Безос продаде милион акции на Амазон за 3,1 милијарда долари

Магдалена Андонова — Thu, 06 Aug 2020 09:12:28 +0000

Основачот и директор на „Амазон“, Џеф Безос во првите денови од август продаде милион акции на компанијата за 3,1 милијарди долари, објави „Форбс“, повикувајќи се на документацијата доставена до Американската комисија за хартии од вредност (СЕЦ). По плаќањето данок, најбогатиот човек на светот ќе има околу 2,4 милијарди долари. Безос ги продаде акциите по цена од 3,10 до 3,18 долари по акција, покажуваат податоците на СЕЦ. Форбс пишува дека не е познато зошто Безос ги продал акциите. Фокс Бизнис, меѓутоа, наведува дека Безос во последните години редовно продава акции на „Амазон“ за финансирање други бизниси. Телевизијата потсетува дека Безос ветил дека ќе собере најмалку милијарда долари секоја година со продажба на акции за финансирање на „Блу Ориџин“, неговата приватна фирма за вселенски туризам и истражување. Безос го задржа првото место на најновата листа на „Форбс“ на најбогати луѓе во светот, со проценето лично богатство од над 189 милијарди долари. Минатата недела „Амазон“ објави дека оствариле приходи од 88,9 милијарди долари во вториот квартал, 40 проценти повеќе отколку во истиот квартал една година порано, а профитот изнесува 5,2 милијарди долари, што значително ги надмина очекувањата на Вол Стрит. (МИА)

Јувентус се согласи да го продаде Ругани на Лестер

Магдалена Андонова — Sat, 01 Aug 2020 18:39:34 +0000

Дефанзивецот на Јувентус, Даниеле Ругани е близу до преселба во Лестер ова лето. Клубот од Торино е подготвен да го пушти 26-годишниот Италијанец да замине во англискиот клуб, под услов „лисиците“ да бидат подготвени да платат 25 милиони евра за играчот, јавува „Corriere dello Sport“. За потсетување, за Ругани е заинтересиран и Вулверхемптон. Во тековната сезона, дефанзивецот има девет натпревари во Серија А. (МИА)

продаде – Kurir.mk

Безос продаде милион акции на Амазон за 3,1 милијарда долари

Јувентус се согласи да го продаде Ругани на Лестер