продолжен договор – Kurir.mk

Жиру го продолжи договорот со Милан

Дарко Андоновски — Wed, 19 Apr 2023 18:19:40 +0000

Францускиот напаѓач Оливие Жиру (36) го продолжи договорот со актуелниот италијански првак Милан, соопшти вечерва клубот од „Сан Сиро“.

„Милан со гордост објавува дека Оливие Жиру го обнови договорот со клубот. Оливие е важна алка во напаѓачката линија на Росонерите, постигнувајќи 27 голови на 76 натпревари“, се наведува во клупското соопштение.

Италијанските медиуми пренесуваат дека Жиру потпишал договор со важност до јуни 2024 година, вреден 3.5 милиони евра.

„Среќен сум, ова е најдобриот начин да го прославам пласманот во полуфиналето на Лигата на шампиони“, порача Жиру, кој во септември ќе го прослави својот 37 роденден.

Французинот го продолжи договорот ден откако беше еден од најзаслужните играчи на Милан во ремито против Наполи (1-1) со што клубот од Милано ја зачува предноста од првиот натпревар и обезбеди пласман во полуфиналето во Лигата на шампиони.

Барселона ќе му го продолжи договорот со Араухо до 2026 година

Дарко Андоновски — Tue, 26 Apr 2022 12:29:16 +0000

Барселона се договори со Роналд Араухо за нов договор. Важноста на новиот договор се пресметува до 30 јуни 2026 година. Договорот предвидува клаузула за предвремен раскин во износ од една милијарда евра – како кај Ансу Фати и Педри. Официјалното потпишување на новиот договор ќе се одржи во петок на 29 април на стадионот „Камп Ноу“. Претходниот договор на Уругваецот со клубот беше со важност до летото 2023 година. Дваесет и тригодишниот централен бек оваа сезона забележа 39 настапи за каталонскиот клуб во сите натпреварувања и постигна четири гола.

Јунајтед го продолжи договорот со Погба

Тале Кристо — Fri, 16 Oct 2020 18:33:38 +0000

Манчестер Јунајтед ја активираше клаузулата во договорот на Пол Погба, со која може да биде продолжен за уште 12 месеци – до летото 2022 година, според „Манчестер ивнинг њуз“. Во принцип, договорот истече по крајот на оваа сезона, но клубот ја активираше оваа опција минатата недела. Во врска со ова, претходно денес менаџерот на „црвените ѓаволи“ Оле Гунар Солскјер изјави дека Погба сигурно ќе биде дел од неговиот тим за оваа и следната сезона. Францускиот играч за врска се врати на „Олд Трафорд“ во 2013 година, откако клубот плати рекордни 105 милиони евра на Јувентус. Неодамна, тој повторно ја сподели својата желба еден ден да се пресели во Реал Мадрид, што најверојатно ја наведе управата да ја активира клаузулата.