прободено момче – Kurir.mk

Малолетник прободен во грб по тепачка во гостиварско Форино

Катерина Бојаџиева — Wed, 20 Apr 2022 11:10:43 +0000

Еден малолетник завршил со убодни рани на грбот во гостиварската болница по тепачка со други малолетни лица. Полицијата сомничи двајца малолетници и работи на расчистување на случајот. Според СВР – Тетово, синоќа во 22 часот и 30 минути било пријавено дека половина час пред тоа во гостиварско Форино еден малолетник бил повреден со остар предмет. На повредувањето му претходела вербална расправија, по што настанала физичка пресметка помеѓу тројца малолетници. Еден од малолетниците со остар предмет му нанел повреди на друг малолетник, кој е пренесен во гостиварската Општа болница „Ферид Мурад“ за укажување на лекарска помош. Повредениот е задржан на лекување. На местото на настанот увид извршиле јавен обвинител и екипа од Одделението за внатрешни работи – Гостивар. Се очекува во текот на денот да биде извршен разговор со двајцата малолетници, во присуство на родители, претставник од Центарот за социјални работи и адвокат. По целосно документирање на случајот, во координација со јавен обвинител, ќе биде изготвен поднесок, информираат од СВР Тетово.

Момче од Скопје прободено со нож на концерт во Охрид

Катерина Бојаџиева — Thu, 01 Aug 2019 14:38:33 +0000

Седумнаесет годишно момче од Скопје било прободено со нож во Охрид, за време на концерт. Настанот се случил во СРЦ Билјанини извори, во 1.30 часот на 31-ви јули. Додека се одржувал концертот, внатре во стадионот присутните го забележале повреденото момче, по што истото било префрлено во Општа болница Охрид. Станува збор за малолетно лице, момче на возраст од 17 години од Скопје. Повредата е од остар предмет, односно нож. Се превземаат мерки за расветлување на случајот, информираат од СВР Охрид.

Момче со убодна рана донесено на Клиника во Скопје

Предраг Кукиќ — Thu, 09 May 2019 14:38:18 +0000

Момче се здобило со убодна рана по инцидент кој се случил пред угостителски објект во Скопје, информира МВР. Вчера во 19:00 часот во СВР Скопје било пријавено дека пред угостителски објект на крстосницата од булеварите „Климент Охридски“ и „Партизански Одреди“ неколку лица физички ги нападнале 18-годишниот Д.Б. од село Агино село, кумановско и 18-годишниот Д.Д. село Јурумлери, скопско. На Д.Б. со остар предмет му нанеле убодна рана и на него му е укажана помош во комплексот клиники „Мајка Тереза“ во Скопје. Полицијата презема мерки за расчистување на случајот.

Се огласи таткото на прободеното момче со нож пред дискотека од страна на синовите на висок функционер вработен во МВР

Дарко Андоновски — Mon, 25 Mar 2019 09:17:28 +0000

Таткото на прободеното момче со нож во саботата во дискотека од страна на двајца синови на висок функционер вработен во МВР се огласи преку својот Фејсбук профил: Ги земав личните предмети на син ми од болница, меѓу нив има лични документи и парфем, нема нож како што имале сторителите, така сум го воспитал да ги сака луѓето, да помогне каде што може, правеше големи сметки на телефон донирајќи за некоја објава за помош на лица за кои се собираа парични средства потребни за лекување. За разлика од него сторителите синови на висок функционер излегуваат на забава со ножеви, се прашува ли некој надлежен со каква цел е излегувањето на млад човек во дискотека со нож...., стои во статусот на таткото на прободеното момче.

Прободено 19 годишно момче во Арачиново

Матеја Петровски — Sun, 23 Sep 2018 09:17:07 +0000

Во текот на вчерашниот ден околу 15:30 часот во с.Арачиново-Скопје на ул.“10“ во близина на џамијата, поради расправија за движење по наведената улица, Р. Б. од с.Арачиново со нож го нападнал Е. Р. (19) од с.Арачиново, кој бил во друштво со И. М. (18) од с.Сингелиќ , при што Р.Б на му нанел расекотина на Е.Р. и побегнал, информираат од МВР. На Е. Р. му е укажана лекарска помош во ГОБ “Наум Охридски“, каде му се констатирани телесни повреди, по што е пуштен на домашно лекување. Се преземаат мерки за расчистување на случајот.

Младо момче прободено со нож во струшко

Катерина Бојаџиева — Mon, 25 Jun 2018 11:57:17 +0000

Поради постоење основи на сомнение за сторено казнено дело „загрозување со опасно орудие при тепачка или караница“, надворешната канцеларија за криминалистички работи-Струга, до надлежното јавно обвинителство поднесе кривична пријава против М.М. (32) од струшкото село Радолишта. СВР Охрид соопшти дека лицето казненото дело го сторило на 17 овој месец на локален пат пред селото Долна Белица. –Со патничкиот автомобил што го управувал и го попречил патот на Б.И. (19) по што се случила вербална расправија со Ш.К. (23), кој бил повикан на местото на настанот. Расправијата набрзо прераснала во физичка пресметка, по што, М.М. со нож го прободел Ш.К. во пределот на слабината и му нанел телесна повреда, стои во информацијата од СВР Охрид.