продолжен викенд – Kurir.mk

Неделава ќе работиме само три дена, ни доаѓаат уште два продолжени викенди!

Дарко Андоновски — Mon, 17 Apr 2023 13:22:35 +0000

Викендов по повод најголемиот христијански празник имавме убав продолжен викенд. Неработни денови беа 14 април Велики Петок, и денешниот втор ден на Велигден, 17 април, понеделник. Оваа недела според календарот, ќе работиме само три дена, па повторно имаме продолжен викенд. Во овој месец неработен за сите граѓани е и 21 април кога се празнува Рамазан Бајрам, а истиот се паѓа во петок. Веднаш следната недела, на почетокот на мај имаме продолжен викенд. 1 Мај се паѓа во понеделник, што значи дека заедно со викендот ќе имаме добра можност да испланираме некое патување.

Продолжениот викенд повторно го наполни Охрид и неговото крајбрежје

Магдалена Андонова — Sat, 30 Apr 2022 10:41:39 +0000

Продолжениот Првомајски викенд, кој годинава се поклопува со празникот Рамазан Бајрам, повторно го исполни Охридското крајбрежје. Хотелските капацитети, според првиот човек на Асоцијацијата на хотелиери – ХОТАМ, Крсте Блажески, се исполнети повеќе од минатиот продолжен викенд за Велигденските празници. – Има гости, мислам дека хотелите се исполнети повеќе од Велигденските празници. Очекуваме 60 до 70 посто исполнетост на хотелите сега, додека за Велигден капацитетите беа окоу 50 отсто исполнети, изјави Блажески. Голема е исполнетоста и во приватното сместување. Единствена пречка, како што посочи Блажески, е временската прогноза, и поради најавените дождови имале доста откажувања. – Почнаа грчки автобуси да доаѓаат, по некоја турска и бугарска група. Тоа е показател дека државите околу нас се присутни тука и со нив ќе можеме да се извлекуваме во сезоната, заклучи Блажески. Голем дел од присутните на ривиерата се сместени во сопствени станови, кои ги користат за викендите да уживаат во убавините на охридско-струшкиот регион. Раздвиженоста низ охридската чаршија поради облачното време и не е така голема, за разлика од соседна Струга, каде во голем број се вратени печалбарите за прослава на рамазанските празници. (МИА)

Големо разочарување за престојниот продолжен викенд: УХМР најавува дожд и пад на температурите

Магдалена Андонова — Tue, 26 Apr 2022 09:45:33 +0000

Утре ќе се задржи сончево и топло време со слаб до умерен јужен ветер, а од четврток во попладневните часови ќе има локален пороен дожд и грмежи, најавуваат од Управата за хидрометеорлошки работи. Ќе дува умерен на места засилен северен ветер. Услови за краткотраен локален дожд ќе има во петок и во деновите од продолжениот празничен викенд, а температурите позначително ќе опаднат. (МИА)

Следниот викенд е продолжен- еве уште колку неработни денови следуваат

Катерина Бојаџиева — Fri, 23 Apr 2021 15:50:49 +0000

Доаѓаат велигденските и првомајските празници кои се спојуваат и тогаш граѓаните ќе имаат продолжен викенд. Ова се сите неработни денови кои преостанаа во 2021-ва година. За сите граѓани на РМ 01 мај (сабота), Ден на трудот, 03 мај (понеделник), Велигден, вториот ден на Велигден според православниот календар, 13 мај (четврток), Рамазан Бајрам, првиот ден на Рамазан Бајрам, 24 мај (понеделник) „Св. Кирил и Методиј“ Ден на сесловенските просветители, 02 август (понеделник), Ден на Републиката, 8 септември (среда), Ден на независноста, 11 октомври (понеделник), Ден на народното востание, 23 октомври (сабота), Ден на Македонската Револуционерна Борба, 8 декември (среда), “Св. Климент Охридски”. За граѓаните од православна вероисповед: 30 април (петок), Велики Петок, петок пред Велигден, 18 јуни (петок), Духовден, петок пред Духовден, 28 август (сабота), Успение на Пресвета Богородица (Голема Богородица). За граѓаните од католичка вероисповед 05 Април (понеделник), Велигден, вториот ден на Велигден, 01 ноември (понеделник), Празникот на сите светци, 25 декември (сабота), првиот ден на Божик. За граѓаните од муслиманска вероисповед 20 Јули (вторник), Курбан Бајрам, првиот ден на Курбан Бајрам. За граѓаните припадници на албанската заедница во РМ • 22 ноември (понеделник), Ден на Албанската азбука, За граѓаните припадници на српската заедница во РМ • 27 јануари (среда), Свети Сава, За граѓаните припадници на ромската заедница во РМ • 08 април (четврток), Меѓународен ден на Ромите, За граѓаните припадници на влашката заедница во РМ • 23 мај (недела), Национален ден на Власите, За граѓаните припадници на еврејската заедница во РМ • 16 септември (четврток), Јом Кипур, првиот ден на Јом Кипур, За граѓаните припадници на бошњачката заедница во РМ • 28 септември (вторник), Меѓународен ден на Бошњаците, За граѓаните припадници на турската заедница во РМ • 21 декември (вторник), Ден на настава на турски јазик.

Каролина се одлучи за поинаков продолжен викенд во Македонија, па ја покажа сестрата со која се копии- која од која е поубава (ФОТО)

Дарко Андоновски — Tue, 04 Aug 2020 12:27:41 +0000

Најпознатата македонска пејачка Каролина Гочева одлично го помина празничниот викенд. Наместо за на плажа, пејачката се одлучи за враќање дома во родната Битола, но и посета на Националниот парк Пелистер и враќање на младоста кога речиси секој викенд била таму.

View this post on Instagram

Еве цела година како носам ?? ☺️ Сликано 2006, на пауза за време на снимање видео, ме сликаше @dejanpanovski Среќен Ден на младоста! ?❤️

A post shared by Karolina Goceva (@karolinagocheva) on May 25, 2020 at 3:07am PDT

View this post on Instagram

Јануари 2020?

A post shared by Karolina Goceva (@karolinagocheva) on Mar 27, 2020 at 11:47am PDT

Каролина викендот го помина со своето семејство, а на Инстаграм сподели фотографија со својата сестра Сандра со која речиси се идентични. Доказ дека Гочева е приврзана со двете свои внуки сведочат и честите фотографии, неизбежни беа и овој пат, погледнете.

View this post on Instagram

Ден исполнет со убавина ?

A post shared by Karolina Goceva (@karolinagocheva) on Aug 3, 2020 at 11:39am PDT

Еве какво време не очекува за продолжениот викенд

Магдалена Андонова — Wed, 29 Jul 2020 12:33:42 +0000

Под влијание на многу топла воздушна маса до петок времето ќе биде сончево и многу топло, велат од УХМР. Максималните температури насекаде ќе бидат над 30 степени, а во југоисточните делови од земјава ќе достигнат и до 40 степени. Во сабота ќе има зголемена облачност и ќе има услови за локална нестабилност со краткотраен пороен дожд и грмежи, а од недела ќе настапи повторно стабилизирање на времето. Понеделник, кој ќе биде неработен ден за сите граѓани на државата, ќе биде стабилен и топол ден со многу сонце, а живата во термометарот ќе се искачи до 34 степени.

Дали продолжениот викенд кој што следува ќе го поминеме под полициски час?

Тале Кристо — Mon, 01 Jun 2020 15:31:06 +0000

Сите опции се отворени, рече на денешната прес-конференција министерот за здравство Венко Филипче, на прашањето дали се можни рестрикции за викендов. Православните верници во сабота го слават празникот Задушница, а обичаите налагаат да се посетат гробиштата. Поради ова, Филипче рече дека состојбата се следи и дека во следните неколку дена ќе се знае дали видендов ќе има нови рестрикции, како на пример полициски час.

ВМРО-ДПМНЕ не се согласува со предложената мерка за целосен полициски час за време на продолжениот викенд

Тале Кристо — Thu, 21 May 2020 07:43:34 +0000

ВМРО-ДПМНЕ не се согласува со предложената мерка за целосен полициски час за време на продолжениот викенд, стои во соопштението на ВМРО-ДПМНЕ. Интегрален текст од соопштение на ВМРО-ДПМНЕ: Нелогично е да се најавува дека рестораните ќе работат од вторник, а да е задолжително седење дома за време на целиот продолжен викенд. Со други зборови недела и понеделник за Владата на СДСМ е опасно, а вторникот не е. Според кои критериуми е донесена ваква препорака? ВМРО-ДПМНЕ сметаше дека е престрога мерката и за целосен полициски час за празникот Велигден, и сега кога е празникот Бајрам. На овој начин се нарушуваат човековите слободи и права. Воедно со ваквите мерки СДСМ свесно влегува во провоцирање на тензии и конфликти меѓу населението и ја изложува полицијата во непосакувана улога. На овој начин СДСМ директно ја злоупотребува здравствената криза согласно дневно политичките потреби и си игра со чувствата на граѓаните. Со оглед на тоа дека земјава е на врвот по штетните последици од корона вирусот потребно е суштинско делување.

Се очекуваат гужви на патиштата, полицијата со апел по празничниот викенд: Бидете трпеливи и почитувајте ги правилата

Ивона Петрова — Fri, 02 Aug 2019 15:31:00 +0000

Граѓаните кои по празничниот викенд ќе се враќаат од туристичките центри треба да бидат трпеливи и да ги почитуваат сообраќајните правила и прописи, апелираат од СВР Тетово. На западната магистрала се очекува да има и регулација на сообраќајот со сообраќајни полицајци на повеќе точки. Според согледувањата на наплатнaтa станица Гостивар на автопатот Тетово-Гостивар, овие два дена поминале над 50 илјади возила. Најголемиот дел од нив се упатиле кон Охрид, Струга и Маврово. Од задутре се очекува да тргнат кон Гостивар, Тетово и Скопје. – Предвидувањата се дека на 4 август во попладневните и вечерните часови, поголем број на граѓани ќе ги користат магистралниот патен правец Гостивар-Кичево и автоапатот „Мајка Тереза“. Од тие причини, ќе бидат ангажирани повеќе служби чија задача ќе биде регулација на сообраќајот за да се избегнат застои во одвивањето на сообраќајот. Апелираме до возачите да бидат потрпеливи и задолжително да ги почитуваат наредбите на полициските службеници и сообраќајната сигнализација, особено да не престигнуваат и да се држат на прописно растојание, вели Марјан Јосифоски, портпарол на СВР Тетово. Според најавите, физичка регулација со сообраќајци се очекува да има на преминот Стража, на крстосницата за Маврово и Кичево и пред влезот на Гостивар кај „здуњската раскрисница“, каде вообичаено сообраќајот се регулира со семафор. МИА

Ако планирате продолжен викенд во Грција: Ова се важни работи кои треба да ги знаете

Дарко Андоновски — Thu, 01 Aug 2019 10:41:01 +0000

Петок е неработен ден, а пред нас е продолжен викенд. Голем дел од вас сигурно ќе се упатат на поблиските места за летување во соседната Грција. За безбедно да стигнете до саканата дестинација потребно е да ги знаете најважните сообраќајни правила и прописи и секако да возите согласно со пропишаната брзина на патот. Највисока дозволена брзина Во населени места има ограничување на брзината за автомобил (со или без приколка) од 50 км на час. На автопат ограничувањето за автомобил е 130 км на час. На останати патишта ограничувањето е од 90-110 км на час. За моторцикл ограничувањата се: 40 км на час во населени места, 90 км на час на автопат и 70 км на час на останати патишта. Употреба на мобилен телефон За време на возење во Грција е забранета употребата на мобилен телефон. Дозволена е употребата на HANDS FREE. Казна до 100 ЕУР. Дозволено количество алкохол Дозволено количество на алкохол во крвта е 0,05%, за нови возачи (дозвола до 2 години) и моторцилкисти 0,02%. Потребни документи За влез во Грција не е потребна виза. Потребни се : Зелен картон, меѓународна возачка дозвола и дозвола за управување со туѓо возило, ако возилото не е лична сопственост. Задолжителна опрема Ремени: задолжително за сите седишта (казна 350 евра) Детски седишта: задолжително седиште за деца до 3 години, деца над 3 години, а пониски од 1,35м на задно седиште во детско седиште, постари од 12 г. и повисоки до 1,35 можат да користат ремени за возрасни Средно светло дење: задолжителни за моторцикли и мопеди. Прва помош сет: задолжително ПП апарат:задолжително Триаголник: задолжително Рефлектирачки елек: не e задолжителен, но препорачуваме. Зимска опрема:Нема определено, период од ноември до март. Синџирите за снег можат да се користат кога патишта се покриени со снег или мраз. Максималната брзина за автомобили со синџири е 50 km / h.