5.000 лица, изјавија од ВВ. Според јавниот повик на ВВ, „перформансот“ ќе се одржи од 17 до 19 часот на плоштадите „Скендербег“, „Ибрахим Ругова“ и „Адем Јашари“ во пешачката зона во центарот на Приштина. Новата проба за протест се одржува во пресрет на одлуката која треба да ја донесе Уставниот суд на Косово најдоцна до задутре, 29 мај, во врска со барањето на ВВ за оценка на уставноста на доделувањето на мандатот од страна на претседателот на државата Хашим Тачи на второрангирната партија на последните парламентарни избори, Демократскиот сојуз на Косово (ЛДК). На 25 март, на иницијатива на ЛДК, Собранието на Косово му изгласа недоверба на кабинетот на Курти, по што Тачи неколку пати побара од ВВ да именува кандидат за формирање нова влада. Откако партијата на Курти не одогвори на неговите повици, Тачи, по консултации со другите парламентарни партии, на 30 април го додели мандатот на Авдулах Хоти од ЛДК. Утредента, на 1 мај, ВВ го поднесе барањето до Уставен суд за оценка на уставноста на одлуката на претседателот на државата. ВВ тврди дека нова влада не може да се формира од постоечкиот парламентарен состав, туку треба да се организираат нови избори. Од утре во Косово стапуваат на сила нови, олеснети мерки во врска со пандемијата на Ковид-19, со кои, меѓу другото, ќе нема ограничување на движењето на граѓаните од 7 до 21 часот. Разрешениот премиер Курти негира дека новите мерки се воведуваат со цел да се овозможи одржување протести против евентуална одлука на Уставниот суд со која би се одбило барањето на ВВ за прогласување за неуставно доделувањето на мандатот на друга партија.

Жешкиот стајлинг ќе ве остави без здив: Македонската претставничка ја имаше втората проба на Евровизија (ВИДЕО)

Дарко Андоновски — Thu, 03 May 2018 19:50:54 +0000

Во Лисабон денеска се одржаа вторите проби на евровизиските учесници, а овој пат имаме можност да видиме како ќе изгледаат нивните настапи како што ќе биде за време на директниот ТВ пренос. Први на ред беа натпреварувачите од првата полуфинална вечер, меѓу кои и нашите претставници „Ај кју“. Заради промената на правилата од страна на организаторите, за разлика од претходните години, евровизиските новинари овој пат не смееја во целост да ги снимаат овие втори проби, така што комплетните настапи ќе ги видиме од директниот пренос во живо од главниот настан или на последната генерална проба на која своите гласови ќе ги дадат членовите на стручните жирија.

20.000 поканети на пробата за Свеченото отворање на ЗОИ

Ивона Петрова — Fri, 02 Feb 2018 14:17:26 +0000

Официјалната проба на Церемонијата на отворањето на зимската Олимпијада ќе се одржи во сабота на Олимпискиот стадион во Пјонгчанг од 20 часот по локално време, соопштија организаторите. На настанот се поканети 20 илјади луѓе, меѓу кои волонтерите на Игрите, жители на градот и официјални лица. Гледачите ќе бидат обврзани да ја задржат во тајност програмата, забрането ќе биде снимање на делови од пробата или јавно прогласување на детали од неа . Таквите дејствија можат да доведат до законски мерки против прекршителите од страна на организаторите. Строго забрането е внесување на камери и фото апарати, а домаќините ќе го следат и користењето на мобилни телефони. Организаторите за утре очекуваат студено време и температури од минус 12 степени. Официјалната церемонија на отворањето на Зимските олимписки игри во Пјонгчанг ќе се одржи на 9 февруари, за кога метеоролозите прогнозираат температури од минус 7 степени, но поради ветрот чувството ќе биде за постудено време.

Пејачот се бореше за живот, сите мислеа дека никогаш нема да пее: Откако излезе од болница ги воодушеви сите (ВИДЕО)

Ивана Ефремовски — Fri, 12 Jan 2018 15:20:22 +0000

Доколку некој се сомневал, сега е јасно – Синан се врати на сцената, а снимката на неговата прва проба по операцијата ги воодушеви сите љубители на музиката. Потсетуваме, Сакиќ во октомври 2017. итно беше примен во болница во Тузла поради енцефалопатија на црниот дроб и беше во критична состојба. Ситуацијата беше толку лоша што не се знаеше дали тој ќе преживее. Се пишуваше и зборуваше дека тој нема повеќе да може да пее. Сепак, пејачот успеаа да се избори со здравствените проблеми и почетокот на ноември минатата година пуштен е на домашно лекување. Почетокот на оваа година фановите на неговата музика беа израдувани од веста дека тој застанал на нозе и дека се чувствува добро.

A post shared by Sabina Ssabina Sakic (@sinan_sakic) on Jan 11, 2018 at 1:08pm PST

A post shared by Sabina Ssabina Sakic (@sinan_sakic) on Jan 11, 2018 at 12:56pm PST