продавница – Kurir.mk

ЗЕМЕТЕ СÈ, ЗАРАБОТИВ ДОВОЛНО ОД НЕГО – сопственик на турски дуќан ја донираше целата роба (ВИДЕО)

Дарко Андоновски — Fri, 10 Feb 2023 09:16:47 +0000

Сопственик на турски дуќан донира се што има во својата продавница за помош од земјотресот. Тој им рекол на луѓето што помагаат за донациите: Земете сè, доволно заработив од оваа продавница. Таквата великодушност доаѓа од вистинската вера – пишува Камран на Твитер.

A Turkish shop owner donates everything in his shop for the earthquake relief. Says take everything, I have earned enough from this shop. Such magnanimity comes from true faith in Allah and humanity.#TurkeyQuake #Turkey #TurkeyEarthquake #TurkeySyriaEarthquake #TURKEYNEEDSHELP pic.twitter.com/FImNoLECNu
— MOHD ABDUL KAMRAN (@mdabdulkamran) February 8, 2023

Muslim Turkish man donates his entire shop stock to the survivors of the earthquake in Turkey.
"Take everything to those affected, don't leave anything." pic.twitter.com/MrwUdafSIM — Monsieur Larkin ♘ (@Hakicat) February 8, 2023

Разбојници истепале вработен во продавница во Аеродром, го одзеле и днвниот промет

Тале Кристо — Tue, 07 Feb 2023 18:38:07 +0000

На 06.02.2023 во 21.50 часот во СВР Скопје било пријавено дека во продажен објект на ул.„Тодор Чангов“, две лица физички го нападнале вработениот и со закана одзеле пари од дневниот промет. Се преземаат мерки за расчистување на случајот.

Ограбена продавница во центарот на Скопје

Тале Кристо — Fri, 03 Feb 2023 16:29:40 +0000

На 02.02.2023 во 19.32 часот во СВР Скопје било пријавено дека во продажен објект на ул.„Рузвелтова“ три лица со закана одзеле пари од дневниот промет и лични предмети на една вработена и едно лице кое пазарувало. Се преземаат мерки за расчистување на случајот.

Казнет вработен во продавница, му дал алкохол на малолетник

Ивона Петрова — Sat, 03 Sep 2022 09:25:31 +0000

При спроведување на акциска контрола во Битола за санкционирање на точење на алкохолни пијалоци на деца на 02/03.09.2022 во времето од 22.00 – 02.00 часот, констатирано е дека од страна на вработено лице во колонијална продавница лоцирана на ул„Климент Охридски“ во Битола послужен е малолетник со алкохолен пијалок, информира МВР. Од страна на полициски службеници од ОКП - Отсек за општ криминал при СВР Битола ќе биде поднесена соодветна пријава. Контролите интензивно продолжуваат и во нареден период.

Повредена вработена во продавница

Ивана Ефремовски — Thu, 14 Apr 2022 16:34:12 +0000

На 13.04.2022 околу 16:35 часот во СВР Скопје било пријавено дека во продажен објект на бул.„Партизански одреди“ едно лице со остар предмет нанело повреди на вработената. Извршен бил увид од екипа на СВР Скопје и се преземаат мерки за расчистување на случајот.

Гевгеличанец со закана украл пари од продавница, поднесена кривична пријава

Магдалена Андонова — Tue, 01 Feb 2022 10:20:25 +0000

Одделението за внатрешни работи Гевгелија, до Основното јавно обвинителство Гевгелија, поднесе кривична пријава против Л.Ќ.(34) од Гевгелија, поради постоење основи на сомнение дека сторил кривично дело „разбојништво“ по член 237 од Кривичниот законик. На 29.12.2021 околу 19.00 часот, пријавениот со закана одзел пари од дневниот промет во продавница во с.Негорци, гевгелиско. По преземени мерки од полициски службеници од Одделението за внатрешни работи Гевгелија биле пронајдени предмети поврзани со кривичното дело. Додека, при претрес во просториите кои ги користел, извршен со судска наредба на 31.01.2022, исто така, биле пронајдени предмети поврзани со кривичното дело. Л.Ќ. бил лишен од слобода и во текот на денот ќе биде изведен пред Судија на претходна постапка од Основен суд Гевгелија.

ВИДЕО: Автобус влета во продавница во Лондон, повредени 19 лица

Ивона Петрова — Wed, 26 Jan 2022 08:12:49 +0000

Најмалку 19 лица се повредени откако автобус во источниот дел на Лондон удрил во продавница. Меѓу повредените е и возачот кого пожарникарите морале да го ослободат од седиштето со специјална опрема за да го извлечат. Во болница се пренесени три деца и двајца возрасни, додека на останатите 14 повредени не им било потребно болничко лекување. Очевидец изјавил дека несреќата се случила бидејќи на автобусот му откажале сопирачките. -Автобусот премина преки ивичникот и влезе во продавницата на другата страна од улицата. Повикав полиција и додека разговарав со нив и пиомагав на луѓето да излезат од автобусот. Некои беа повредени, а возачот рече дека е заробен во кабината, изјавил очевидецот.

Утринава фатено лице при обид за кражба во штипска продавница

Магдалена Андонова — Mon, 19 Jul 2021 11:31:54 +0000

Четириест годишниот Џ.А од Кочани е фатен утринава, како се обидува насилно да влезе во продавница на улицата „Енгелсова“ во Штип. Портпаролот на СВР-Штип, Гордана Панајотова во полицискиот извештајот вели дека полициските службеници од слобода го лишиле утринава во 2.40 часот, а бил затекнат при вршење на кривично дело „тешка кражба“, односно додека се обидувал со употреба на сила и алат да влезе во продавницата, а по комплетирање на случајот ќе се поднесе и соодветна пријава. Панјаотова информира дека вчера полициски службеници по преземани мерки ги привеле 19 годишниот С.М и 21 годишниот М.А од Кочани, поради постоење основи на сомнение дека во два наврати на 17 и 18 јули годинава извршиле кривични дела „тешка кражба“ на електричен кабел од Радио Кочани кој бил наменет за напојување на опремата на радиото. По комплетирање на случаите против С.М.и М.А. ќе бидат поднесени соодветни кривични пријави за сторени две кривични дела „тешка кражба“.

Драма пред продавница во Кисела Вода

Ивана Ефремовски — Fri, 28 May 2021 14:31:35 +0000

На 27.05.2021 во 15:30 часот во СВР Скопје, О.А.(29) од Скопје пријавил дека околу 13:15 часот пред продавница во негова сопственост на подрачје на Кисела Вода, додека бил заедно со К.Д. и К.А., дошол В.Н. и со остар предмет упатувал закани кон него. Се преземаат мерки за расчистување на случајот.

ГОЛЕМО БРАВО: Основана продавница во која се е бесплатно, освен алкохол и цигари

Катерина Бојаџиева — Thu, 01 Apr 2021 15:05:16 +0000

На Нов Зеланд работи „социјална продавница“ или „банка за храна“, покрената од градската организација „Мисија на Велингтон сити“, основана во 1904 година, со цел да се задоволат потребите на локалното население. Идејата за основање ваква продавница произлезе од потребата за поддршка на заедницата преку обезбедување пристап до храна и можност луѓето да изберат што сакаат. Исто така, се планира проширување на мрежата на вакви продавници во наредниот период. Со цел да се реализира можноста за купување во оваа продавница, сите заинтересирани треба да контактираат со организацијата, за да објаснат во каква ситуација се наоѓаат и зошто им е потребна ваква помош. Потоа, тие добиваат термин кога можат да одат да пазарат. Наместо цени, артиклите во продавницата се означени со поени од 1 до 5, каде што 1 поен се најевтините намирници, додека 5 поени вредат намирници кои инаку чинат повеќе од 10 долари. Во зависност од ситуацијата во која се наоѓа лицето, организацијата одлучува колку поени за набавка ќе им бидат доделени. На пример, возрасно лице со слободен брачен статус би добило околу 55 поени, додека семејствата многу повеќе. На овој начин, социјално загрозените лица не добиваат готов пакет храна, туку сами одлучуваат што да купат и како да управуваат со својот буџет. Во продавницата има околу 3.000 производи, освен алкохол и цигари. Социјалната продавница има поддршка од големи супермаркети.